தும்பிகை இல்லாத சின்ன யானை..!

**ayyasamy ram** · **ayyasamy ram** Sun Nov 30, 2014 8:52 am

-

உனது வால்குழைப்பில் ததும்பும் அன்பில்
குரலடைத்துப் போகும் எனக்கு
-
ஏன் இவ்வளவு நேரம் என்று
இப்படிக் கேட்க முடிந்ததேயில்லை
வீட்டில் யாருக்கும்
-
என்னுடன் தெருவில் நடந்து வர
எத்தனை எதிரிகளை எதிர்கொண்டாய் நீ.
-
அதிகமாய்ச் செய்ததில்லை உனக்கு
மீன்கள் எங்களுக்கு
மீந்த முள் உனக்கு
பிஸ்கட் எங்களுக்கு
பொரை உனக்கு
-
துரத்தியும் போகாமல்
நாங்கள் பேருந்து ஏறியபிறகுதான்
வீட்டுக்குத் திரும்புவாய் நீ
-
சங்கிலி போட்டு கட்டி வைத்ததேயில்லை
கடைசி வரைக்கும்
-
தீராத ஏக்கம் ஒன்றிருந்தது எனக்கு
சட்டென்று யானையாய் மாறி நடந்து வர வேண்டும்
நீ.
-
ஓயாத உன் குரைப்பொலி கேட்ட ஒவ்வொரு
இரவும்
நன்றாகத் தூங்கியிருக்கிறேன்
ந இல்லாமல் போன இந்த நிசப்த இரவில்
உறங்க முடியவில்லை என்னால்..!
-
——————————
>நா.வே.அருள்
நன்றி: கல்கி