எங்கே ஒப்பற்ற செல்வம் ?

Ponmudi Manohar · Ponmudi Manohar Mon Nov 24, 2014 10:32 pm

வெள்ளி விளையுமிடம்
பொன் மின்னுமிடம்
செம்பும்,இந்திர நீலமும்
இருக்கும் கற்களிடம்
அறிவோம் அனைத்தும் !
கன்மலையினுள்ளும்
நீர்க்கால் வெட்டுவான் !
மறைவிடத்தில் இருப்பதை
வெளிச்சமாய் காட்டுவான் !
அவனறியா ஒன்றுண்டு,
பொன்னும் பளிங்கும்
முத்தும் பவளமும்
புஷ்பராகமும் , கோமேதகமும்
இணையில்லை அதற்கு!

எதிலும் இருக்கக் காண்பதில்லை
எதோடும் ஒப்பிட முடிவதில்லை
எதுவும் நிகராக நிற்பதில்லை
எதற்கும் ஈடாக நிற்பதில்லை
ஜீவனுள்ளோர் தேசத்திலும் இல்லை
கடலிலும் இல்லை;ஆழத்திலும் இல்லை
மழைக்குத் திட்டமும்
மின்னலுக்கு வழியும்
தரும் தேவனே அறிவார்
அது ஞானமும் புத்தியுமே.!
ஞானம் காண்பது எங்கே ?
புத்தி விளையுவது எங்கே ?
தேவனே வழிகள் சொல்கிறார்
ஆண்டவருக்கு பயப்பட
அறிவாய் ஞானம் என்கிறார்
பொல்லாப்பை விலக்கிட
பெறுவாய் புத்தி என்கிறார் .
கர்த்தர் தருவார் விலையிலா செல்வம்
ஞானமும்,புத்தியும் !
ஆண்டவருக்கு பயப்படு
ஞானம் புலப்படும்
பொல்லாப்பை விட்டு விலகு
புத்தி வெளிப்படும்

(வேதாகமம்- யோபு : அதிகாரம் : இருபத்தெட்டு )

**M.M.SENTHIL** · **M.M.SENTHIL** Tue Nov 25, 2014 3:25 pm

இந்த பதிவைத் துவங்கியவர் நன்றி கூறியுள்ளார் M.M.SENTHIL

எங்கே ஒப்பற்ற செல்வம் ?

எங்கே ஒப்பற்ற செல்வம் ?

Re: எங்கே ஒப்பற்ற செல்வம் ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக