ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

drsasikumarr · drsasikumarr Mon Nov 10, 2014 4:27 pm

ஹெல்த்தி சூப்!

நீங்கதான் முதலாளியம்மா!

இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு... இப்படி நம் வீட்டு சமையலறையே ஒரு குட்டி மருத்துவமனைதான். ஆனாலும், கைகளுக்கு எட்டிய இடத்தில் இருக்கும் இந்த மருந்துப் பொருட்களின் மகத்துவம் தெரியாமல், தும்மலுக்கும் தலைவலிக்கும் கூட மருத்துவரைத் தேடிப் போய் மொய் எழுதினால்தான் பலருக்கும் திருப்தியே.

‘‘மூலிகைகளை மருந்தா நினைச்சு சாப்பிடறது தான் சிரமம். அதையே சுவையான ஒரு உணவா சாப்பிட்டுப் பழகிட்டா, ஆரோக்கியத்தைத் தக்க வச்சுக்கிறது சுலபம்” என்கிறார் சென்னையைச் சேர்ந்த ஷியாமளா. மாற்று மருத்துவரான இவரது வீட்டில் மூலிகை சூப்புடன்தான் தினசரி பொழுதே விடியுமாம்!

‘‘ஒரு டாக்டரா நான் மத்தவங்களுக்குச் சொல்ற விஷயங்களை முதல்ல நான் பின்பற்றணும். ‘தினம் சாப்பாட்டுல இஞ்சி யும் ஓமமும் சேர்த்துக்கோங்க’னு சொல்றது சுலபம். செய்யறது கஷ்டம். கஷாயமாகவோ, பொடிச்சோ சாப்பிடறது எல்லாருக்கும் சரியா வராது. அதையே சூப் வடிவத்துல எடுத்துக்கிறதுன்னா விரும்புவாங்க.

எங்க வீட்ல மூலிகைத் தோட்டம் போட்டிருக்கேன். துளசி, சித்தரத்தை, கண்டதிப்பிலி, ஓமவல்லி, மஞ்சள், இஞ்சி, வல்லாரை, கரிசலாங்கண்ணினு எல்லா செடிகளும் இருக்கு. காலையில காபி, டீக்கு பதிலா தினம் ஒரு மூலிகையில தயாராகிற சூப்தான் குடிப்போம். இந்த வயசுலயும் என்னால 20 வயசுக்கான உற்சாகத்தோட ஓடியாடி வேலை செய்ய முடியுதுன்னா இந்த உணவுப் பழக்கம்தான் காரணம்...” என்கிற ஷியாமளா, மூலிகை சூப் தயாரிப்பதை பகுதி நேர பிசினஸாகவும் செய்கிறார்.

‘‘பத்துக்கும் மேலான மூலிகை சூப் வகைகள் செய்யலாம். காய்ச்சலுக்கு, இருமலுக்கு, நோய் எதிர்ப்பு சக்திக்கு, நீரிழிவுக்கு, எடைக் குறைப்புக்கு, மூட்டுவலிக்கு, சரும அழகுக்கு, கல்லீரல் ஆரோக்கியத்துக்கு... இப்படி நிறைய இருக்கு. மூலிகைகளை வீட்லயே வளர்த்து உபயோகிக்கலாம். முடியாதவங்க நாட்டு மருந்துக் கடைகள்ல வாங்கிக்கலாம்.

மூலிகை சூப் தயாரிக்கிறதை முழு நேர பிசினஸா செய்ய நினைக்கிற வங்க ஆரம்பத்துல 1,000 ரூபாய் முதலீடு போட்டா போதும். தேவையான மூலிகைகள், மற்ற மளிகைப் பொருட்கள், கப் உள்ளிட்ட எல்லாம் இதுல அடக்கம். ஒரு கப் சூப்பை 20 ரூபாய்க்கு விற்கலாம்.

50 சதவிகித லாபம் நிச்சயம்” என்கிற ஷியாமளாவிடம், ஒரே நாள் பயிற்சியில் 10 வகை மூலிகை சூப்புகளை 750 ரூபாய் கட்டணத்தில் கற்றுக் கொள்ளலாம். எந்தெந்த சூப், யாருக்கு உதவும் என்கிற கூடுதல் தகவல்களையும் பகிர்ந்து கொள்ளத் தயாராக இருக்கிறார். ‘‘காய்ச்சலுக்கு, இருமலுக்கு, நோய் எதிர்ப்பு சக்திக்கு, நீரிழிவுக்கு, எடை குறைப்புக்கு, மூட்டுவலிக்கு, சரும அழகுக்கு, கல்லீரல் ஆரோக்கியத்துக்கு... இப்படி எல்லாவற்றுக்கும் மூலிகை சூப் இருக்கு...’’ (98409 18039)

நன்றி
தினகரன்

**ayyasamy ram** · **ayyasamy ram** Mon Nov 10, 2014 5:14 pm

ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு... 103459460

--
இரவில் இருமல் அதிக தொந்தரவு கொடுத்தால்
கடுக்காய் தோலை வாயில் அடக்கிக் கொண்டால்
நிவாரணம் கிடைக்கும்

**ஜாஹீதாபானு** · **ஜாஹீதாபானு** Mon Nov 10, 2014 6:20 pm

ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு... 1571444738

**krishnaamma** · **krishnaamma** Mon Nov 10, 2014 6:59 pm

நல்ல பகிர்வு புன்னகை

**krishnaamma** · **krishnaamma** Mon Nov 10, 2014 7:02 pm

ayyasamy ram wrote:

--
இரவில் இருமல் அதிக தொந்தரவு கொடுத்தால்
கடுக்காய் தோலை வாயில் அடக்கிக் கொண்டால்
நிவாரணம் கிடைக்கும்

ஆமாம் அண்ணா, சித்தரத்தை அல்லது அதிமதுரம் கூட வாயில் அடக்கிக்கொள்ளலாம் புன்னகை

mbalasaravanan · mbalasaravanan Tue Nov 11, 2014 1:05 pm

நல்ல பகிர்வு நண்பரே , மற்றும் இருமலுக்கு 5 மிளகு மற்றும் சிறிதளவு புழுங்கல் அரிசி எடுத்து வாயில் சிறிது நேரம் உமிழ் படுமாறு வைத்திருந்தாலும் இருமல் நிற்கும்

**krishnaamma** · **krishnaamma** Wed Nov 12, 2014 10:43 am

mbalasaravanan wrote:நல்ல பகிர்வு நண்பரே , மற்றும் இருமலுக்கு 5 மிளகு மற்றும் சிறிதளவு புழுங்கல் அரிசி எடுத்து வாயில் சிறிது நேரம் உமிழ் படுமாறு வைத்திருந்தாலும் இருமல் நிற்கும்

மேற்கோள் செய்த பதிவு: 1102537

இது நான் கேள்விப்பட்டது இல்லை, பகிர்வுக்கு நன்றி சரவணன் புன்னகை

mbalasaravanan · mbalasaravanan Wed Nov 12, 2014 11:06 am

krishnaamma wrote:
mbalasaravanan wrote:நல்ல பகிர்வு நண்பரே , மற்றும் இருமலுக்கு 5 மிளகு மற்றும் சிறிதளவு புழுங்கல் அரிசி எடுத்து வாயில் சிறிது நேரம் உமிழ் படுமாறு வைத்திருந்தாலும் இருமல் நிற்கும்
மேற்கோள் செய்த பதிவு: 1102537

இது நான் கேள்விப்பட்டது இல்லை, பகிர்வுக்கு நன்றி சரவணன்

மேற்கோள் செய்த பதிவு: 1102704
அம்மா சொல்லி கொடுத்தது

Sponsored content · Sponsored content

ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

Re: ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

Re: ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

Re: ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

Re: ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

Re: ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

Re: ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

Re: ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

Re: ஹெல்த்தி சூப்!இருமலுக்கு சித்தரத்தை... ஜலதோஷத்துக்கு கண்டதிப்பிலி... அஜீரணத்துக்கு சுக்கு...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக