நிறைகுறைகள்...!! - Mano Red

Mano Red · Mano Red Fri Oct 31, 2014 3:25 am

மனிதர்களை விட
மரங்கள் அதிகம்
இருக்கும் இடம்
நிம்மதியாகவும்,
உண்மையாகவும்
இருக்கிறது ...!!

உலக அளவில்
எல்லா மனிதர்களுக்கும்
ஒரு முறையாவது
நம்பிக்கை துரோகம்
செய்திருக்கும்
ஒரே ஒரு ஆள்...
கடவுள் மட்டுமே ...!!

பெண்களுக்கு
கைவந்த கலை இது,
பக்கத்து வீட்டிலிருக்கும்
அநாவசிய பொருளை
அத்தியாவசிய பொருளாக
மாற்றி நினைக்க....

அம்மாக்களுக்கு
பிடித்தமான
பொழுதுபோக்கு
"கவலைப் படுவது"...
குழந்தை முதல்
குடும்பம் வரை நீள்கிறது இது...!!

விலைவாசி....!
பெயர் சரியாகவே
பொருந்தி விடுகிறது,
பல நேரங்களில்
விலையை வாசிக்க
மட்டுமே முடிகிறது..!!

இப்படி
எப்படியோ
பாதி வாழ்க்கையை
கடந்து விட்டேன்,
மீதியையேனும் சரியாக
வாழ்ந்து விட வேண்டும்..!!

**T.N.Balasubramanian** · **T.N.Balasubramanian** Fri Oct 31, 2014 7:07 am

நிறை குறை ,குறைவின்றி நிறைவாகவே உள்ளது .
அதிலும் ,
quote <உலக அளவில்
எல்லா மனிதர்களுக்கும்
ஒரு முறையாவது
நம்பிக்கை துரோகம்
செய்திருக்கும்
ஒரே ஒரு ஆள்...
கடவுள் மட்டுமே ...!!> quote
மிகவும் விவாதிக்கப் படவேண்டிய ஒன்று .
4/5 உண்மைகளை , அனாயாசமாக அள்ளித்தெளித்துவிட்டுள்ளீர்கள் .
வாழ்த்துகள் ,மனோ .

ரமணியன்

Mano Red · Mano Red Fri Oct 31, 2014 8:40 am

நன்றி அய்யா ....மனிதர்களை திருப்தி படுத்த கடவுளால் கூட முடியாது ...தட்டிக் கொடுத்து பாராட்ட நீங்கள் இருக்கும் போது என்ன கவலை

**ஜாஹீதாபானு** · 16/04/2011

[mention]பெண்களுக்கு
கைவந்த கலை இது,
பக்கத்து வீட்டிலிருக்கும்
அநாவசிய பொருளை
அத்தியாவசிய பொருளாக
மாற்றி நினைக்க....[/mention] wrote:

படித்ததும் சிரிப்பு வந்துருச்சு.... நான் அப்படி நினைக்க மாட்டேன் என ஆணித்தரமாக சொல்லிக் கொள்கிறேன்.

கவிதை அருமை

வித்தியாசமா யோசிக்கிறிங்க சூப்ப்பர்

Mano Red · Mano Red Fri Oct 31, 2014 12:37 pm

அக்கா எனக்கு தெரியும் நீங்க சிரிக்கல ...நான் வித்தியாசமாவா யோசிக்குறேன்

**ஜாஹீதாபானு** · 16/04/2011

Mano Red wrote:அக்கா எனக்கு தெரியும் நீங்க சிரிக்கல ...நான் வித்தியாசமாவா யோசிக்குறேன்

மேற்கோள் செய்த பதிவு: 1100672

அட நிஜமாவே சிரிச்சேன் பொய் சொன்னா காசு ஏதும் தரேனு சொன்னிங்களா?

உங்க கவிதை நிஜமாவே வித்தியசமா இருக்கு. சாதாரணமா உள்ளதை கவிதையா குடுக்குற திறமை சூப்பர்...