ந.க.துறைவன் பித்தப்பூக்கள்...!!.

ந.க.துறைவன் · ந.க.துறைவன் Thu Nov 27, 2014 8:47 am

First topic message reminder :

நித்திய வாழ்க்கை…!!
*
நல்ல காலம் பிறந்து விட்டதென்று
அவசர அவசரமாய் கல்யாணப்
பொறுப்புகளைப் படபடவென்று
பார்க்கத் தொடங்கினர்.
ஜாதகம் பார்ப்பதில் தொடங்கியது
ஒன்பது பொருத்தம் பார்த்தனர்.
இலட்சங்களை வாரி இரைத்து
இறுமாப்போடு ஊர்ப் போற்றும்
சீர்வரிசையோடு
திருமணம் செய்து முடித்தனர்.
எத்தனை நொடிகள்? நிமிடங்கள்?
எத்தனை நாள்கள்? மாதங்கள்?
எத்தனை வருடங்கள்?
தாம்பத்ய வாழ்க்கையில்
திருப்தியோடு வாழ்ந்தாய்.
சின்னச் சின்னச் சிணுங்களின்
சிக்கல்களில் விழுந்தாய்.
சிந்தைத் தடுமாறினாய்
மனஇறுக்கமானாய்
மனமுறிவு கேட்கும்
முயற்சிக்கு ஆளானாய்.
இப்பொழுது, இருவருமே
எந்த மனப் பொருத்தமும்
பொருந்தி வரவில்லையென்று
வருந்தி விலகியிருக்க
வழக்குத் தொடுத்து
வாங்கிக் கொண்டீர்கள்
விவாகரத்து.
விவாகரத்தில் இல்லை
மணவாழ்க்கை
விவேகத்தில் மட்டுமே
விதிக்கப்பட்டிருக்கிறது
நித்திய வாழ்க்கை…!!

**ayyasamy ram** · **ayyasamy ram** Mon Jan 05, 2015 7:34 pm

ந.க.துறைவன் பித்தப்பூக்கள்...!!. - Page 2 3838410834

ந.க.துறைவன் · ந.க.துறைவன் Wed Jan 07, 2015 9:00 am

அஃக் மார்க்….!!
*
நீ என்னை
மதிப்பீடு செய்தாய்.
நான் உன்னை
மதிப்பீடு செய்தேன்.
இருவரும் இணைவதற்கு
அம்மதிப்பீட்டு
மார்க் தான்
நம் காதலுக்கான
அஃக் மார்க்கோ….?
ந.க. துறைவன்.
*

ந.க.துறைவன் · ந.க.துறைவன் Mon Jan 12, 2015 9:06 am

அணைந்தச் சுடர்…!!.
*
குடும்பத்திற்கு
விளக்கேற்ற வந்தக்
குலமகள் என்று
உன்னை
வரவேற்று புகழ்ந்தார்கள்.
என்ன விவகாரத்திற்காக?
உன்
உயிர்ச் சுடரை
அணைத்து விட்டார்கள்?
ந.க. துறைவன்.
*

**ayyasamy ram** · **ayyasamy ram** Mon Jan 12, 2015 9:33 am

சீதை என்ற (மீண்டும் உயிர்த்தெழுவாள்)
நம்பிக்கையில் எரித்திருப்பார்கள்...!
-
ந.க.துறைவன் பித்தப்பூக்கள்...!!. - Page 2 D1rB8XSJQwasGZ4WXYSU+images

ந.க.துறைவன் · ந.க.துறைவன் Mon Jan 12, 2015 4:18 pm

பாராட்டுக்கு மிக்க நன்றி சார்....

ந.க.துறைவன் · ந.க.துறைவன் Thu Feb 05, 2015 9:54 am

அறிதல்….!!
*
உன்னிதயச் சுவரில்
சித்திரமாய் வரைந்து
வைத்திருக்கிறாயே?
அவன் உருவம்.
அது யாருக்குமே
வெளியில் தெரியாமல்
வழிப்பட்டு, நீயெங்யோ?
வாழ்ந்துக் கொண்டிருப்பது
அனுமானிக்க முடிகிறது.
அறிந்தவனுக்குத் தெரியும்
அது உனக்கும் புரியும்….!!
*

