சிங்கப்பூரில் குடிபோதையில் பெண்ணுக்கு பாலியல் தொந்தரவு: இந்தியருக்கு ஒன்பது மாத சிறை

**ராஜா** · **ராஜா** Fri Dec 19, 2014 3:37 pm

சிங்கப்பூரில் வேலை பார்த்து வரும் 26 வயது இந்தியரான சத்திய இளையராஜா கடந்த நவம்பர் 7 ஆம் தேதி, 39 வயதான ஒரு அழகுக் கலை நிபுணருடன் அடுக்கு மாடி குடியிருப்பின் லிஃப்டில் சென்று கொண்டிருந்தார். அப்போது திடீரென இளையராஜா அப்பெண்ணை பாலியல் ரீதியாக துன்புறுத்தியுள்ளார்.

இதனால் அதிர்ச்சியடைந்த அந்தப் பெண் நான்காவது மாடியில் இறங்கியுள்ளார்.

இளையராஜா அந்தப் பெண்ணை பின் தொடர்ந்து மீண்டும் அவருக்கு பாலியல் தொல்லை கொடுத்துள்ளார். இதையடுத்து அந்தப் பெண் தன்னைத் தற்காத்துக்கொள்ள கையில் இருந்த குடையால் அவரைத் தள்ளிவிட்டு தப்பி ஓடினார். பின் அருகிலிருந்த காவலர்களிடம் புகார் கொடுத்தார். சம்பவம் குறித்து விசாரிக்கச் சென்ற போது அவர் குடித்திருந்தது தெரிய வந்தது. உடனடியாக காவல்துறையினர் இளையராஜாவை கைது செய்தனர். இதுகுறித்து வழக்குப் பதிவு செய்து விசாரணை நடத்தி வந்தனர்.

விசாரணை முடிந்த நிலையில் இளையராஜா இன்று கோர்ட்டில் ஆஜர் படுத்தப்பட்டார். இளையராஜாவின் சார்பாக அவரது வழக்கறிஞர் பீர் குடித்ததால், மது போதையில் இப்படி நடந்து கொண்டதாகவும். அவரது இந்த முதல் குற்றத்தை மன்னிக்க வேண்டுமென்றும் தாழ்மையுடன் கேட்டுக் கொண்டார். அவரது வாதத்தை மறுத்த நீதிமன்றம். இளையராஜாவுக்கு 9 மாத சிறை தண்டனை விதித்துத் தீர்ப்பளித்தது.

2 வருட தண்டனை, அபராதம் அல்லது இரண்டையும் சேர்த்து தண்டனை வழங்கலாம் என்ற போதிலும் இளைஞரின் எதிர்காலம் கருதி நீதிமன்றம் 9 மாதம் சிறை தண்டனை விதித்தது குறிப்பிடத்தக்கது.
-maalaimalar

**ராஜா** · **ராஜா** Fri Dec 19, 2014 3:39 pm

நாம் யார்? , வெளிநாடு எப்படி வந்தோம்? , நமது நோக்கம் என்ன?, தமிழ்நாட்டில் தன்னை நம்பி எத்தனை பேர் உள்ளனர் என்று ஒரு விநாடி சிந்தித்து பார்த்தால் எவனும் இது போல பண்ண மாட்டான்

**ayyasamy ram** · **ayyasamy ram** Fri Dec 19, 2014 4:24 pm

சுமார் ஆறு வாரத்தில் தீர்ப்பு...பாராட்ட வேண்டிய விஷயம்
-
இதோ இன்னொரு நிகழ்வு
-
பள்ளிக்கூடத்தில் உள்ள பெண்கள் கழிவறைக்குள்
அத்துமீறி நுழைந்து ரகசியமாக 17 வயது இளம்
பெண்ணைக் காணொளியில் பதிவு செய்த தகவல்
தொழில்நுட்ப ஊழியருக்கு நேற்று மூன்று வாரச்
சிறைத் தண்டனை விதிக்கப்பட்டது.
-
கடந்த செப்டம்பர் மாதம் 15ஆம் தேதி நண்பகல்
11.40 மணிக்கு நடந்த அந்தச் சம்பவத்தின்போது
அந்தப் பெண் மட்டுமே அந்தக் கழிவறையில் இருந்தார்.
-
வெஸ்லே கோ மியூ குவாங், 26, என்ற அந்த மலேசியர்
கிழக்குப் பகுதியில் உள்ள ஒரு தொடக்கப்பள்ளியின்
கழிவறைக்குள் அத்துமீறி நுழைந்த முதல் குற்றச்
சாட்டையும் இளம்பெண்ணின் கண்ணியத்தை
அவமதித்த இரண்டாவது குற்றச்சாட்டையும் ஒப்புக்
கொண்டார்.
--

Sponsored content · Sponsored content

சிங்கப்பூரில் குடிபோதையில் பெண்ணுக்கு பாலியல் தொந்தரவு: இந்தியருக்கு ஒன்பது மாத சிறை

சிங்கப்பூரில் குடிபோதையில் பெண்ணுக்கு பாலியல் தொந்தரவு: இந்தியருக்கு ஒன்பது மாத சிறை

Re: சிங்கப்பூரில் குடிபோதையில் பெண்ணுக்கு பாலியல் தொந்தரவு: இந்தியருக்கு ஒன்பது மாத சிறை

Re: சிங்கப்பூரில் குடிபோதையில் பெண்ணுக்கு பாலியல் தொந்தரவு: இந்தியருக்கு ஒன்பது மாத சிறை

Re: சிங்கப்பூரில் குடிபோதையில் பெண்ணுக்கு பாலியல் தொந்தரவு: இந்தியருக்கு ஒன்பது மாத சிறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக