காதல் -கவிஞா் கி. பாரதிதாசன்-

**ayyasamy ram** · **ayyasamy ram** Tue Dec 23, 2014 8:43 am

]b]கவிஞா் கி. பாரதிதாசன்-
ஆயிரம் காதல் கவிதைகள் இயற்றியுள்ளார்...
அவற்றிலிருந்து ஒரு சில[/b]
-
-----------------------------------------------------------

-
பட்டென்(று) ஒருகவிதை பாடிடச் சொன்னவளே!

சட்டென்(று) ஒருமுத்தம் தந்திடுக! – கட்டழகே

கொட்டென்று கொட்டும் கவிமழை! சேர்ந்தாடச்

சிட்டென்று மெல்லச் சிணுங்கு!
-
---------------------------------------------------------------------
-
-

முத்துமழை முன்பொழிய முத்தமழை நீ..பொழிய

சொத்துமழை என்றெண்ணிச் சொக்குகிறேன் – முத்தமிழாய்க்

கொட்டுமழை கொட்டுமடி! கோகுலமே செந்தேனில்

இட்டுமழை கொட்டுமடி ஈங்கு!
-
---------------------------------------------
-
-
அவளரு ளாலே அவளெழில் உண்டு

சுவைகவி சூட்டினேன் சொக்கி! – இவை..கவி

என்றுலகம் போற்றும்! இளமையின் வேதமென

நின்றுலகம் போற்றும் நினைந்து!
-
--------------------------------------------

படம் இணையம்

**ayyasamy ram** · **ayyasamy ram** Tue Dec 23, 2014 9:00 am

காதல் -கவிஞா் கி. பாரதிதாசன்- WRSJZnKStaOEVjzamEud+Tamannaah

-

தலைவலி என்ன? கயல்விழி கண்டால்

மலைவலி கூட மடியும்! – சிலைபோல்

கலையொளிர் பெண்ணின் கவியொளிர் சொற்கள்

இலையெனில் வாழ்வே இலை!
-
-----------------------------------------------------------------------------
-

-
சித்தரும் பக்தரும் உன்முகம் கண்டவுடன்

பித்தராய் ஆகிப் பிதற்றிடுவார்! – சத்தியம்

சித்திரை நிலவே!உன் சிற்றிடை மெல்லசைவால்

நித்திரை இல்லா நிலை!
-
------------------------------------
-
-

-
முத்திரைப் பொன்னே! முழுமதிப் பேரழகே!

இத்திரை நீக்கி எனைப்பாராய்! – வித்தையிடும்

சித்திரை வந்ததடி! கத்தரி காய்த்ததடி!

நித்திரை போகுதே நீத்து!
-
===========================

காதல் -கவிஞா் கி. பாரதிதாசன்-

காதல் -கவிஞா் கி. பாரதிதாசன்-

Re: காதல் -கவிஞா் கி. பாரதிதாசன்-

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக