தீபாவளிக்கு வாழ்த்து முதல்வர் தெரிவிக்காதது ஏன்?

தீபாவளியை முன்னிட்டு, தமிழக அரசு மற்றும் அ.தி.மு.க., சார்பில், வழக்கமாக வெளியிடப்படும் வாழ்த்துச் செய்தி, இந்த தீபாவளிக்கு வெளியாகவில்லை.

அ.தி.மு.க., சார்பில், அதன் பொதுச் செயலரும், தமிழக அரசின் சார்பில், முதல்வரும் வாழ்த்து செய்திகளை வெளியிடுவர். பொதுச் செயலர் மற்றும் முதல்வர் ஆகியோர், இதுவரை ஒருவராகவே இருந்ததால், ஜெயலலிதாவின் வாழ்த்து செய்தி மட்டும் வெளியாகும்.தற்போது, முதல்வராக ஓ.பன்னீர்செல்வமும், அ.தி.மு.க., பொதுச்செயலராக ஜெயலலிதாவும் உள்ளனர். அதனால், இருவரும், தனித்தனியாக தீபாவளி வாழ்த்து செய்திகளை வெளியிடுவர் என்ற, எதிர்பார்ப்பு நிலவியது. ஆனால், இருவரிடம் இருந்தும், வாழ்த்து செய்தி வெளியாகவில்லை.

இதுகுறித்து, தலைமை செயலக வட்டாரங்களில் விசாரித்தபோது, அவர்கள் கூறியதாவது: அ.தி.மு.க., பொதுச்செயலர் என்ற முறையில் ஜெயலலிதாவும், முதல்வர் என்ற வகையில், ஓ.பன்னீர்செல்வமும், வாழ்த்து செய்தி வெளியிட்டால், முதல்வர் என்பதால், பன்னீர்செல்வத்தின் வாழ்த்து செய்திக்கு முக்கியத்துவம் கிடைக்கும். அதற்கு அடுத்தே, ஜெயலலிதாவின் வாழ்த்து செய்தி இடம்பெறும்.இதைத் தவிர்ப்பதற்காக, முதல்வர் அலுவலகத்திலிருந்து, தீபாவளி வாழ்த்து செய்தியை வெளியிடுவதில் தயக்கம் காட்டினர். ஜெயலலிதா வாழ்த்து செய்தி வெளியிட்டால், அது மட்டும் போதும் என, இருந்து விடலாம் என்றும் நினைத்தனர்.

ஆனால், அ.தி.மு.க., அலுவலகத்திலிருந்து, ஜெயலலிதாவின் வாழ்த்து செய்தி வெளியாகவில்லை. இந்த நெருக்கடியில், முதல்வர் அலுவலகத்தில் இருந்தும், வாழ்த்து செய்தியை வெளியிடவில்லை.ஓ.பன்னீர்செல்வம் செப்டம்பர், 29ல் பதவியேற்றபின், விஜயதசமிக்கு வாழ்த்து செய்தி வெளியிட்டார். அவர் பதவியேற்ற பின், வெளியிட்ட முதல் செய்தி இதுதான்.அப்போது, சொத்துக் குவிப்பு வழக்கில் தண்டனை பெற்று, ஜெயலலிதா பெங்களூரு சிறையில் இருந்தார். அதனால், முதல்வர் அலுவலகத்திலிருந்து மட்டும், வாழ்த்து செய்தி வெளியானது. இப்போது, ஜெயலலிதா ஜாமினில் உள்ள நிலையில், என்ன செய்வது எனத் தெரியாமல், முதல்வர் அலுவலக அதிகாரிகள் தவித்தனர்.இவ்வாறு, அவ்வட்டாரங்கள் தெரிவித்தன.

தினமலர்

பொதுவா நம்ம ஊர்களில் ஒருவர் (சபரிமலை போன்ற) கோவிலுக்கு நேர்ந்துகிட்டு இருக்கும் போது அல்லது வீட்டில் அப்பா அம்மா இறந்துவிட்டால் அவரவர் குடும்ப வழக்கப்படி ஒரு சில வாரங்கள் முகச்சவரம் செய்யாமலும் தலையில் எண்ணை வைக்காமலும் இருப்பார்கள். ஆனால் இவனுக வீட்டில் என்ன எழவு விழுந்தது என்று தெரியவில்லை. காசுக்கு காலில் விழும் முதுகெலும்பில்லாத கூட்டம் இவனுங்க வாழ்த்து சொன்னா தான் தீபாவளி இனிக்குமா என்ன ........

தப்பி தவறி ஓபிஎஸ் வாழ்த்தி இருந்தா இந்த வாரம் வேறு ஒருவர் முதல்வராக ஆயிருப்பார்

முன்ன இருந்த காலில் விழும் நாறின பொழப்பே பெட்டர்ன்னு தோணுதாம் ஓபிஎஸ் க்கு

யினியவன் wrote:தப்பி தவறி ஓபிஎஸ் வாழ்த்தி இருந்தா இந்த வாரம் வேறு ஒருவர் முதல்வராக ஆயிருப்பார்

முன்ன இருந்த காலில் விழும் நாறின பொழப்பே பெட்டர்ன்னு தோணுதாம் ஓபிஎஸ் க்கு

மேற்கோள் செய்த பதிவு: 1098864


நன்னா சொன்னேள் போங்கோ

எல்லாம் அந்த நாலு வருசம் தான், இனி அ.இ.தி.மு.க வின் எந்தப் பெருநாளும் கொண்டாட மாட்டார்கள். ஏன்னா, காலில் விழ அம்மா முதல்வராக இல்லையே.

மாணிக்கம் நடேசன் wrote:எல்லாம் அந்த நாலு வருசம் தான், இனி அ.இ.தி.மு.க வின் எந்தப் பெருநாளும் கொண்டாட மாட்டார்கள். ஏன்னா, காலில் விழ அம்மா முதல்வராக இல்லையே.

மேற்கோள் செய்த பதிவு: 1098908

இருக்கலாம் ஐயா