பிரச்சாரப் பீரங்கிகள்..!! - Mano Red

எதிர்க்கட்சி அல்ல நாங்கள்,
எதிர்காலத்தின் கட்சி...
எகிறிய விலையை
எட்டிப் பிடித்தாவது
கட்டுக்குள் வைப்போம்..!!
நம்பி விடாதீர்கள்
புளித்துப் போன தீர்மானங்களில்
இளித்தவாயன் ஆக்கிவிடுவார்கள்..!!

பொதுச்சொத்துக்களின்
காவலர் நாங்கள்,
பூச்செடிக்கும்
பூட்டுக்கள் பூட்டி காவல் காக்கும்
வீரதீரம் கொண்டவர்கள் நாங்கள்
உள்ளங்கையில் தாங்குவோம்,
நம்பி விடாதீர்கள்
காதில் பூ சுற்றி விடுவார்கள்...!

இனவிரோத நிலைப்பாடுகளில்
சாதி மத இனம் கடந்து
ஓரணியில் செயல்படுவோம்,
உருட்டி வைத்த கோபங்களை
உங்களுக்காக அர்ப்பணிப்போம்,
நம்பி விடாதீர்கள்
இப்படி பேசிப் பேசியே
கூட இருந்து குழி பறிப்பார்கள்..!!

அப்பழுக்கற்ற
அரசாங்கம் நடத்துவோம்,
அடக்கி ஒடுக்கப்பட்ட
அடிமைகள் உங்களை
இரும்பு கரத்தில் மீட்டு
இந்திர ஆட்சி தருவோம்..!!
நம்பி விடாதீர்கள்
இன்னும் கொஞ்சம் பொறுத்தால்
வயிற்றில் அடிப்பார்கள்...!!

ஓட்டுவாங்கி விட்டு
ஒடிப் போகும்
குள்ள நரி அல்ல நாங்கள்,
மாலை சூடிய மக்கள் உங்களை
தலையில் ஏற்றி கொண்டாடும்
பட்டத்து யானை நாங்கள்,
உண்மையாய் இருப்போம்,
நம்பி விடாதீர்கள்
உங்களையும் விற்று விடுவார்கள்..!

கூட்டம் கூடி கூத்தடிக்கும்
குருவிக் கட்சியல்ல இது,
கொல்லன் பட்டறை இரும்பை
கொத்தக் காத்திருக்கும்
கழுகுக் கட்சி இது
உங்களுக்காக உயிர் கொடுப்போம்,
நம்பி விடாதீர்கள்
சம்பந்தம் இல்லாமல் பேசி
தலையில் மிளகாய் அரைப்பார்கள்..!

எங்களின் ரத்தத்துளிகளை
வரிக்கு வரி
வரிசையாய் கோர்த்து,
பிரச்சினை தீயை ஊதி ஊதி
உலகப் பெரிதாக்கியாவது
உணர்ச்சி பொங்க
கடிதம் எழுதி தீர்ப்போம்,
நம்பி விடாதீர்கள்
கடைசி வரை உங்களின்
கழுத்தை அறுப்பார்கள்...!!

அருமை அருமை!!!!

அருமையாய் அப்பட்டமாய் இதெல்லாம்
சொல்லும் எங்கள் மனோ கட்சியில் தான் சேருவேன்

அருமை அருமை கவிதை அருமை

மனோ அவர்கள் பீரங்கி கட்சியா !!!
அல்லது ????????????
தெளிவாய் சொல்லுங்க நானும் கட்சியில் சேர .

அட நீங்க வேற அவரே இன்னும் முடிவு பண்ணலையாம் - காத்திருப்போம்

பிரச்சார பீரங்கிங்கள்
முழங்கி முடித்தவுடன்
குண்டுகள் தீர்ந்து விட்டது போல
மீண்டும் நாளை முழங்குவார்கள்,
இருப்பினும் இழிச்சசாயன் நம்ம
மக்கள்தான் என்பதை நாமறிவோமே.....

யினியவன் wrote:அருமையாய் அப்பட்டமாய் இதெல்லாம்
சொல்லும் எங்கள் மனோ கட்சியில் தான் சேருவேன்

அருமை அருமை கவிதை அருமை

மேற்கோள் செய்த பதிவு: 1104285 வாங்க வாங்க

யினியவன் wrote:அட நீங்க வேற அவரே இன்னும் முடிவு பண்ணலையாம் - காத்திருப்போம்

மேற்கோள் செய்த பதிவு: 1104300இனியவன் கட்சி ரெடி ...காட்சியும் ரெடி ....சின்னம் கூட குப்பைதொட்டி

M.M.SENTHIL wrote:பிரச்சார பீரங்கிங்கள்
முழங்கி முடித்தவுடன்
குண்டுகள் தீர்ந்து விட்டது போல
மீண்டும் நாளை முழங்குவார்கள்,
இருப்பினும் இழிச்சசாயன் நம்ம
மக்கள்தான் என்பதை நாமறிவோமே.....

மேற்கோள் செய்த பதிவு: 1104302 ஆமா செந்தில் சார்...சரிதான்

சின்னம் அற்புதம் !!
வாங்க!!! வாங்க !!!!அனைவரும் குப்பைதொட்டியில் விழ !!!


பயப்படாதீர்கள்...
அரசியல் என்ற குப்பைதொட்டியில் விழுந்து அதை சுத்தப்படுத்துவோம்....னேன்...