வடிவேல் துணையிருக்க வழியில் தடையேது?!

**ayyasamy ram** · **ayyasamy ram** Mon Dec 08, 2014 10:35 am

-
ஆச்சரியமான நிகழ்வுதான்! நக்கீரரும் அதை எதிர்பார்க்கத்தான் இல்லை.

குளத்தில் விழுந்தது ஒரு இலை. அதன் ஒரு பாதி மீனாக மாறியது; மறுபகுதி பறவையாக உருக்கொண்டது. மீன் நீருக்குள் இழுக்க, பறவை மேல்நோக்கி பறக்க முயல… விநோதமான காட்சி! ஒரு கணம் வியப்பில் தடுமாறினார். அப்போதுதான், அவரைச் சிறைப்பிடித்து விட்டது பூதம். ஒரு குகையினுள் கொண்டு அடைத்தது.

அந்தக் குகையினுள் ஏற்கனவே 999 பேர் சிறைப்பட்டிருந்தனர். 1000 பேர் சேர்ந்ததும் பலியிடுவது என்று காத்திருந்தது பூதம். ‘ஆயிரமாவது ஆள் வரவில்லை. நாம் உயிர்பிழைக்க இன்னும் வாய்ப்பிருக்கிறது’ என்று நம்பியிருந்தவர்கள் தடுமாறிப் போனார்கள். நக்கீரரிடமே புலம்பினார்கள்.

“ஐயா, இனி எப்படித் தப்பிக்க? யார் நம்மைக் காப்பாற்றுவார்?” என்று கலங்கினார்கள். நக்கீரர் சற்றும் கவலைப்படவில்லை.

‘உலகம் உவப்ப வலனோர்பு திரிதிரு’ என்று பாட ஆரம்பித்தார். மலையைத் தகர்த்து, அசுரனான சூரபத்மனின் மார்பைப் பிளந்த வெற்றிவேல் தோன்றியது. சிறைப் பிடித்த பூதத்தை வீழ்த்தியது; மூடிய குகை வாயிலையும் தகர்த்து அனைவரையும் சிறைமீட்டது. திருமுருகாற்றுப்படை தோன்றிய நிகழ்வு இது.

அந்த வேல் எப்படிப்பட்டது?

‘காடும் மலையும் கடலும் உருள சாடும் தனிவேல்’ என்கிறது கந்தரனுபூதி. அதுமட்டும்தானா? இல்லை.

வீரவேல்; தாரைவேல்; விண்ணோர் சிறைமீட்ட தீரவேல்; செவ்வேள் திருக்கை வேல் – வாரி குளித்தவேல்; கொற்றவேல்; சூர் மார்பும் குன்றும் துளைத்தவேல்…
-
அடுக்கடுக்காக வேலின் புகழைச் சொல்லிக்கொண்டே போகலாம்.
-
வித்யாரண்யன் - கல்கி திபாவளிமலர்

mbalasaravanan · mbalasaravanan Mon Dec 08, 2014 1:28 pm

நல்ல பகிர்வு தெரியாத விசயங்களை பகிர்ந்தமைக்கு நன்றி

வடிவேல் துணையிருக்க வழியில் தடையேது?!

வடிவேல் துணையிருக்க வழியில் தடையேது?!

Re: வடிவேல் துணையிருக்க வழியில் தடையேது?!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக