50,000 பேர் இணைந்து தேசியக் கொடி: கின்னஸ் உலக சாதனை

**ayyasamy ram** · **ayyasamy ram** Mon Dec 08, 2014 10:28 am

-

சென்னையில் 50 ஆயிரம் பேர் இணைந்து தேசியக்
கொடியை உருவாக்கி கின்னஸ் உலக சாதனையைப்
படைத்துள்ளனர்.

ரோட்டரி இன்டர்நேஷனல் சங்கம் (எண்:3230) சார்பில்
சென்னை நந்தனம் ஒய்.எம்.சி.ஏ. மைதானத்தில்
ஞாயிற்றுக்கிழமை காலை 8.30 மணிக்கு இந்தச் சாதனை
முயற்சி நடைபெற்றது.

பள்ளி, கல்லூரி மாணவர்கள், ரோட்டரி சங்கத்தினர்,
பொதுமக்கள் உள்ளிட்ட 50 ஆயிரத்துக்கும் மேற்பட்டோர்
இணைந்து 480 அடி நீளம், 360 அடி அகலம் கொண்ட
இந்திய தேசியக் கொடியை உருவாக்கினர்.

வண்ண அட்டைகளை மூவர்ணக் கொடி வடிவில்
தொடர்ந்து 5 நிமிடங்கள் வரை கைகளில் ஏந்தியிருந்ததன்
மூலம் இந்த உலக சாதனை படைக்கப்பட்டுள்ளது.

இந்தச் சாதனை முயற்சியை கின்னஸ் உலக சாதனை
அமைப்பு அங்கீகரித்துள்ளது.

முன்னதாக பாகிஸ்தானில் உள்ள லாகூரில் கடந்த
பிப்ரவரியில் 28,957 பேர் சேர்ந்து உருவாக்கிய மனித
தேசியக் கொடியே உலக சாதனையாக இருந்தது.

இந்தச் சாதனை தற்போது முறியடிக்கப்பட்டுள்ளது என
கின்னஸ் அமைப்பின் பிரதிநிதி சையதா சுபாசி கூறினார்.
-
————————-
நன்றி: தினமணி

-