"ஐயாம் சோ கூல்".. குத்திலிருந்து ரொமான்ஸுக்கு இறங்கி வந்த "காக்கிச் சட்டை" கார்த்திகேயன்!

வருத்தப்படாத வாலிபர் சங்கம் படத்திற்காக இமான் இசையில் குத்துப்பாடல் பாடிய சிவகார்த்திக்கேயன், காக்கிச்சட்டை படத்தில் ஸ்டைலிசான ரொமான்ஸ் பாடல் ஒன்றை பாடி அசத்தியுள்ளாராம். இப்போதெல்லாம் நடிகர்கள் தாங்கள் நடிக்கும் படங்களில் ஒரு பாடலை பாடுவது பேஷனாகி வருகிறது. கமல், ரஜினி, விஜய், சிம்பு, சூர்யா, தனுஷ் என நடிகர்கள் பாடகர்களாக மாறியுள்ளனர். இதில் சில பாடல்கள் ஹிட் ஆகிவிடுகின்றன. அந்த வரிசையில் சிவகார்த்திக்கேயனும் இணைந்து விட்டார்.


சிவகார்த்திக்கேயன் பாடல்
நடிகர் சிவகார்த்திக்கேயன் முதன் முறையாக வருத்தப்படாத வாலிபர் சங்கம் படத்தில் முதன்முறையாக பெண்கள், குழந்தைகளை எச்சரித்துவிட்டு பாடலை பாடினார். அந்த குத்துப்பாடல் செம ஹிட் அடித்தது.

ஹிட் கொடுத்த தைரியத்தில்
இதனைத் தொடர்ந்து காக்கிச்சட்டையில் அனிருத் இசையில் சிவகார்த்திகேயன் ‘ ஐ யம் சோ கூல்' என்னும் பாடலைப் பாடியுள்ளார்.

ரொமான்ஸ் பாடல்
இதற்கு முன் அனிருத் இசையில், ‘மான் கராத்தே' படத்தில் ‘ராயபுரம் பீட்டரு' பாடலை பாடியுள்ளார் சிவகார்த்திகேயன். ஐயம் சோ கூல் பாடல் காச்கிச்சட்டையின் மிகச்சிறந்த ரொமான்ஸ் பாடலாக இருக்கும் என்கிறார் இசையமைப்பாளர் அனிருத்.

ஹிட் அடிக்குமா?
காக்கிச்சட்டையில் சிவகார்த்திகேயனுக்கு ஜோடியாக ஸ்ரீதிவ்யா நடிக்கிறார். இவரும் சிவகார்த்திகேயனுடன் சேர்ந்திருக்கும் இரண்டாவது படம் இது. அந்த படம் போலவே இந்தப்படமும் ஹிட் அடிக்கும் என்று ஜோசியம் சொல்கின்றனர் கோடம்பாக்கத்தினர்.

இசை
காக்கி சட்டை படத்தின் இசை ரஜினி பிறந்தநாளான டிசம்பர் 12ம் தேதி நாளை வெளியிடப்படலாம் என எதிர்பார்க்கப்படுகிறது. தை பொங்கலுக்குப் பிறகு படம் ரிலீஸ் ஆகும் என்றும் தகவல்கள் தெரிவிக்கின்றன.

நல்ல பதிவு ....