பானுவின் தீபாவளி அனுபவங்கள் விமந்தனி வீட்டில்

யினியவன் · யினியவன் Thu Oct 23, 2014 1:04 pm

First topic message reminder :

பானுவின் தீபாவளி அனுபவங்கள் விமந்தனி வீட்டில்

தீபாவளிக்கு முன் - விமந்தனி: பானு தீபாவளி உங்களுக்கு எங்க வீட்ல தான்

தீபாவளி அன்று பானு மிகுந்த மகிழ்ச்சியுடன் தன் பெண்ணுடன் சீக்கிரம் கிளம்பிட்டாங்க விமந்தனி வீட்டுக்கு.
ரொம்ப வருஷம் ஆயிடுச்சு, பானு தீபாவளிக்கு யார் வீட்டுக்கும் போயி, அதால அநேக எதிர்பார்ப்புகள், பானுவை விட பானுவின் பெண்ணுக்கோ அதைவிட.

தட்டி முட்டி தடவி எப்படியோ 10 மணிக்கு விமந்தனி வீட்டை கண்டுபிடிச்சு போயிட்டாங்க பானு. பாரி முனையிலேயே தன் அலுவலகத்தை அப்படித்தானே தினமும் தட்டி முட்டி தடவி போயிடறாங்க பானு - இதெல்லாம் எம்மாத்திரம் - லேட்டா போனாலும் லேட்டஸ்ட்டா வந்துட்டோம்ல ன்னு டயலாக் வேற - அவங்க முதலாளி தலைல கை வெக்கற அழகே அழகு இந்த டயலாக் கேட்டு புன்னகை

உமேரா வந்தாச்சா? இல்ல சார் அவங்களுக்காக காத்திருந்து தான் லேட் நான் ன்னு சமாளிப்பாங்க - உமேரா வந்தவுடன், பானு உங்களுக்காக பஸ் நிறுத்தத்துல எவ்ளோ நேரம் காத்திருந்தேன் தெரியுமா ன்னு அவங்க பில்ட் அப் - உஸ் அப்பா ஓனருக்கு கண்ண கட்டுதே புன்னகை

ஜாங்கிரி, லட்டு, குலாப் ஜாமுன், முந்திரி பக்கோடா, முறுக்கு, மிக்சர் என அமர்க்களப் படுத்தி இருந்தாங்க விமந்தனி. அதோட இட்லி, கேசரி, வடை, தோசை, சாம்பார், காரக் குழம்பு, கலர் கலரா சட்னி - பின்னிட்டாங்க விமந்தனி.

சூப்பரா ரசிச்சு ருசிச்சு சாப்பிட்டாங்க பானுவும், மகளும். விமந்தனி வீட்டுக்காரர் - பானு நீங்க வரீங்கன்னு தான் இத்தனை தடபுடல் - இல்லேன்னா தீபாவளி, பொங்கல் ன்னாலும் சரி எங்க வீட்ல கார்ன் பிளேக்ஸ், காஞ்ச ரொட்டி தான் ன்னு ரொம்ப காஞ்சு போயிருந்தத சிரிச்சுட்டே சொன்னாரு.

விமந்தனி விமந்தனி ன்னு பானு விமந்தனி அம்மாவ கூப்பிட கூப்பிட விமந்தனி பொண்ணு விமந்தனி - அடடே நம்ம அம்மா கூட நம்ம பெயரை இத்துனை முறை பாசமா சொன்னதில்லையே ன்னு ஒரே சந்தோஷம் அவளுக்கு.

நல்லபடியா சந்தோஷமா சாப்பிட்டு அரட்டை அடிச்சு கிளம்பற நேரமும் வந்தாச்சு. பானு - விமந்தனி ரொம்ப நல்லாருக்கு எல்லாமே, வெச்சு நாலு நாள் சாப்பிடலாம் போல இருக்குன்னு சொல்ல, அப்பத்தான் விமந்தனிக்கு ஞாபகம் வந்தது, அடடே வீட்டுக்கு கொடுத்தனுப்புறோம் ன்னு சொன்னமே பானுவுக்குன்னு.

ஏங்க அந்த கவர் எல்லாம் எடுங்க, பானுவுக்கு பேக் பண்ணலாம் - கோபியும் பொறுப்பா நாலைந்து கவர்களை எடுத்து வர - அவை கங்கா ஸ்வீட்ஸ், சரவண பவன் கவர்கள் - பார்த்தவுடன் கங்கை பிரவாகம் போல் விமந்தனி அம்மா கண்ணில் பொங்குச்சு பாருங்க கோவம், கணவரின் மேல் புன்னகை

என்னா பில்ட் அப் பண்ணி வெச்சேன், பாத்து பாத்து செஞ்சேன் பானுவுக்காகன்னு - அத்தனையும் போச்சே ன்னு - அம்மாவை பார்த்த உடன் பிறப்பு தொபுக்கடீர் ன்னு காலில் விழுவதைப் போல அவரு கண்ணுல, கண்கூடா தெரிந்தது அந்த பயம் புன்னகை

பானுவும் கண்டும் காணாமல் சிரிச்சும் சிரிக்காமல் மேனேஜ் பண்ணி மேலும் டேமேஜ் ஆகிட வேண்டாமேன்னு கிளம்பினாங்க வீட்டுக்கு. பானுவுக்கும் மேலும் சந்தோஷம் என்னான்னா - நிறைய சாப்பிட்டோமே வயித்துக்கு ஏதாவது ஆயிடுமோன்னு, ஆனா அந்த கவலை இல்லை இப்ப, கங்கா ஸ்வீட்ஸ், சரவண பவன் உணவு ஒன்னும் பன்னாதுன்ற தைரியம் புன்னகை

ஒரு வழியா அமர்க்களமான தீபாவளி விமந்தனி வீட்ல கொண்டாட்டிட்டு வந்து நிம்மதியா ஒரு தூக்கத்த போட்டாங்க பானு.

தொபுக்கடீர் ன்னு ஒரு சத்தம் - அம்மா அம்மா என்ன ஆச்சும்மா? கனவு கண்டியா, இப்படி பயந்து கீழ விழுந்துட்டியேன்னு பானு பெண் பதறி கேட்க, அப்பத்தான் தெரிஞ்சது பானுவுக்கு - அடச்ச எல்லாமே கனவா ன்னு புன்னகை

அப்புறம் தான் ஞாபகம் வந்தது, விமந்தனி அழைத்ததுடன் ஈகரையில் இருந்து ஆளையே காணோமேன்னு, அப்புறம் அலை பேசி என்னும் தரல, வீட்டு விலாசமும் தரலைன்னு புன்னகை

எப்படியோ கனவிலாவது பானுவுக்கு விமந்தனி வீட்ல தீபாவளி நல்லா போச்சே - ஆனா மனசுல இந்த தீபா வலி என்னிக்கும் போகாது பானுவுக்கு புன்னகை

ஒன்னு கவனிக்கல நீங்க, கனவுல கூட பானுவுக்கு அந்த வடை மட்டும் விமந்தனி வீட்ல பிடிக்கல, ஏன்னா காக்கைக்கு தன் குஞ்சு பொன் குஞ்சுன்னு சொல்றாப்ல - பானுவுக்கு என்னிக்குமே பானுவுக்கு தன் வடை பொன் வடை தான் புன்னகை

**krishnaamma** · **krishnaamma** Thu Oct 23, 2014 6:01 pm

இன்னும் விமந்தனி இந்த பக்கம் வரலையா? புன்னகை

**T.N.Balasubramanian** · **T.N.Balasubramanian** Thu Oct 23, 2014 7:13 pm

krishnaamma wrote:இன்னும் விமந்தனி இந்த பக்கம் வரலையா?

மேற்கோள் செய்த பதிவு: 1098783

இன்னும் இந்த பக்கம் வரலை .
இந்த பக்கம் முடிந்து விட்டால் ,
அடுத்த பக்கத்திற்கு வந்தாலும் வரலாம் .

ரமணியன்

**krishnaamma** · **krishnaamma** Thu Oct 23, 2014 7:30 pm

T.N.Balasubramanian wrote:
krishnaamma wrote:இன்னும் விமந்தனி இந்த பக்கம் வரலையா?
மேற்கோள் செய்த பதிவு: 1098783

இன்னும் இந்த பக்கம் வரலை .
இந்த பக்கம் முடிந்து விட்டால் ,
அடுத்த பக்கத்திற்கு வந்தாலும் வரலாம் .

ரமணியன்

மேற்கோள் செய்த பதிவு: 1098803

இந்த பிறந்த நாளுக்கு அப்புறம் ஐயாவுக்கு ஓர் 25 வயசு குறைஞ்சாப்ல இருக்கே புன்னகை

.....................ஹா...ஹா...ஹா.....

**Aathira** · **Aathira** Thu Oct 23, 2014 8:09 pm

யினியவன் கண்கள் கண்ட கனவு போல இருக்கே......... அவ்வளவு தத்ரூபமாக.....

**Aathira** · **Aathira** Thu Oct 23, 2014 8:12 pm

ஜாஹீதாபானு wrote:

நான் என்ன இரவுலயா ஆஃபிஸ் போறேன்...

உமேரா தான் முதல்ல வருவா. அப்புறம் தான் நான் வருவேன். அவ வீட்டுக்கும் எனக்கும் 2ஸ்டாப் தான் இருக்கு. ஆனா நான் தூரத்துல இருக்கேனு சொல்லி இருக்கேன். முதல்ல திருவொற்றியூர் கிட்ட இருந்தேன்.அங்க இருந்து தண்டையார்பேட்டை வந்து 3 வருஷம் ஆகப் போகுது . வீடு மாறினதை சொல்லல. லேட்டா வந்தாலும் பிரச்சனை இல்லை. அதனால அவளோட என்னை கம்பேர் செய்யமாட்டாங்க. அதிலும் நான் சீனியர் ஆச்சே;( கேட்டுறத் தான் முடியுமா.

அருமை அண்ணா உங்க கற்பனை.

இந்த நேரம் உமேராவும் இல்லையே

மேற்கோள் செய்த பதிவு: 1098721

நீங்கதான் அந்தக் கம்பெனியின் முதலாளின்னு சொன்னாங்களே பானு.....

**krishnaamma** · **krishnaamma** Thu Oct 23, 2014 8:21 pm

Aathira wrote:யினியவன் கண்கள் கண்ட கனவு போல இருக்கே......... அவ்வளவு தத்ரூபமாக.....

மேற்கோள் செய்த பதிவு: 1098814

புன்னகை

...................தீபாவளி நல்லா ஆச்சா ஆதிரா? புன்னகை

**விமந்தனி** · **விமந்தனி** Thu Oct 23, 2014 9:43 pm

அடடா... என்ன அழகாக உங்கள் கற்பனை கனவு சிறகு விரித்திருக்கிறது...? மிகவும் நன்றாக இருந்தது யினியவரே... மிகவும் ரசித்தேன். அடுத்தவரை சந்தோஷப்படுத்தி பார்க்கும் கலை அனைவருக்கும் வந்துவிடாது. அந்த வரம் உங்களுக்கு கிடைக்கப்பெற்றதில் எங்களுக்கும் மகிழ்ச்சியே... ஏனென்றால், நீங்கள் பெற்ற வரத்தினால் நாங்களும் பயனடைகிறோமே..... புன்னகை

உங்கள் கற்பனை என்னையும், என்னவரையும் மிகவும் வசீகரித்து விட்டது. கொஞ்சம் stressful - ல்லாய் இருந்த என் மனமும் உங்கள் பதிவால் லேசாகிவிட்டது. இன்றைய bp மாத்திரையை மிச்சப்படுத்தி தந்ததற்கு

**T.N.Balasubramanian** · **T.N.Balasubramanian** Thu Oct 23, 2014 10:00 pm

எந்த மாத்திரை வேண்டுமானாலும் மிச்சப்படுத்துங்கள் ,
BP மாத்திரையை மட்டும் மிச்சப்படுத்த வேண்டாம் .

ரமணியன்

**விமந்தனி** · **விமந்தனி** Thu Oct 23, 2014 10:02 pm

லேட்டா போனாலும் லேட்டஸ்ட்டா வந்துட்டோம்ல ன்னு டயலாக் வேற - அவங்க முதலாளி தலைல கை வெக்கற அழகே அழகு இந்த டயலாக் கேட்டு... உஸ் அப்பா ஓனருக்கு கண்ண கட்டுதே

ஹா... ஹா.. பாவம்... பானுவின் முதலாளியையும் நீங்கள் விட்டு வைக்கவில்லையா...? புன்னகை

பானுவோட இந்த வருஷ இன்க்ரிமெண்ட்ல கைய வச்சு புண்ணியம் கிட்டிகிட்டீங்க... சிரி சிரி

(நீங்க கவலை படாதீங்க பானு. கட்டான இன்க்ரிமெண்டை ரம்ஜான் சீதனமா கொடுக்கச்சொல்லிவிடுங்கள் உங்கள் அண்ணனிடம் சிரி சிரி

)

**விமந்தனி** · **விமந்தனி** Thu Oct 23, 2014 10:13 pm

ஜாங்கிரி, லட்டு, குலாப் ஜாமுன், முந்திரி பக்கோடா, முறுக்கு, மிக்சர் என அமர்க்களப் படுத்தி இருந்தாங்க விமந்தனி.

அடேயப்பா... பயம்

இவ்வளவு பலகாரங்களா...? போதுமா? ஏன் தட்டை, அதிரசம், பாதூஷா, இத்யாதிகள் எல்லாம் விட்டுவிட்டீர்கள்? இதெல்லாம் ரொம்ப ஓவர் யினியவரே. இவ்வளவு எல்லாம் என்னால் செய்ய முடியாது. அடுத்த முறை (உங்கள் கற்பனையில்) ஐட்டங்களை கொஞ்சம் குறைத்துக்கொள்ளுங்கள் ப்ளீஸ்... வயசான காலத்துல என்னால் இவ்வளவு எல்லாம் செய்யமுடியாது... ம்ஹூம்..... ஜாலி

Sponsored content · Sponsored content

பானுவின் தீபாவளி அனுபவங்கள் விமந்தனி வீட்டில்

பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

Re: பானுவின் தீபாவளி அனுபவங்கள் விமந்தனி வீட்டில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக