ஃபோர்டிஸ் மலர் மருத்துவமனையில் உடல் பருமன் சிகிச்சைக்கு சிறப்பு பிரிவு

**ayyasamy ram** · **ayyasamy ram** Sun Nov 16, 2014 10:55 am

வளர்சிதை மாற்றங்களால் ஏற்படும் உடல்பருமன் உள்ளிட்ட பிரச்னைகளுக்கான சிறப்பு மருத்துவப் பிரிவு ஃபோர்டிஸ் மலர் மருத்துவமனையில் அண்மையில் தொடங்கப்பட்டது.
-
இது குறித்து மருத்துவமனையின் சர்க்கரை நோய் மருத்துவர் டாக்டர் ஷிவ்ராஜ், உடல்பருமன் அறுவைச் சிகிச்சை நிபுணர் டாக்டர் தீபக் சுப்ரமணியன் ஆகியோர் சென்னையில் செய்தியாளர்களிடம் கூறியது:
சர்க்கரை நோய், உடல் பருமன் ஆகிய இரண்டும் மருத்துவத்தில் இந்த நூற்றாண்டின் மிகப்பெரிய சவாலாகக் கருதப்படுகிறது.
-
இந்த மருத்துவப் பிரிவு வளர்சிதை மாற்றத்தினால் செரிமானத்தில் ஏற்படும் பிரச்னைகளால் உண்டாகும் நோய்களுக்கு சிகிச்சையளிக்கும்.
-
முக்கியமாக, சர்க்கரை நோயினால் ஏற்படும் உடல் பருமனுக்கு அறுவைச் சிகிச்சை மேற்கொள்ளப்படும். இந்த அறுவைச் சிகிச்சையை மேற்கொள்ளும் சர்க்கரை நோயாளிகளில் 80 சதவீதம் பேர் சிகிச்சைக்குப் பிறகு சர்க்கரை நோய்க்கான மருந்துகளை எடுத்துக் கொள்ளத் தேவை இருக்காது. அறுவைச் சிகிச்சை மேற்கொண்ட இரண்டு நாள்களிலேயே ரத்தத்தில் உள்ள சர்க்கரையின் அளவு குறைந்துவிடும்.
-
இந்த அறுவைச் சிகிச்சையை மேற்கொள்ளும் சர்க்கரை நோயாளிகள் ஒரு ஊட்டச்சத்து நிபுணரின் உதவியுடன் குறிப்பிட்ட உணவுமுறையை பின்பற்ற வேண்டும். அதன் பின்பு சர்க்கரை நோய் மருத்துவர், நாளமில்லா சுரப்பி மருத்துவர் ஆகியோரின் உதவியுடன் இந்த சிகிச்சை மேற்கொள்ளப்படும் என்றார்.
-
–தினமணி

_________________

ஃபோர்டிஸ் மலர் மருத்துவமனையில் உடல் பருமன் சிகிச்சைக்கு சிறப்பு பிரிவு

ஃபோர்டிஸ் மலர் மருத்துவமனையில் உடல் பருமன் சிகிச்சைக்கு சிறப்பு பிரிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக