டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

**ayyasamy ram** · **ayyasamy ram** Mon Dec 08, 2014 5:03 pm

First topic message reminder :

டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது - Page 2 Cq29mkDcRqKJzYaAPX1M+Tamil_News_large_113307420141208065554

டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது - Page 2 Cq29mkDcRqKJzYaAPX1M+Tamil_News_large_113307420141208065554

-
புதுடில்லி:
டில்லியில் ஓடும் காரில் இளம்பெண் கற்பழித்த
கார் டாக்சி டிரைவர் கைது செய்யப்பட்டார்.
-
பாதிக்கப்பட்ட 27 வயது இளம்பெண்,டில்லி இந்தர்லோக் பகுதியை சேர்ந்தவர், அவர் டில்லியை அடுத்த குர்கானில் உள்ள பன்னாட்டு நிதி நிறுவனம் ஒன்றில் பணிபுரிந்து வந்தார்.சம்பவத்தன்று அவர் தனது பணியை இரவு 7 மணிக்கு முடித்துவிட்டு அதைத் தொடர்ந்து தோழிகளுடன் ஓட்டலுக்கு சென்று சாப்பிட்டார். அவரது தோழிகளில் ஒருவர், அவரை தென்மேற்கு டில்லி பகுதியில் உள்ள வசந்த் விகார் வரை தனது வாகனத்தில் கொண்டு வந்து விட்டார்.அங்கிருந்து, இந்தர்லோக்கில் உள்ள தனது வீட்டுக்கு செல்வதற்கு அந்தப் பெண்,வாடகை கார் ஒன்றை ஏற்பாடுசெய்தார்.
-
காரில் பின் இருக்கையில் அமர்ந்து அவர் பயணம் செய்தபோது அவர் மயங்கிய நிலையில் தூங்க வைக்கப்பட்டுள்ளார். அவர் திடீரென கண்விழித்துப் பார்த்தால், ஒரு ஒதுக்குப்புறமான இடத்தில் கார் நின்றது. அப்போது மணி இரவு 9.30. காரின் அனைத்து கதவுகளும் மூடப்பட்டிருந்தன. அவர் அபாயக்குரல் எழுப்ப முயன்றார். ஆனால் அந்த காரின் டிரைவர் 32 வயதான ஷிவ் குமார் அவரை அடித்துத்தள்ளி கற்பழித்தார்.அதைத் தொடர்ந்து அவர் காரை ஓட்டிச்சென்று அந்தப் பெண்ணின் வீட்டின் அருகே கொண்டு இறக்கி விட்டார். அப்போது அவர், ''இது குறித்து யாரிடமும் கூறாதே. அப்படிச்செய்தால் நீ உயிருடன் இருக்க மாட்டாய்'' என மிரட்டினார்.

இதற்கிடையே அந்தப் பெண், காரின் நம்பர் பிளேட்டை தனது செல்போனில் படம் பிடித்து விட்டார்.பின்னர் இந்தச் சம்பவம் தொடர்பாக அந்தப் பெண், டில்லி சராய் ரோஹில்லா போலீஸ் நிலையம் சென்று தனக்கு நேர்ந்த கதி குறித்து வேதனையுடன் கூறி புகார் செய்தார். இந்தப் புகாரின் பேரில் போலீசார் கார் டிரைவர் ஷிவ் குமார் யாதவ் மீது இந்திய தண்டனை சட்டம் 3 பிரிவின் கீழ் வழக்குப்பதிவு செய்தனர்.
-
டாக்சி டிரைவர் கைது:
-
பாதிக்கப்பட்ட பெண், அரசு மருத்துவமனையில் மருத்துவப்பரிசோதனைக்கு உட்படுத்தப்பட்டார். அதில் அவர் கற்பழிக்கப்பட்டிருப்பது உண்மைதான் என தெரிய வந்தது. இதையடுத்து, அந்த டிரைவரை தேடி டில்லி, அரியானா, உத்தரபிரதேசம் ஆகிய 3 மாநிலங்களில் போலீசார் தீவிர தேடுதல் வேட்டை நடத்தினர். இதன் பயனாக நேற்று உ.பி., மாநிலம் மதுராவில் கைது செய்தனர். விசாரணையில், அவன் மதுராவை சேர்ந்தவன் என்பது தெரியவந்தது.இன்று போலீசார் அவனை கோர்ட்டில் ஆஜர்படுத்துகின்றனர்.
-
--தினமலர்

**ராஜா** · **ராஜா** Tue Dec 09, 2014 11:22 am

T.N.Balasubramanian wrote:இது சம்பவத்தின் ஒரு பக்கம் . டிரைவருக்கு எதிராக .
மறு பக்கம் பார்ப்போம் .
25 வயது பெண்மணி , வரி சம்பந்தமாக ஆலோசனை வழங்கும் பன்னாட்டு கம்பனியில் அதிகாரி. அப்பிடி என்றால் உயர் கல்வி கற்றவராகவே இருப்பர். சம்பவம் இரவு 11 மணியிலிருந்து 1245 மணிக்குள் நடந்துள்ளது அதாவது 1020மணிக்கு முன்னதாக டாக்ஸ்யில் ஏறி இருக்கிறார் . . அவருடைய நண்பர்களுடன் 900 மணி வரை பார்ட்டி பண்ணிவிட்டு வந்து இருக்கிறார் . வேறு ஒரு நண்பர் வீட்டுக்கு போய் விட்டு 1020க்கு டாக்ஸ்யில் தனியாக பயணம் . நடுவழியில் தூங்கி இருக்கிறார் . 1020க்கு தூக்கம் என்றால் , பார்ட்டியில் உ.பாவா , நண்பர் வீட்டில் உ.பாவா ? இதே டெல்லியில் நடந்த நிர்பயா கற்பழிப்பு இவருக்கு தெரியாதா ? அல்லது தனியாக சமாளிக்கலாம் என்ற அசட்டு தைரியமா ? 1020 மணிக்கே தூங்கினார் என்றால் , உ.பாவின் தாக்கம் அதிகமோ ? தூங்கும் போது எந்த அலங்கோலத்தில் படுத்து இருந்தார் .?
வடநாட்டில் ஒரு பழமொழி உண்டு . ஆ பைல் முஜே மார் என்பர் . அதாவது "காளை மாட்டின் முன் நின்று என்னை முட்டி மோது " என்பர் . வேலியில் இருக்கும் ஓணானை , உள்ளே எடுத்து விட்டுக்கொண்டு , குத்துதே குடையுதே என்றால் யார் தப்பு .
எக்கேடு கேட்டு குடித்து பார்ட்டி பண்ணுங்க , வீடு போகும் முன் துணையுடன் போகவும் . இவர் விஷயத்தில் எனக்கு பச்சாதாபம் வரவில்லை . திமிரின் உச்சகட்டத்தில் , வரவேற்ற உபாதைகள் .

ரமணியன்

(என்னத்த சொல்லி திட்டினாலும் பாவமாகதான் இருக்கு )
ஆதாரம் TOI செய்திகள் .

உங்கள் கருத்தை ஆமோதிக்கிறேன் ஐயா....

நண்பரின் காரில் இருந்து இந்த வாடகை காரில் ஏறியபோது "மயங்கிய நிலையில் தூங்க வைக்கப்பட்டுள்ளார்", என்ன கொடுமை சார் இது

**T.N.Balasubramanian** · **T.N.Balasubramanian** Tue Dec 09, 2014 12:33 pm

ராஜா wrote:
T.N.Balasubramanian wrote:இது சம்பவத்தின் ஒரு பக்கம் . டிரைவருக்கு எதிராக .
மறு பக்கம் பார்ப்போம் .
25 வயது பெண்மணி , வரி சம்பந்தமாக ஆலோசனை வழங்கும் பன்னாட்டு கம்பனியில் அதிகாரி. அப்பிடி என்றால் உயர் கல்வி கற்றவராகவே இருப்பர். சம்பவம் இரவு 11 மணியிலிருந்து 1245 மணிக்குள் நடந்துள்ளது அதாவது 1020மணிக்கு முன்னதாக டாக்ஸ்யில் ஏறி இருக்கிறார் . . அவருடைய நண்பர்களுடன் 900 மணி வரை பார்ட்டி பண்ணிவிட்டு வந்து இருக்கிறார் . வேறு ஒரு நண்பர் வீட்டுக்கு போய் விட்டு 1020க்கு டாக்ஸ்யில் தனியாக பயணம் . நடுவழியில் தூங்கி இருக்கிறார் . 1020க்கு தூக்கம் என்றால் , பார்ட்டியில் உ.பாவா , நண்பர் வீட்டில் உ.பாவா ? இதே டெல்லியில் நடந்த நிர்பயா கற்பழிப்பு இவருக்கு தெரியாதா ? அல்லது தனியாக சமாளிக்கலாம் என்ற அசட்டு தைரியமா ? 1020 மணிக்கே தூங்கினார் என்றால் , உ.பாவின் தாக்கம் அதிகமோ ? தூங்கும் போது எந்த அலங்கோலத்தில் படுத்து இருந்தார் .?
வடநாட்டில் ஒரு பழமொழி உண்டு . ஆ பைல் முஜே மார் என்பர் . அதாவது "காளை மாட்டின் முன் நின்று என்னை முட்டி மோது " என்பர் . வேலியில் இருக்கும் ஓணானை , உள்ளே எடுத்து விட்டுக்கொண்டு , குத்துதே குடையுதே என்றால் யார் தப்பு .
எக்கேடு கேட்டு குடித்து பார்ட்டி பண்ணுங்க , வீடு போகும் முன் துணையுடன் போகவும் . இவர் விஷயத்தில் எனக்கு பச்சாதாபம் வரவில்லை . திமிரின் உச்சகட்டத்தில் , வரவேற்ற உபாதைகள் .

ரமணியன்

(என்னத்த சொல்லி திட்டினாலும் பாவமாகதான் இருக்கு )
ஆதாரம் TOI செய்திகள் .

உங்கள் கருத்தை ஆமோதிக்கிறேன் ஐயா....

நண்பரின் காரில் இருந்து இந்த வாடகை காரில் ஏறியபோது "மயங்கிய நிலையில் தூங்க வைக்கப்பட்டுள்ளார்",

மேற்கோள் செய்த பதிவு: 1108560

அப்படி இருக்குமெனில் , நண்பரும் ஒரு குற்றவாளியாகவே கருதப்படவேண்டும் .
ரமணியன்

soplangi · soplangi Tue Dec 09, 2014 1:40 pm

டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது - Page 2 Tamil_News_large_113344320141209031151

டில்லியில், இளம் பெண்ணை பாலியல் பலாத்காரம் செய்து, தப்பி ஓடிய கால் டாக்சி டிரைவரை, போலீசார் கைது செய்தனர். விசாரணையில், இவர், ஏற்கனவே ஒரு பெண்ணை பாலியல் பலாத்காரம் செய்து, ஏழு மாதம் சிறைவாசம் அனுவித்த திடுக்கிடும் தகவல் வெளியாகியுள்ளது.

டில்லி அருகேயுள்ள பன்னாட்டு நிதி நிறுவனத்தில் பணியாற்றும், 26 வயது பெண், கடந்த, 5ம் தேதி இரவு, தன் வீட்டிற்கு செல்வதற்காக, கால் டாக்சியில் சென்றார். களைப்பில், டாக்சியின் பின் இருக்கையில் அமர்ந்தபடியே, அவர் தூங்கி விட்டதாக தெரிகிறது. அந்த சமயத்தில் டிரைவர், அந்தப் பெண்ணை பாலியல் பலாத்காரம் செய்ய முயற்சித்திருக்கிறார். அதிர்ச்சியில் அவர் கூச்சலிட்டார். ஆனால், அந்த டிரைவர், இளம் பெண்ணை சரமாரியாக தாக்கி, டாக்சிக்குள்ளேயே பலாத்காரம் செய்து விட்டு, தப்பி ஓடி விட்டார். போலீஸ் ஸ்டேஷனுக்கு சென்று, தனக்கு நடந்த கொடுமையை விளக்கி, அந்த பெண் புகார் அளித்தார். இந்நிலையில், நேற்று அந்த டிரைவரை, போலீசார், உ.பி., மாநிலம் மதுராவில் பதுங்கியிருந்தபோது கைது செய்தனர். அவர் பெயர், சிவ்குமார யாதவ் என்பதும், கடந்த, 2011ல், டில்லியில் ஒரு பெண்ணை பாலியல் பாலத்காரம் செய்ததும், அதற்காக, ஏழு மாதம் சிறைவாசம் அனுபவித்ததும் விசாரணையில் தெரியவந்தது. இதுகுறித்து, போலீசார் தீவிரமாக விசாரித்து வருகின்றனர். இந்த சம்பவம், டில்லியில் பரபரப்பை ஏற்படுத்தியுள்ளது.

டாக்சி நிறுவனத்துக்கு தடை

* இளம்பெண்ணை பாலியல் பலாத்காரம் செய்த டிரைவர், 'உபெர்' என்ற நிறுவனத்துக்காக கால் டாக்சி ஓட்டியவர்.

* அமெரிக்காவை சேர்ந்த இந்த நிறுவனம், டில்லி உட்பட பல்வேறு நிறுவனங்களில் கால் டாக்சி தொழிலில் ஈடுபட்டுள்ளது.

*கால் டாக்சி டிரைவர்கள் பற்றிய விவரங்களை தங்களுக்கு தெரிவிக்க வேண்டும்' என, அனைத்து டாக்சி நிறுவனங்களுக்கும் டில்லி போலீசார் ஏற்கனவே தெரிவித்துள்ளனர்.

* இளம்பெண்ணை பாலியல் பலாத்காரம் செய்த சிவ்குமார யாதவை பற்றிய விவரம், டில்லி போலீசாருக்கு கொடுக்கப்படவில்லை.

* அப்படி கொடுக்கப்பட்டிருந்தால், அவர் ஏற்கனவே, ஒரு பாலியல் பலாத்கார வழக்கில் சிக்கியிருப்பது தெரிந்து, அவர் டாக்சி ஓட்டுவதற்கு போலீசார் தடை விதித்திருப்பர்.

* விதிமுறைகளை மீறியதற்காக, 'உபேர்' நிறுவனம், டில்லியில், கால் டாக்சிகளை இயக்குவதற்கு தடை விதிக்கப்பட்டுள்ளது.

அமைச்சர் வீடு முன் போராட்டம்:

இளம்பெண் பாலியல் பலாத்காரம் செய்யப்பட்ட சம்பவத்துக்கு எதிர்ப்பு தெரிவித்து, மத்திய உள்துறை அமைச்சரும், பா.ஜ., மூத்த தலைவருமான ராஜ்நாத் சிங்கின் டில்லி வீடு முன், ஆம் ஆத்மி மற்றும் காங்கிரஸ் கட்சியின் மாணவர் பிரிவு சார்பில், நேற்று போராட்டம் நடத்தப்பட்டது. அவர்களை கைது செய்த போலீசார், மாலையில் விடுவித்தனர்.

இந்த சம்பவம், நம் சமூகத்தின் மீது படிந்த கரும்புள்ளியாக அமைந்து விட்டது; வெட்க்ககேடான விஷயம். இதுபோன்ற குற்றங்களை தடுப்பதற்கு, கடுமையான நடவடிக்கை கள் எடுக்கப்படும்.

- தினமலர்

soplangi · soplangi Tue Dec 09, 2014 1:43 pm

டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது - Page 2 09-delhi-rape-accused-driver-mother-admits-her-son-crime-seeks-punishment-600

தனது மகன் குற்றம் செய்துள்ளார் என்றும், அவர் நிச்சயம் தண்டிக்கப்பட வேண்டியவர் என்றும் டெல்லியில் பலாத்கார வழக்கில் கைதான உபேர் டாக்சி டிரைவர் ஷிவ் குமார் யாதவின் தாய் தெரிவித்துள்ளார்.

டெல்லியில் 25 வயது பெண்ணை தாக்கி, பலாத்காரம் செய்த வழக்கில் உபேர் டாக்சி டிரைவர் ஷிவ் குமார் யாதவ் கைது செய்யப்பட்டுள்ளார். அவர் போலீஸ் விசாரணையில் தனது குற்றத்தை ஒப்புக் கொண்டுள்ளார். ஆனால் அதற்காக அவர் கொஞ்சமும் வருத்தப்படவில்லையாம்.

இந்நிலையில் யாதவின் செயலை அறிந்து உத்தர பிரதேச மாநிலத்தில் உள்ள மெய்ன்புரியில் வாழும் அவரது பெற்றோர் வேதனை அடைந்துள்ளனர். இது குறித்து யாதவின் தாய் கங்கா ஸ்ரீ கூறுகையில், என் மகன் தவறு செய்துள்ளார். அவர் அதற்காக நிச்சயம் தண்டிக்கப்பட வேண்டும் என்றார். தந்தை ராம்நாத் யாதவ் கூறுகையில், முன்பும் என் மகன் மீது சில வழக்குகள் பதிவு செய்யப்பட்டபோதிலும் எந்த வழக்கிலும் அவர் மீதான குற்றச்சாட்டு நிரூபிக்கப்படவில்லை என்றார்.

ஷிவ் குமார் யாதவ் மெய்ன்புரியில் பெண்களை கிண்டல் செய்து சிக்கியுள்ளார் என்பது குறிப்பிடத்தக்கது. போலீஸ் விசாரணையில் யாதவ் கடந்த 2011ம் ஆண்டு தெற்கு டெல்லியில் உள்ள மெஹ்ராலி பகுதியில் பாலியல் பலாத்கார வழக்கில் கைதாகி 7 மாதங்கள் சிறையில் இருந்துள்ளது தெரிய வந்துள்ளது. பின்னர் அவர் அந்த வழக்கில் இருந்து விடுவிக்கப்பட்டுள்ளார். குற்றங்கள் செய்துள்ள யாதவுக்கு எந்த குற்றப் பின்னணியும் இல்லை என்று டெல்லி போலீசார் கடந்த ஆகஸ்ட் மாதம் நன்னடத்தை சான்றிதழ் அளித்ததாக செய்திகள் வெளியாகின. ஆனால் அந்த சான்றிதழ் பொய் என்றும், தாங்கள் யாதவுக்கு எந்த சான்றிதழும் வழங்கவில்லை என்றும் போலீசார் தெரிவித்துள்ளனர்.

இளம்பெண் பலாத்காரம் செய்யப்பட்டதை அடுத்து டெல்லியில் உபேர் டாக்சிகள் செயல்பட அரசு தடை விதித்துள்ளது என்பது குறிப்பிடத்தக்கது.

-- ஒன் இந்தியா

**M.Saranya** · **M.Saranya** Tue Dec 09, 2014 2:54 pm

இதில் டாக்சியின் பங்கு என்ன உள்ளது?
விதிமுறைகளையும் தண்டனைகளையும் கடுமையாக்க வேண்டும்....

சிவனாசான் · சிவனாசான் Wed Dec 10, 2014 9:47 am

பெண்கள் ஆண்களுக்கு இணையான சுதந்திரம் கேட்பது ம் சதந்திர மாக செல்வதும் தற்காப்பில்லையே........பெண்கள் காலத்தோடு வீடு செல்ல பார்க்கனும்..மற்றும் அதிக நண்பர்களை ...தவிர்க்கனும்.

Sponsored content · Sponsored content

டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

Re: டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

Re: டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

Re: டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

Re: டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

Re: டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

Re: டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

Re: டில்லி :ஓடும் காரில் இளம்பெண்ணை கற்பழித்த டாக்சி டிரைவர் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக