தற்கொலை முயற்சி இனி குற்றமல்ல: ஹரிபாய் பார்த்திபாய் செளத்ரி

**ayyasamy ram** · **ayyasamy ram** Thu 11 Dec 2014 - 9:30

-

தற்கொலை முயற்சியை குற்ற நடவடிக்கையாகக் கருதி தண்டனை விதிக்கும் 309-ஆவது சட்டப் பிரிவை இந்திய தண்டனையியல் சட்டத்திலிருந்து நீக்க உள்ளதாக மத்திய உள்துறை இணையமைச்சர் ஹரிபாய் பார்த்திபாய் செளத்ரி மாநிலங்களவையில் புதன்கிழமை தெரிவித்தார்.

இதற்கு 22 மாநிலங்களின் ஆதரவு கிடைத்துள்ளதாகவும் அவர் தெரிவித்தார். தற்கொலை முயற்சியில் ஈடுபடுபவர்கள் மீது 309-வது சட்டப் பிரிவின் கீழ் குற்ற வழக்குப் பதிவு செய்யப்பட்டு தண்டனை வழங்கப்பட்டு வருகிறது. இந்நிலையில், தற்கொலைக்கு முயற்சிப்பது குற்றமாகாது என்ற நோக்கில் அந்தச் சட்டப் பிரிவை நீக்குவதற்கு அரசு முடிவு செய்துள்ளது.

இது தொடர்பாக மாநிலங்களவையில் எழுப்பப்பட்ட கேள்விக்கு ஹரிபாய் பார்த்திபாய் செளத்ரி எழுத்துப்பூர்வமாக அளித்த பதிலின் விவரம்:

தற்கொலை முயற்சிகளுக்கு தண்டனை விதிக்கும் 309-ஆவது சட்டப் பிரிவை நீக்க வேண்டும் என்று சட்ட ஆணையம் பரிந்துரைத்திருந்தது. சட்டம், ஒழுங்கு என்பது மாநிலம் சார்ந்த பிரச்னை. எனவே சட்ட ஆணையத்தின் பரிந்துரைக்கு மாநிலங்களின் ஒப்புதலும் அவசியம்.

இதுவரை, 18 மாநிலங்களும் 4 யூனியன் பிரதேசங்களும் அந்தச் சட்டப் பிரிவை நீக்குவதற்கு ஆதரவு தெரிவித்துள்ளன. இது தொடர்பாக மாநிலங்களின் கருத்துகளை மத்திய அரசு தொடர்ந்து கேட்டறிந்து வருகிறது. விரைவில் அந்தச் சட்டப் பிரிவை நீக்குவது குறித்து முடிவெடுக்கப்படும் என்றார்.
=====
--தினமணி

**அகிலன்** · **அகிலன்** Fri 12 Dec 2014 - 5:00

தற்கொலை முயற்ச்சிக்கு தண்டனை விதிக்கக் கூடாது
மனவிரக்தியில் தற்கொலை செய்ய நினைப்பவரை காப்பாற்றி அவருக்குத் தண்டனை கொடுத்தால் மேலும் மனவிரக்தி அதிகமாகும்
அதனால் மீண்டும் அவர் காப்பாற்ற முடியாத வகையில் தற்கொலை செய்ய முயர்ச்சிப்பார்.

மாறாக அவருக்கு ஆறுதல் அளிக்கும் வகையில் உளவியல் சிகிச்சை அளிக்கப்பட வேண்டும்.

mbalasaravanan · mbalasaravanan Fri 12 Dec 2014 - 17:01

அகிலன் wrote:தற்கொலை முயற்ச்சிக்கு தண்டனை விதிக்கக் கூடாது
மனவிரக்தியில் தற்கொலை செய்ய நினைப்பவரை காப்பாற்றி அவருக்குத் தண்டனை கொடுத்தால் மேலும் மனவிரக்தி அதிகமாகும்
அதனால் மீண்டும் அவர் காப்பாற்ற முடியாத வகையில் தற்கொலை செய்ய முயர்ச்சிப்பார்.

மாறாக அவருக்கு ஆறுதல் அளிக்கும் வகையில் உளவியல் சிகிச்சை அளிக்கப்பட வேண்டும்.

மேற்கோள் செய்த பதிவு: 1109044
சரி தான் ஆனால் அவர்கள் உளவியல் சிகிச்சைக்கு ஒத்துழைக்க வேண்டுமே