வீட்டிற்கும், வங்கிக்கும் முன்பக்க கதவு இல்லாத அதிசய கிராமம்!

**krishnaamma** · **krishnaamma** Tue Jan 06, 2015 11:34 pm

மும்பை: மகாராஷ்டிராவின் அகமதுநகர் மாவட்டத்தில் உள்ள ஷானி ஷிங்பூர் கிராமத்தில் உள்ள வீடுகள் மற்றும் வங்கியில் முன்பக்க கதவுகள் இல்லை. வீடுகளில் உள்ள பணம் பத்திரமாக இருக்கும் என அக்கிராம மக்கள் மகிழ்ச்சியுடன் தெரிவித்தனர். தங்களை சனி பகவான் காத்து வருவதாக அப்பகுதி மக்கள் கூறுகின்றனர். பல தலைமுறைகளாக தங்கள் வீடுகளில் கதவுகள் இல்லை.

கடந்த சில வருடங்களுக்கு முன் பக்தர்கள் கனவில் வந்த சனி பகவான், வீடுகளில் கதவுகள் பொருத்த வேண்டாம். நான் உங்களைபாதுகாத்து வரும்போது, வீடுகளில் கதவு எதற்கு என சனி பகவான் கூறியதாக கிராம மக்கள் கூறினர். இதேபோல், அந்த கிராமத்தில் உள்ள வங்கிக்கும் கதவு கிடையாது. கண்ணாடியால் மூடப்பட்டுள்ளது. நாய்கள் வங்கிக்குள் நுழையாமல் இருக்கவே கண்ணாடி பொருத்தப்பட்டுள்ளது. இதனால் எங்களுக்கு எந்த பிரச்னையுமில்லை என வங்கி அதிகாரிகள் கூறினர்.

தினமலர்