சர்க்கரைக்கு உடல் பருமன் எமன்

-
இந்தியாவில் சர்க்கரை நோய் காரணமாக 5 கோடி
பேருக்கும் அதிகமானோர் பாதிக்கப்பட்டுள்ளனர்.
“உலகின் சர்க்கரை நோயின் தலைநகரம் இந்தியா”
என்று கூறும் அளவுக்கு நிலைமை மோசமாக உள்ளது.
-
நம் இந்திய மக்களிடம் இந்த நோய் பற்றிய தவறான
கருத்துகள் உள்ளன. போதிய விழிப்புணர்வும் இல்லாமல்
உள்ளனர்.
-
உடலில் சர்க்கரையின் அளவைக் கட்டுப்படுத்துவது
இன்சுலின். சிலருக்கு இன்சுலின் திரவம் சுரக்காமலிருக்கும்.
இந்த நிலைக்கு சர்க்கரை நோய் 1-ஆவது வகை என்று
பெயர்.
=
அடுத்தது, இன்சுலின் திரவம் சுரந்தாலும் உடல் அதைப்
பயன்படுத்த முடியாத நிலையிலிருக்கும் இது 2-ஆவது வகை.
பொதுவாக நம்மில் பலருக்கும் இரண்டாவது வகை சர்க்கரை
நோய்தான் அதிகமாக உள்ளது.
-
முக்கியக் காரணம் என்ன? உடல் பருமன் மிக முக்கிய
காரணம் ஆகும். முறையற்ற உணவுப் பழக்க வழக்கம்,
உழைப்பு குறைந்த பணி, உடற்பயிற்சியின்மை
ஆகியவற்றையும் முக்கியக் காரணங்களாகக் குறிப்பிடலாம்.

இரண்டாம் வகை சர்க்கரை நோய் ஏற்பட்டால் இதய நோய்,
குழந்தையின்மை, உயர் ரத்த அழுத்தம், மனச் சோர்வு,
மூட்டு வலி, மூட்டு வீக்கம், அழற்சி, கல்லீரலில் கோளாறு
போன்ற பிரச்சினைகள் உண்டாகும்.
இதனால் ஒருவரது வாழ்நாள் காலமும் குறையும் இனி
வருங்காலத்திலும் இந்நோயின் பாதிப்பு அதிகரிக்கும்
நிலைதான் உள்ளது என்று ஆய்வுகள் கூறுகின்றன.
-
எனவே இன்சுலின் ஊசி மருந்து போட்டுக் கொள்வது,
உணவு முறையை, வாழ்க்கை முறையை மாற்றியமைப்பது,
உடற்பயிற்சி தவறாது செய்வது என பல முயற்சிகள் பலன்
அளிக்கும்,
-
அறுவைச் சிகிச்சை: எனினும் சில அறுவைச் சிகிச்சைகள்
நல்ல பலனை அளிக்கின்றன. அதில் ஒன்று இரைப்பையின்
அளவினை 25 சதவீதத்துக்கு லாப்ராஸ்கோப்பி மூலம்
குறைப்பது ஆகும். மற்றொன்று இரைப்பைக்குச் செல்லாமல்
உணவு நேரடியாக சிறுகுடலுக்குச் செல்லும் விதமாக செய்யும்
லாப்ராஸ்கோப்பி அறுவைச் சிகிச்சை இத்தகைய அறுவைச்
சிகிச்சைகள் மிகச் சிறப்பான பலனளிப்பதாக உள்ளது. சுமார்
90 சதவீத நோயாளிகள் மருந்துகளைக் குறைத்து பழைய
நிலைக்குத் திரும்புகின்றனர்.
-
இந்த சிகிச்சைகளில் 12-15 மாதங்களில் உடல் பருமன்
குறைகிறது. இதனால் உயர் இரத்த அழுத்தம், உயர்
கொழுப்பின் அளவு போன்ற ஏனைய பிரச்னைகளும்
குறைகின்றன.
-
———————————————–

டாக்டர் ரவீந்திரன் குமரன்,