ரஜினிகாந்த் - தமிழ்நாட்டின் சாபக்கேடு !

seltoday · seltoday Fri Dec 12, 2014 8:01 am

First topic message reminder :

சுப்ரமணியபாரதி வாழ்ந்தபோதும் யாரும் கண்டுக்கிடலை. அவரைப்பற்றித் தெரிந்த பிறகும் பாரதியின் பிறந்தநாளான டிசம்பர் -11 ஐ பெரும்பாலான ஊடகங்கள் குறிப்பாக தொ(ல்)லைக்காட்சிகள் கண்டுக்கிடலை. டிசம்பர் -12 ரஜினிகாந்த் எனும் திரை பிம்பத்திற்கு பிறந்தநாளாம் ,இதைக் கொண்டாட ஒரு மாதமாக தவமிருக்கிறார்கள். புத்தகங்கள் பற்றியோ,எழுத்தாளர்கள் பற்றியோ, மற்ற கலைஞர்கள் பற்றியோ, கிராமங்கள் பற்றியோ,நகரங்கள் பற்றியோ ,சமூகத்தின் அங்கங்கள் பற்றியோ சிறு நிகழ்ச்சி கூட தயாரிக்க முன்வராதவர்கள் இந்த தொ(ல்)க்காட்சிக்காரர்கள்.

சினிமாவையும் சினிமாக்காரர்களையும் தவிர்த்து தமிழ்நாட்டில் எதுவும் இல்லையா தொ(ல்)லைக்காட்சிகளே ?
உலகவணிகமயமாக்கலின் முக்கிய கருவி இந்தத் தொ(ல்)லைக்காட்சிகள் தான். இந்தத் தொ(ல்)லைக்காட்சிகள் யாரையும் சுயமாக சிந்திக்க அனுமதிப்பதே இல்லை. எதை ஒளிபரப்பறாங்களோ அதைப் பார்க்க வைக்கனும், எதை விளம்பரப்படுத்துறாங்களோ அதை வாங்கத் தூண்டனும் இதைத் தான் எல்லாத் தொ.கா.களும் செய்கின்றன. நமது வீடுகளில் நமக்குப் பயன்படாத நிறைய பொருட்கள் அடைந்து கிடப்பதற்கும், நமது மூளையில் எதற்கும் பயன்தராத தகவல்கள் குவிந்துகிடப்பதற்கும் தொ.கா.கள் தான் முக்கிய காரணம்.

தி இந்து நாளிதழின் நடுப்பக்கத்தில் ரஜினி இடம்பெற்றால் அது, இதுவரை நடுப்பக்கத்தில் இடம்பற்றவர்களுக்கும், தி இந்துவிற்கும் மாபெரும் அவமானம்.

இந்த பிம்பத்தைக் கொண்டாடப்போகும் ஊடகங்களிடமிருந்து டிசம்பர் -12ஐக் காப்பாற்றுங்க.

தமிழன் சுயமரியாதை உள்ளவனா ? இல்லையா ? நாளை தெரிந்துவிடும்.

ரஜினி ஒரு நடிகன். அவ்வளவுதான்.அதைத் தாண்டிக் கொண்டாட தமிழ்நாட்டிற்கும் தமிழ்சினிமாவிற்கும் அவர் எதுவும் செய்யவில்லை. தனது திரைப்படங்கள் வாயிலாக புகைப்பிடிப்பதை ஊக்கப்படுத்தியவர். இன்று வரை தனது ரசிகர்களை ஏமாற்றி தவறாக பயன்படுத்துபவர் தான் இந்த ரஜினி. ரஜினி படம் வந்தா திரையரங்கிற்கு போங்க, படம் பாருங்க.ரஜினியை அங்கேயே விட்டுட்டு வாங்க. ரஜினி ஒரு எண்டர்டெய்னர் (entertainer) அதனால் அவரைக் கொண்டாடுறோம் என்று சொல்லமுடியாது. ஏனென்றால், நமது எல்லோரது வாழ்விலும் நீக்கமற நிறைந்திருக்கும் வசனங்களைப் பேசி நடித்து ,நடிக்காதப் போதும் கூட நம்மைச் சிரிக்க வைத்துக் கொண்டிருக்கும் வடிவேலு தான்யா உண்மையான எண்டர்டெய்னர். உண்மையான கலைஞன். வடிவேலுவை விடவா ரஜினி பெரிய எண்டர்டெய்னர் ? இல்லையே.

**ராஜா** · **ராஜா** Fri Dec 12, 2014 9:21 pm

இதற்கெல்லாம் முடிவு கட்டவேண்டுமானால் இப்ப எங்கோ ஒரு இடத்தில் அத்தி பூத்தாற்போல சிந்திக்கும் தமிழன் , தமிழ்நாடு பூராவும் சிந்திக்க வேண்டும் அதன் பிறகு தான் தமிழினம் முன்னேறும்.

சினிமாவை பாருங்கள் , அதை ஒரு பொழுதுபோக்கு சாதனமாக மட்டும் பாருங்கள். அத்துடன் வேலை முடிந்தது அதன் பிறகு அடுத்தவேலையை பார்க்க வேண்டும் அது தான் சரி

seltoday · seltoday Fri Dec 12, 2014 9:42 pm

ரஜினி மட்டுமல்ல , விஜய் ,அஜித் ,தனுஷ் ,சிம்பு என அடுத்தும் இந்தக் கதாநாயகத் துதிபாடல் மனநிலையை எடுத்துச் செல்ல நிறைய பேர் தயாராகவே இருக்கிறார்கள் . துதிபாடல் மனநிலையை வளர்த்தெடுப்பதில் தொல்லைக்காட்சிகள் தான் முக்கிய பங்கு வகிகின்றன . இன்றைய தலைமுறை நடிகர்கள் மது குடிப்பதை அளவுக்கு அதிகமாக ஊக்கப்படுத்தும் வகையிலான காட்சிகளில் தொடர்ந்து நடிக்கிறார்கள் .

எம்.ஆர்.ராதா , கவுண்டமணி போன்றவர்கள் தான் இந்த துதிபாடும் மனநிலையை வெறுத்தவர்கள் .

உதயசுதா · உதயசுதா Sat Dec 13, 2014 2:16 pm

நெத்தியடி கட்டுரைதானுங்க. ஆனா எத்தனை தடவை எத்தனை பேர் வந்து சினிமாவ சினிமாவா மட்டும் பாருங்கன்னு அடிச்சு சொன்னாலும் இந்த முட்டாள் ரசிகர்கள் திருந்தாத வரை இது போல எத்தனை கட்டுரை வந்தாலும் அது விழலுக்கு இறைத்த நீர்தான்.

நேத்து கே.டிவில நாடு விட்டு நாடு போய் சம்பாதிக்க போய் இருக்கும் தமிழர்கள் தங்கள் வேலையெல்லாம் விட்டுவிட்டு ரஜினி பிறந்த நாள் கொண்டாடியதை பார்க்கும்போது வேதனையாக தான் இருந்தது. அது மட்டும் இல்ல வெளிநாட்டு தமிழர்களுக்கு எதேனும் பிரச்சினை என்றால் வராத
தமிழ்சங்கங்கள் கூட இவர் பிறந்த நாளை கொண்டாட ஒண்ணு கூடி இருந்ததனை பார்த்த போது அதிக கோபம் வந்தது.

இந்த மாதிரி முட்டாள் தனமான ரசிகர்கள் இருக்கும் வரை இவர் 60 வயசுல என்ன 80 வயசுல கூட பேத்தி வயசுல இருக்கிற நடிகை கூட டுயட் பாடலாம்.

**T.N.Balasubramanian** · **T.N.Balasubramanian** Sat Dec 13, 2014 6:07 pm

வேலை இல்லாத பட்டதாரிகளும் , வேலைக்கு போவதற்கு முயற்சிக்காமல் ,இவர் படத்திற்கு பாலாபிஷேகம் , கற்பூர ஆரத்தி செய்கின்றனர். நல்ல நடிப்பை புகழவேண்டியதுதான் . அதற்காக , பைத்தியகாரத்தனமான காரியங்களில் ஈடுபடுவது கண்டிக்கத்தக்கது . பாலாபிஷேகம் பண்ணும் பாலை , 100 ஏழை எளியவருக்கு கொடுங்களேன் . ரஜினி பேரை வாழ்த்தி , உங்களையும் வாழ்த்துவார்களே . ரஜினியும் இதை விரும்புவார் என்றே நம்புகிறேன் . Idol worship ஐ வெறுக்கும் சிலரும் matinee idol worship ஐ செய்கிறார்கள் , அரசியலுக்காக .
ரமணியன்

**krishnaamma** · **krishnaamma** Sat Dec 13, 2014 7:13 pm

T.N.Balasubramanian wrote:

ரஜினி ஒரு நடிகன். அவ்வளவுதான்.அதைத் தாண்டிக் கொண்டாட தமிழ்நாட்டிற்கும் தமிழ்சினிமாவிற்கும் அவர் எதுவும் செய்யவில்லை

உண்மை ,முற்றிலும் உண்மை.
தன்னை வளர்த்துக்கொண்டார் .அவ்வளவே .

ரமணியன்