அமெரிக்காவில் சர்ச்சைக்குள்ளான தேவ்யானி கோப்ரகடே மீது திடீர் நடவடிக்கை!

புதுடெல்லி:
-

-

அமெரிக்காவில் கைது நடவடிக்கைக்கு ஆளான
தேவ்யானி கோப்ரகடே, அமைச்சகப் பொறுப்பிலிருந்து
நீக்கப்பட்டு காத்திருப்புப் பட்டியலில் வைக்கப்பட்டுள்ளார்.
-
கடந்த ஆண்டு நியூயார்க்கில் இந்திய துணைத் தூதராகப்
பணியாற்றிய தேவ்யானி அவரது வீட்டில் வேலை செய்த
பணிப்பெண் சங்கீதாவுக்கு மிகக் குறைவான சம்பளம் வ
ழங்கினார் என்றும் அவர் மீது குற்றம் சாட்டப்பட்டது.
-
இந்த நிலையில், இது தொடர்பாக விசா மோசடி வழக்கில்
கைது செய்யப்பட்டு, ஆடை களைந்து சோதனைக்கு
உள்ளாக்கப்பட்டார். இந்த சம்பவத்திற்கு இந்தியா கடும்
கண்டனம் தெரிவித்ததை தொடர்ந்து, பல்வேறு எதிர்
நடவடிக்கைகளை மேற்கொண்டது.
-
இதனையடுத்து பின்னர் அவர் ரூ.1.5 கோடி பிணைத்
தொகையில் ஜாமீனில் விடுவிக்கப்பட்டார்.அதன் பின்னர்
அவர் நாடு திரும்பினார். அவருக்கு வெளியுறவுத் துறை
அமைச்சகத்தில் கூட்டு வளர்ச்சிப் பிரிவின் இயக்குநர்
பொறுப்பு வழங்கப்பட்டது.
-
இந்நிலையில் தேவ்யானி அண்மையில் தனது தந்தை
மீதான ஆதர்ஷ் ஊழல் குற்றச்சாட்டு தொடர்பாகவும்,
தனது குழந்தைகளுக்கு அமெரிக்க குடியுரிமை இருப்பது
குறித்தும் ஆங்கில செய்தி சேனல் ஒன்றிற்கு பேட்டி
அளித்திருந்தார்.
-
இதனையடுத்து அனுமதி பெறாமல் ஊடகத்திற்கு
பேட்டியளித்தது மற்றும் தனது கணவர் மற்ற்றும்
குழந்தைகள் இருவருக்கும், அமெரிக்க குடியுரிமை
பெறப்பட்டதையும் மறைத்ததாக அவர் மீது புகார் எழுந்தது.
-
இதனையடுத்து அவர் மீது நிர்வாக ரீதியிலான விசாரணையும்
நடந்து வருகிறது.
-
இந்நிலையில் வெளியுறவுத்துறையின் கீழ் இயங்கும்
கூட்டு வளர்ச்சிப் பிரிவின் இயக்குநர் பொறுப்பில் இருந்து
தேவ்யானி நீக்கப்பட்டுள்ளார்.
-
கட்டாய காத்திருப்பில் வைக்கப்பட்டுள்ள அவர் மீது,
மேலும் துறை ரீதியிலான நடவடிக்கைகள் எடுக்கப்படும்
என்றும் வெளியுறவுத்துறை வட்டாரங்கள் தெரிவிக்கின்றன.
-
ராஜினாமா இல்லை
-
இதனிடையே அரசின் மேற்கூறிய நடவடிக்கை காரணமாக
பதவியிலிருந்து ராஜினாமா செய்வீர்களா? எனக் கேட்டபோது,
ராஜினாமா செய்யும் பேச்சுக்கே இடமில்லை என்றும், பணி
தொடர்பான விதிமுறைகள் எதனையும் தாம் மீறவில்லை
என்றும் தேவ்யானி கோப்ரகடே திட்டவட்டமாக தெரிவித்துள்ளார்.
-
-------------------------
விகடன்.காம்