ந.க.துறைவன் · ந.க.துறைவன் Sun Feb 22, 2015 9:21 am

துக்கப் பால்…!!
*
உன் மரணச் செய்தி
உடனடியாய் அறிந்து
பரபரப்பாய் சுடலைக்கு வந்து
புன்னகைச் சிந்திய
உன் வாய்க்கு
வாக்கரிசிப் போட்டான்.
நன்றியோடு
இன்பத்துப் பால்
ஊட்டிய உனக்குத்
துக்கப் பால்
ஊற்றுகிறான் பார்….!!
*

**krishnaamma** · **krishnaamma** Sun Feb 22, 2015 9:34 am

ந.க.துறைவன் wrote:துக்கப் பால்…!!
*
உன் மரணச் செய்தி
உடனடியாய் அறிந்து
பரபரப்பாய் சுடலைக்கு வந்து
புன்னகைச் சிந்திய
உன் வாய்க்கு
வாக்கரிசிப் போட்டான்.
நன்றியோடு
இன்பத்துப் பால்
ஊட்டிய உனக்குத்
துக்கப் பால்
ஊற்றுகிறான் பார்….!!
*

மேற்கோள் செய்த பதிவு: 1121997

அருமை ஐயா புன்னகை

........................ ந.க.துறைவன் பித்தப்பூக்கள்...!!. - Page 2 3838410834

ந.க.துறைவன் · ந.க.துறைவன் Sat Mar 07, 2015 7:26 am

சுமுகமானத் தீர்வு…!!
*
எப்பொழுதுப் பிரச்சினைகள் எவரால் வெடித்து
எழுமென்று யாரும் எதிர்ப்பார்க்க முடியாது
எதிர்ப்பார்த்து நிகழ்வதுமல்ல பிரச்சினைகள்
எதிர்பாராமல் நொடியில் நடந்தேறி
எல்லோரையும் கதிகலங்கச் செய்து
எல்லோர் முகங்களிலும் துயர ரேகை
படர விட்டு மற்றவர்கள் எள்ளி நகையாட
செவ்வாய்க்கு கிடைக்கும் அவலாய்
அமைந்து விடுகின்றது பிரச்சினைகள்.
தேடினால் கிடைப்பதில்லை
பிரச்சினைக்குத் தீர்வு
தேடாமலேயே சுயமாய் உதிக்கிறது
சுமுகமானத் தீர்வு….!!
*

ந.க.துறைவன் · ந.க.துறைவன் Wed Mar 11, 2015 9:44 am

மலரின் அழுகை…!!
*
கண்ணிமைகளின் நுனியில் - அப்
பெண்ணின் கண்ணீர்த் துளிகள்
திரண்டு ஈரம் படிந்திருக்கின்றது
மறைவாய் போய் துடைத்து
வெளிக் காட்டாமல் இயல்பாய்
அழுகையை உள்ளுக்குள்
அமுக்கி அடக்கிக் கொண்டு
யாரிடமும் எதையும் சொல்லாமல்
இப்படியும் அப்படியும் உலவி
மறைத்து வருகின்றாள் பல நாளாய்
அவளின் நடவடிக்கையைச்
சந்தேகித்து கவனித்து வருகின்ற
தாயோ தங்கையோ கேட்பதற்கு
அஞ்சி மௌனமாய் வாடிய முகமாய்
அவரவர் வேலைகளைக் கவனிப்பர்
அவளின் உள்மனதில் புழுங்கும்
அந்த இம்சையின் வேதனையின்
முகாரி ராகம் நரம்பின் வழியே
புடைத்து எழும்பிடும்போது
அவளுள் ஆத்திரமான ஆவேசம்
வெளிப்படுத்த எண்ணுகையில்
அதனை வெளிப்படுத்தாமல்
தவிர்த்து விம்மி விம்மி பொருமி
முந்தானையால் மறைத்து மறைத்து…
கல்லென கனத்து விட்ட மனதில்
எதற்கான அழுகையென்று
எவருக்கும் இன்னும் அணுவளவும்
தெரியாமல் ரகசியமாய் நெஞ்சில்
புதைத்து வெம்பிக் கொண்டிருக்கிறாள்.
அவளின் கண்ணீர்த் துளியில் தான்
மையங் கொண்டிருக்கிறதோ
அவளின் காதல் துயரக் கதை…!!
ந.க. துறைவன்.
*

Sponsored content · Sponsored content

ந.க.துறைவன் பித்தப்பூக்கள்...!!.

ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

Re: ந.க.துறைவன் பித்தப்பூக்கள்...!!.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக