கிரிக்கெட் மரணங்கள்...

**Powenraj** · **Powenraj** Fri Nov 28, 2014 10:29 am

பாதுகாப்பு கவசம் ஹெல்மெட் அணிந்து விளையாடும் போதும், சில நேரம் வேகமாக வரும் பந்துகள் ஹெல்மெட்டையும் தாண்டி மூக்கையும், தலையையும் பதம் பார்த்து விடுவது உண்டு. ஆனால் அதில் உயிரிழப்பு என்பது அபூர்வமான விஷயம். கிரிக்கெட்டில் நடந்துள்ள உயிரிழப்புகள் வருமாறு:-

* 1870-ம் ஆண்டு லண்டன் லார்ட்சில் நடந்த முதல்தர போட்டியில் நாட்டிங்காம்ஷைர் வீரர் ஜார்ஜ் சம்மர்ஸ்(வயது 25) பேட்டிங் செய்து கொண்டிருந்த போது, ஷாட்பிட்ச்சாக வந்த பந்து தாக்கியதில் படுகாயமடைந்தார். 4 நாள் கழித்து அவர் உயிரிழந்தார்.

* 1959-ம் ஆண்டு பாகிஸ்தான் முதல் தர கிரிக்கெட்டில் அப்துல் அஜீஸ் (வயது 17) என்ற விக்கெட் கீப்பர் நெஞ்சில் பந்து தாக்கியதில் சுயநினைவை இழந்தார். ஆஸ்பத்திரிக்கு கொண்டு செல்லும் வழியில் இறந்தார்.

* 1998-ம்ஆண்டு வங்காளதேசத்தில் நடந்த முதல்தர லீக் கிரிக்கெட்டில் இந்திய முன்னாள் டெஸ்ட் வீரர் ராமன் லம்பா(வயது 38) பங்கேற்ற போது, பேட்ஸ்மேன் அடித்த ஷாட்டில் அருகில் பீல்டிங் செய்து கொண்டிருந்த இவரது நெற்றியை பந்து தாக்கியதில் கோமா நிலைக்கு சென்றார். மூன்று நாட்கள் சிகிச்சை அளித்தும் அவரது உயிரை காப்பாற்ற முடியவில்லை.

* தென்ஆப்பிரிக்க முதல்தர கிரிக்கெட் வீரர் டேரின் ரான்டால் கடந்த ஆண்டு உள்ளூரில் நடந்த போட்டியின் போது பந்து தலையில் தாக்கியதில் உயிரிழந்தார்.

* தற்போது சர்வதேச கிரிக்கெட் வீரர் ஆஸ்திரேலியாவின் பிலிப் யூக்சும் பந்து தாக்கியதில் மரணத்தை தழுவியிருக்கிறார்.

நன்றி:தினந்தந்தி

**ராஜா** · **ராஜா** Sat Nov 29, 2014 10:27 am

பாதுகாப்பு அம்சங்களை சரியாக கையாள வேண்டும் , Bat செய்ய போகும்போது ஹீரோயிசம் எல்லாம் சரிபட்டு வராது.

அனைத்து பாதுகாப்பு உபகரணங்களையும் மட்டையாளர் கடைபிடிக்கிறாரா என்று நடுவர் சோதனை செய்யும் முறை கொண்டுவரப்பட வேண்டும்.

**M.Saranya** · **M.Saranya** Sat Nov 29, 2014 2:22 pm

கிரிகெட் வாரியம் இதையெல்லாம் கவனிக்காது...தலைவர் யார் என்ற பிரச்சனையே பெரிதாக போகிறது .
மேலும் பாதுகாப்பிற்கு என்று தரக்கூடிய பொருட்களை அனைத்து வீரர்களும் அணிய வேண்டும்...

இதில் பேஷன் பார்க்கக்கூடாது...

Sponsored content · Sponsored content

கிரிக்கெட் மரணங்கள்...

கிரிக்கெட் மரணங்கள்...

Re: கிரிக்கெட் மரணங்கள்...

Re: கிரிக்கெட் மரணங்கள்...

Re: கிரிக்கெட் மரணங்கள்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக