' நாகரிகம் மிக்கவர் கருணாநிதி': ராமதாஸ் - 'கருணாநிதி அன்பாக சொல்கிறார்': வைகோ

மாற்றம் செய்த நாள்
30 அக்
2014
12:16
பதிவு செய்த நாள்
அக் 30,2014 09:00 சென்னை : மதிமுக- திமுக கூட்டணி ஏற்பட்டால் அதை தான் வரவேற்பதாக திமுக தலைவர் கருணாநிதி தெரிவித்துள்ளார். மாமல்லபுரத்தில் நேற்று நடைபெற்ற திருமண விழாவில் மதிமுக பொதுச் செயலாளர் வைகோவும், திமுக பொருளாளர் ஸ்டாலினும் சந்தித்து கொண்டது தொடர்பாக சென்னை கோபாலபுரத்தில் செய்தியாளர்களுக்கு அளித்த பேட்டியில் அவர் இவ்வாறு தெரிவித்துள்ளார்.
வைகோ-ஸ்டாலின் சந்திப்பு : பா.ம.க., நிறுவனர் ராமதாஸ் இல்ல திருமண வரவேற்பில் பங்கேற்ற, தி.மு.க., பொருளாளர் ஸ்டாலின், ம.தி.மு.க., பொதுச் செயலர் வைகோவை பார்த்து புன்முறுவலுடன் கைகுலுக்கினார். தேர்தல் கூட்டணி குறித்து இருவரிடமும் கருத்து கேட்க பத்திரிகையாளர்கள் முயன்றபோது, பேட்டிக்கு மறுத்து, புறப்பட்டு விட்டனர். வைகோவிடம் கேட்டபோது, ''நல்ல மனிதர் வீட்டின் திருமணத்திற்கு வந்துள்ளேன். கூட்டணி குறித்து இப்போது பேச வேண்டாம்,'' என கூறியதாக தெரிகிறது.
கருணாநிதி விளக்கம் : வைகோ மற்றும் பாமக.,வை கூட்டணியில் இணைக்க திமுக முயன்று வருவதாக செய்திகள் பரவி வரும் நிலையில் வைகோ- ஸ்டாலின் இடையேயான எதிர்பாராத திடீர் சந்திப்பு குறித்து திமுக தலைவர் கருணாநிதியிடம் கருத்து கேட்கப்பட்டது. அது குறித்து அவர் அளித்த பேட்டியில், மதிமுக உடன் கூட்டணி ஏற்பட்டால் வரவேற்பேன் என தெரிவித்துள்ளார். மேலும் கூட்டணிக்கு பாமக விரும்பினால் திமுக பொதுக்குழுவை கூட்டி முடிவு எடுக்கப்படும் எனவும், வைகோ, திமுக.,வின் நீண்ட கால நண்பர் என்ற முறையிலேயே ஸ்டாலினை சந்தித்துள்ளார் எனவும் தெரிவித்துள்ளார்.
அரசியல் நாகரிகத்தின் எடுத்துக்காட்டு : திருமண விழாவில் எதிர்பாராமல் சந்தித்தது போலவே, இன்று காலை வைகோவும், ஸ்டாலினும் மதுரை புறப்படுவதற்காக சென்னை விமான நிலையம் வந்தனர். அப்போது நேற்றைய திடீர் சந்திப்பு குறித்து இருவரிடமும் கருத்து கேட்கப்பட்டது. அப்போது, அரசியல் நாகரிகத்திற்கு எடுத்துக்காட்டு தான் ஸ்டாலின் உடனான சந்திப்பு. தேர்தல் கூட்டணி குறித்து தற்போதைய சூழலில் ஒன்றும் சொல்ல முடியாது என மதிமுக பொதுச் செயலாளர் வைகோவும், மதிமுக, பாமக உடனான கூட்டணி குறித்து தேர்தல் நேரத்தில் தெரியும் என திமுக பொருளாளர் ஸ்டாலினும் தெரிவித்துள்ளனர்.ராமதாஸ் நன்றி : தனது பேத்தி திருமண விழாவிற்கு வந்த தி.மு.க., தலைவர் கருணாநிதிக்கு, பா.ம.க., தலைவர் ராமதாஸ் நன்றி தெரிவித்தார். அவர் கூறுகையில், "கடந்த 1989ம் ஆண்டு முதல் கருணாநிதியுடன் எனக்கு நட்பு உண்டு. அவர் கைது செய்யப்பட்ட போது அவரை நேரில் சந்தித்தேன். அரசியலில் பண்பு, நாகரிகம் மிக்கவர் கருணாநிதி. அவரது உழைப்பை யாராலும் மிஞ்ச முடியாது". இவ்வாறு ராமதாஸ் தெரிவித்தார்.


வைகோ மகிழ்ச்சி: ம.தி.மு.க.,வுடன் கூட்டணி அமைந்தால் மகிழ்ச்சி என தி.மு.க., தலைவர் கருணாநிதி அன்புடன் தெரிவித்திருக்கிறார். அவரது அன்பு எங்களுக்கு மகிழ்ச்சியே மதுரையில் நிருபர்களிடம் பேசிய வைகோ தெரிவித்துள்ளார்.

கேட்டால் அரசியல் நாகரிகமாம்




ஒரு நாளும் யாரும் மறக்க மாட்டார்கள் கட்டுமரம்