ஆட்சி மொழியாக தமிழ் கிடையாது: பார்லியில் மத்திய அரசு அறிவிப்பு

**ayyasamy ram** · **ayyasamy ram** Sat Dec 20, 2014 6:52 am

ராஜ்யசபாவில் நேற்று, தமிழகத்தை சேர்ந்த, காங்கிரஸ் எம்.பி.,
சுதர்சன நாச்சியப்பன், 'தமிழ் மொழியை ஆட்சி மொழியாக,
மத்திய அரசு அறிவிக்க வேண்டும்' என கொண்டு வந்த,
தனிநபர் விவாதத்தில் குறுக்கிட்டு பேசிய, மத்திய உள்துறை
இணையமைச்சர் ஹரிபாய் சவுத்ரி கூறியதாவது:
-
மத்திய அரசின் ஆட்சி மொழியாக, இப்போது ஆங்கிலம் மற்றும்
இந்தி உள்ளது. கூடுதலாக ஒரு மொழியை சேர்க்க வேண்டும்
என்றால், அரசியல் அமைப்புச் சட்டத்தின், 346வது பிரிவை திருத்த
வேண்டும்.
-
அதற்கு, பல தரப்பிலிருந்து எதிர்ப்பு வரும். எனவே, தமிழ் உட்பட
எந்தவொரு மாநில, வட்டார மொழியையும், மத்திய அரசின்
ஆட்சி மொழியாக அறிவிக்கும் எண்ணம் மத்திய அரசுக்கு இல்லை.
-
தமிழகத்தை சேர்ந்த மற்றொரு எம்.பி., 'சென்னை உயர் நீதிமன்றத்தின்,
நீதிமன்ற மொழியாக தமிழை அறிவிக்க வேண்டும்' என்ற கோரிக்கைக்கு
பதிலளித்த அமைச்சர் சவுத்ரி, ''இந்த விவகாரம், சுப்ரீம் கோர்ட்டின்,
அரசியல் அமைப்பு அமர்வின் பரிசீலனையில் உள்ளது,'' என்றார்.
-
திருவள்ளுவர் பிறந்த தினத்தை, தேசிய மொழி நாளாக கொண்டாட
வேண்டும் என்ற தமிழக எம்.பி.,க்களின் கோரிக்கையையும் மத்திய
அரசு நிராகரித்தது. ''திருவள்ளுவர் பிறந்த தினத்திற்கு அந்த
அந்தஸ்து கொடுத்தால், பல அறிஞர்களும் அந்த பெருமையை
எதிர்பார்ப்பர். இதனால் குழப்பம் ஏற்படும்,'' என, அமைச்சர்
ஹரிபாய் சவுத்ரி கூறினார்.
-
-----------------------------------------------
--தினமலர்

**ராஜா** · **ராஜா** Sat Dec 20, 2014 2:05 pm

போங்கடா மொழி வெறி பிடித்த ****களா ,

நீங்கள் அறிவித்தால் தான் தமிழ் ஆட்சி மொழியாக ஆகுமா , இப்ப தானே பூமியை விட்டு கொஞ்சம் வெளியே போயிருக்கிறோம்
இன்னும் கொஞ்ச வருடத்தில் அமெரிக்ககாரன் தமிழ் படிக்க ஆரம்பித்துவிடுவான் அதன் பிறகு தமிழ் மொழியே பூமியையும் மற்ற கிரகங்களையும் ஆட்சி செய்யும்

ஆட்சி மொழியாக தமிழ் கிடையாது: பார்லியில் மத்திய அரசு அறிவிப்பு

ஆட்சி மொழியாக தமிழ் கிடையாது: பார்லியில் மத்திய அரசு அறிவிப்பு

Re: ஆட்சி மொழியாக தமிழ் கிடையாது: பார்லியில் மத்திய அரசு அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக