‘தைத்திங்கள்’... தமிழன் ஆடைகள்!

டி ஷர்ட்டில் ஆங்கில வாக்கியங்கள் பார்த்துப் பழகிய நம் கண்களை பளிச் என ஈர்க்கின்றன, ‘தைத்திங்கள்’ டி ஷர்ட்கள்! ‘வாழு வாழ விடு’, ‘செய் அல்லது செத்து மடி’ என தமிழ் ஸ்லோகன்கள் தாங்கிய இந்த டி ஷர்ட்கள், திருப்பூரில் இருக்கும் ‘தைத்திங்கள்’ கார்மென்ட்டில் தயாராகின்றன. உலக நாடுகள் பலவற்றிற்கும் ஏற்றுமதி செய்யப்படுகின்றன. ‘தைத்திங்களி’ன் நிறுவனர் தேவமணிகண்டனிடம் பேசினோம்.

''16 வருஷமா திருப்பூர்ல பனியன் கம்பெனியில வேலை பார்த்தேன். அந்த அனுபவத்தில்தான் இந்த கார்மென்ட்ஸை ஆரம்பிச்சேன். கடந்த தை மாசம் இந்த கம்பெனியை ஆரம்பிச்சதால ‘தைத்திங்கள்’னு பேர் வைத்தேன். அடிக்கடி கண்ணில் பார்க்கிற விஷயம் மனதில் பதியும். அதுதான் நான் தமிழில் ஸ்லோகங்களை டி ஷர்ட்டில் கொடுக்க நினைச்சதுக்குக் காரணம். தமிழ் பற்றியும், தமிழ் இனம் பற்றியும் கிட்டத்தட்ட 3,000 டி ஷர்ட்களில் உணர்ச்சிமிக்க ஸ்லோகங்களை பிரின்ட் செய்திருக்கேன்.

என் முகநூல் நண்பர் பூபதி முருகேசனும், நானும் இணைந்து டி ஷர்ட்டுக்கான ஸ்லோகன்களை எழுதறோம். கிழக்கிந்திய கம்பெனி எப்படி நம்ம இந்தியாவுக்கு வந்து வர்த்தகம் செய்து ஆங்கில மொழியை நிலைநாட்டிட்டுப் போனாங்களோ அதே போல, நம்ம மொழியையும் நாடு கடந்து வர்த்தக ரீதியா கொண்டு போகணும்ங்கறதுதான் என்னோட எண்ணம்!" என்றவர்,

''என் கார்மென்ட்ஸில் 30 பேர் வேலை செய்றாங்க. நூல்ல இருந்து, டி ஷர்ட் டிசைனிங் வரைக்கும் எல்லாமே நாங்களே பண்றோம். ஆண்கள், பெண்களுக்கான டி ஷர்ட்களையும், 2 முதல் 14 வயதுக் குழந்தைகளுக்கு தமிழ் வாசகங்கள் அடங்கிய பனியன்களையும் தயார் செய்றோம். கல்லூரி மாணவர்களுக்கு பகுதி நேர வேலை வாய்ப்பு தரும் விதமா, என்னோட லாபத்தைக் குறைச்சிக்கிட்டு இதை அவங்ககிட்ட கொடுத்து விற்பனை செய்றேன்.

ஒரு டி ஷர்ட்டின் விலை 380 ரூபாய். காலர் கொண்டது 499 ரூபாய். இந்தியாவுக்குள்ள தபால் சார்ஜ் எதுவும் கிடையாது. மலேசியா ஜோன்பர்க்ல எங்களோட ஒரு கடையும் இருக்குது. இதுமட்டும் இல்லாம சிங்கப்பூர், டென்மார்குக்கும் எங்களோட டி ஷர்ட்களை அனுப்பிட்டு இருக்கோம்" என்கிறார்!

- வே.கிருஷ்ணவேணி

விகடன்.காம்

ரொம்ப அருமையாக இருக்கே ! பெரியவாளுக்கு கிடையாதா?  ...............ஆனால்  போட்டுக்கொண்டிருப்பவர்களை பார்த்தால் 14 வயது மாதிரி தெரியலையே ? ........பெரிய அளவு  கிடைக்கும் இடம்..................அட்ரஸ் இருந்தால் கொடுங்களேன்.............

முன்பு விஜய் டிவி இல் கூட ஒருவர் இது போல செய்வதாக சொன்னார்...............ஆனால் அவர் மெட்ராஸ் இல் என்று சொன்னார்

வாழ்க தமிழ்!

விமந்தனி wrote: வாழ்க தமிழ்!

மேற்கோள் செய்த பதிவு: 1097575

ஆமாம் ...பார்த்தாலே அழகாய் இருக்கு இல்ல ?

krishnaamma wrote:

விமந்தனி wrote: வாழ்க தமிழ்!

மேற்கோள் செய்த பதிவு: 1097575

ஆமாம் ...பார்த்தாலே அழகாய் இருக்கு இல்ல ?

இந்த ஆடைகளை தயாரிக்கும் நிறுவனத்தின் தொடர்புக்கு

facebook  முகநூல் முகவரி

website   இணையதள முகவரி

தொடர்பு எண் - +91 9750903304

இங்கும் வாங்கலாம்  இணையதள முகவரி வேறு

சூப்பர்...............ரொம்ப நன்றி நேசன்