சிக்கன முதல்வர்: பொதுமக்கள் ஆச்சர்யம்

**ayyasamy ram** · **ayyasamy ram** Tue Nov 04, 2014 12:14 pm

மகாராஷ்டிரா முதல்வராக, கடந்த வாரம்,
பா.ஜ.,வைச் சேர்ந்த தேவேந்திர பட்நாவிஸ்
பதவியேற்றார்.

மாநிலம், 3 லட்சம் கோடி ரூபாய் கடன் சுமையை
சந்தித்து வரும் நிலையில், முதல்வராக பதவியேற்று
உள்ள பட்நாவிஸ், ஆரம்பம் முதலே சிக்கன
நடவடிக்கையை கையாள துவங்கி உள்ளார்.

இவர், நேற்று முன்தினம் மும்பையில் இருந்து நாக்பூருக்கு,
தன் மனைவி அம்ருதாவுடன் சென்றார். அப்போது, தனி
விமானத்தில் செல்லாமல், ஜெட் ஏர்வேஸ் விமானத்தில்,
எகானமி வகுப்பில், பயணம் செய்தார்.

அத்துடன், விமான டிக்கெட்டிற்கான பணத்தையும் செலுத்தி
விட்டார்.பட்நாவிஸ் எகானமி வகுப்பில் பயணம் செய்வதைப்
பார்த்து, அவருடன் விமானத்தில் பயணித்த சக பயணிகள்
அனைவரும் வியப்படைந்தனர்.

'மகாராஷ்டிரா முதல்வர் ஒருவர், விமானத்தில், எகானமி
வகுப்பில் பயணம் செய்வது, அம்மாநில வரலாற்றில்,
இதுவே முதல் முறை' என, வர்த்தகர் ஒருவர் கூறினார்.
-
----------------------------
--தினமலர்