தண்டனை - ஒரு பக்க கதை

**ayyasamy ram** · **ayyasamy ram** Fri Nov 07, 2014 5:27 am

ஷிவாவுக்கு இன்று கல்யாணம். மேகலாவைத் தவிர…
ஆபீஸில் அத்தனை பேருக்கும் அழைப்பிதழ்
கொடுத்திருந்தான். ஆபீஸில் அரைநாள் விடுமுறை
எடுத்துக் கொண்டு பலர் கல்யாண மண்டபத்திற்கு
போய்விட்டார்கள்.
-
எந்த சலனமும் இல்லாமல் ஆபீஸ் வளாகத்திலிருந்த
வேப்பமர நிழலில் அமர்ந்திருந்தாள் மேகலா.
ஷிவா-மேகலாவின் காதலன்.
இரண்டரை வருடமாய் உருகி உருகி காதலித்தவன்.
-
மேகாவும் அவன்மீது அளவிற்கு அதிகமான நம்பிக்கை
வைத்திருந்தாள். எல்லாவற்றிலும் மண்.
-
“காதல் வேறு… கல்யாணம் வேறு… ஸாரி மேகலா…
எங்கப்பா, அம்மா பேச்சை மீற முடியலை…!’
மேகலாவை உதறிவிட்டான் ஷிவா.
காரணம், கோடீஸ்வரன் வீட்டு சம்பந்தம் வலிய
வந்ததுதான்.
-
கோடீஸ்வரர் கோபிநாத் தன் ஒரே மகள் அபர்ணாவை
ஷிவாவுக்கு கட்டித்தருவதாய் வலியவந்து பேச…
ஷிவா தன் காதலுக்கு தீயை வைத்துவிட்டான்.
கல்யாணத்திற்குப் போனவர்கள் சீக்கிரமாகவே
ஆபீஸுக்கு வந்துவிட்டார்கள்.
யாருடைய முகத்திலும் ஈயாடவில்லை.
-
மேகலாவின் உயிர்த்தோழி ஹேமாதான் விஷயத்தைச்
சொன்னாள்.
-
“தாலிகட்டப் போகிற நேரத்துல கல்யாணப் பொண்ணு
மயங்கிவிழுந்துட்டா… பதறிப்போய் டாக்டரைக் கூப்பிட்டு
செக்கப் பண்ணினா… மூணு மாசம் கர்ப்பமாம்…!
யாரையோ காதலிச்சு வயித்துல புள்ளையை வாங்கினவளை…
ஷிவா தலையில கட்டப் பார்த்திருக்காங்க… கல்யாணம்
நின்னுப்போயி.. ஷிவா அவமானத்துல தலைகுனிஞ்சு
நின்னதைப் பார்க்கணுமே.. அவனுக்க இந்த தண்டனை
தேவைதான்.’
-
———————————————————————————————
– ஜி. விஜயலட்சுமி
நன்றி:குமுதம்

**M.Saranya** · **M.Saranya** Fri Nov 07, 2014 3:14 pm

அருமை அருமை

**ஜாஹீதாபானு** · **ஜாஹீதாபானு** Fri Nov 07, 2014 3:36 pm

கதை சூப்பர்

**krishnaamma** · **krishnaamma** Fri Nov 07, 2014 7:18 pm

தேவைதான்..............ஆனால் நிறைய பேருக்கு இப்படி கைமேல் 'பலன் (?) கிடைப்பது இல்லை ராம் அண்ணா புன்னகை

**ayyasamy ram** · **ayyasamy ram** Fri Nov 07, 2014 7:29 pm

krishnaamma wrote:தேவைதான்..............ஆனால் நிறைய பேருக்கு இப்படி கைமேல் 'பலன் (?) கிடைப்பது இல்லை ராம் அண்ணா

மேற்கோள் செய்த பதிவு: 1102100
-
உப்பு தின்னவன் தண்ணி குடித்தே ஆகவேண்டும்! என்று சொல்வார்கள்...
-
திருவள்ளுவரும் முற்பகல் செயின் பிற்பகல் விளையும் என்றார்...
இறைவன் தப்பு செய்தவர்களுக்கு சில சமயம் தாமதமாக
தண்டனை தருவான்...
-
அதனால்தான் தெய்வம் நின்று கொல்லும் என்றார்கள்..!

Sponsored content · Sponsored content

தண்டனை - ஒரு பக்க கதை

தண்டனை - ஒரு பக்க கதை

Re: தண்டனை - ஒரு பக்க கதை

Re: தண்டனை - ஒரு பக்க கதை

Re: தண்டனை - ஒரு பக்க கதை

Re: தண்டனை - ஒரு பக்க கதை

Re: தண்டனை - ஒரு பக்க கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக