கிரக அமைப்பினால் ஏற்படும் பலன்கள்..

First topic message reminder :

ஜோதிட சாஸ்திரத்தை  பலமுனிவர்கள் எழுதி உள்ளனர். அவர்கள் எல்லோரும்  தமது கருத்துகளை  கூறி முடிக்கும்போது  இறுதியாக ஜோதிடர்கள் பலன்களை எல்லாம் பார்த்தறிந்த  பின்பும் நன்கு அறிந்து  நிதானித்து  பலன்களை  கூறவேண்டும் என்று  எச்சரிக்கை செய்துள்ளனர்.   இவ்வாறு ஏன்  எச்சரிக்க வேண்டு மென்றால் கடல் பார்ப்பதற்கு  ஒரே ஜலமாகத்தான் தெரியும். ஆனால்  அதற்குள்  பல பொருள்கள் கிடைக்கின்றது.அவைகள் எல்லாம்  எல்லா இடத்திலும் கிடைப்பதில்லை.குறிப்பிட்ட சில இடங்களில் தான் கிடைக்கின்றது. இதேபோல் ஜோதிடசாஸ்த்திரத்திலும் பொதுவாக இன்னின்ன  கிரகங்கள்  இன்ன முறையில்  இருந்தால்  இன்னின்ன பலன்கள்  நடக்கும்  என்று கூறியுள்ளனர். அதனால்தான்  ராசிகளில்  கிரகங்கள் நின்றதற்கு  தனியாக பலன்கள்  கூறியுள்ளனர்.   அவற்றின் சில வற்றை   மதுரை   தொ.வே.இராகவன் அவர்கள் மக்கள் அறியும் பொருட்டு  1972ம் ஆண்டு  ஓர் இதழில்  அளித்துள்ள வற்றை அன்னாருக்கு   நன்றி  தெரிவித்து   இங்கு  அதனை  ஈகரையினர் அறியும்  பொருட்டு...  பதிவு செய்கின்றேன்.
 
                      1.  சந்திரனுக்கு  7ல்சனி இருக்க  பிறந்த ஜாதகன்  மாதா பிதாவுக்கு தோஷம்.

                      2.  செவ்வாய்  ஆட்சியாகி  சனி லக்கினத்திற்கு  3ல் இருந்தால் ஜாதகன்குள்ளனாக இருப்பான்.

                      3.  குரு புதன் 2க்குடையவர் ஆகிய மூவரும்  கேந்திர திரி கோணத்தில் இருந்தால்  வித்தை உண்டு.                
                                 அத்தோடு புதன்  உச்சமாய்   இருந்தால்  அதிக வித்தை உண்டு.

                      4.  2ல்  செவ்வாய்  இருந்தால்  மாதா பிதாவுக்கு  அடங்காதவன்  (அ) பிடிக்காதவன்.அதி கோபி,  துர் விநியோக செலவு  துர்போதனையுடையவன்   சுப காரியங்களில்  அடிக்கடிஈடுபடுவான்.பிதுர் சொத்து சேரும் பூமிலாபமுண்டு ( 6-8-12க்குடையவனாகிய செவ்வாய் 2-ல் இருந்தால் பூமி லாபம் பிதுர் சொத்து நில்லாது.)

                      5.லக்கினத்திற்கு 2-7-9க்கு அதிபர்கள் ஆறு ராசிக்குமேல் மூன்று ராசிக்குள் இருந்து  6-க்கதிபன் கெட்டிருந்தால் ஜாதகன் ஊமையாவான்.

                                                                            (தொடரும்)

மேலும் அன்பர் ராஜா அவர்களே கிரக ஆட்சி ,உச்சம், நட்பு, பகை, நீசம் .. போன்ற வீட்டின் விவரங்களை பஞ்சாங்கத்தில் பார்த்து தெரிந்து பலன் அறியலாம். ராகு கேதுக்கு செந்த வீடு இல்லை மற்ற 7 கிரகங்களுக்கும் உண்டு. சூரியன், சந்திரன் இவர்களுக்கு ஒரு வீடு. சூரியனுக்கு சிம்மம், சந்திரனுக்கு கடகம் சொந்தவீடு..மற்ற குரு, புதன், செவ்வாய், சுக்கிரன் ,சனி இவர்களுக்கு இரண்டு வீடுகள் .குருவுக்கு மீனம் தனுசு, புதனுக்கு மிதுனம் கன்னி, சனிக்கு மகரம் கும்பம், செவ்வாய்க்கு மேஷம் விருச்சிகம், சுக்கிரனுக்கு ரிஷபம் துலாம் என ஜோதிட கணிதத்தில் வரையரை செய்துள்ளனர்..ஜொதிடம் அறியஅவா இருப்பின் ஜோதிட புத்தகங்களை படிக்கவும் என என் அன்பு வேண்டுகோள்.சூரியனுக்கு சிம்மம், சந்திரனுக்கு கடகம் சொந்தவீடு..

அய்யா வணக்கம். பஞ்சாங்கத்தில் பஞ்ச அங்கத்தைத்தவிர நிறையஜோதிட விஷயங்கள் உள்ளன. அதாவது நான் உதாணத்திற்கு அசல் 28-நெ பஞ்சாங்கத்தில் பஞ்சபட்சிசாஸ்திரம், கிரக பாத சாரங்கள்,
கந்தாயபலன், விவாக தச வித பொருத்தம் ,திசாபுத்திஅந்தரங்கள், கோச்சார பலன் , பல்லி விழும் பலன்,தினப்பலன், பல்லி சொல்லுக்கு பலன் மற்றும் நவகிரகங்கள் உச்ச-நீச ஸ்வஷேத்திர சத்ரு-மித்ரு பதகம்என பல விஷயங்கள் உள்ளன மற்ற பஞ்சாங்கத்திலும் இருக்கும். மேலும் ஆர்க்காடு சீத்தாராமையர் பஞ்சாங்கத்தில் நிறைய விவரங்கள்உள்ளன. ஆனந்தபோதினி, குமரன்பஞ்சாங்கத்திலும் பல ஜோதிட விவரங்கள் உள்ளன....

நன்றி Rajan , நாங்கள் ஸ்ரீரங்கம் பஞ்சாங்கம் உபயோகிக்கிறோம் .

ரமணியன்

ரமணியன் அய்யாஇதுகுறித்து பதில் தெரிவித்தேன் எங்கே சென்றது தெரியவில்லையே.....!!!!!

அய்யா ஸ்ரீரங்கம் பஞ்சாங்கத்தில் சோதிட விஷயங்கள் இடம்பெற வில்லையா? நான் அப் பஞ்சாங்கத்தை பார்த்த தில்லை.

4க்குடையவன் 5ல் சுபக்காரக சேர்க்கை யுடன் இருந்தால் தாயார் செற்படி நடப்பவன்.தாயார் மதப்பற்றுள்ளவள்.

9-ம்மிடத்தில் சுக்கிரனோ அல்லது சூரியனோ அல்லது கேதோ இருந்தால் பல வித்தைகளை அறிவான்.

லக்கினாதிபதியும்   9க்குடையவனும்   ஷஷ்டாஷ்டமத்தில் ( 6-8ல்) இருந்தால் ஜாதகனும் அவனுடைய தகப்ப னாரும் எலியும் பூனையும்  போல்  இருப்பார்கள்.

12-மிடம்   சர ராசியாகி    அதில்   9க்குடையவன்  இருந்தால்   ஜாதகன்  பிறக்கும்போது  தகப்பனார் வெளியில்  அல்லது  வெளியூரில்  இருப்பார். மற்றும்  8 மிடம்   சர ராசியாகி  அதில் 9க்குடையவன் இருந்தாலும்இதே நிலைதான்...

2ல் வியாழன்  இருந்து  செவ்வாய் அல்லது  கேது  9ல் இருக்க  புதன் 5ல்  சனி 6ல் சுக்கிரன் 7ல் இருக்க பிறந்தவன்  பிச்சைக்காரனாக இருந்தாலும்  கோட்டீஸ்வரனாவான்.