பருவமழையின் காரணமாக இடம்பெயர்ந்த மக்கள் பெரும் சிரமங்களை எதிர்கொண்டுள்ளனர்

kirupairajah · kirupairajah Fri Nov 06, 2009 10:47 am

வடக்கு கிழக்கு பகுதிகளில் பெய்துவரும் பருவமழையின் காரணமாக இடம்பெயர்ந்த மக்கள் பெரும் சிரமங்களை எதிர்கொண்டுள்ளனர். தற்போது யாழ்ப்பாணம், வவுனியா, முல்லைத்தீவு, திருகோணமலை, மட்டக்களப்பு, அம்பாறை மாவட்டங்களில் பருவமழை பெய்யத் தொடங்கியுள்ளதால் இடம்பெயர்ந்த மக்கள் பெரும்சிரமங்களை எதிர்கொண்டுள்ளனர்.
வவுனியா தடுப்பு முகாம்களில் உள்ள மக்கள் பாரிய இடர்களை எதிர்கொள்வதாக தெரிவிக்கப்படுகின்றது. இதேவேளை தடுப்பு முகாம்களில் இருந்து மீளக்குடியமர்த்துவதாக கூறிக்கொண்டு செல்லப்பட்டு செந்தமாவட்டங்களில் முகாம்களில் தங்கவைக்கப்பட்டுள்ள மக்களும் தற்போது பெய்துவரும் பருவமழையினால் பாரிய இடர்களை எதிர்கொண்டுள்ளனர்.
இவ்வாறு வன்னியின் துணுக்காய் பகுதி மாங்குளம் பகுதிகளில் கொண்டுசெல்லப்பட்டு பாடசாலைகளில் தங்கவைக்கப்பட்டுள்ள மக்களும் யாழ்பாணம் கொண்டு செல்லப்பட்டு பாடசாலைகள், விளையாட்டரங்குகள், பொதுமண்டபங்களில் தங்கவைக்கப்பட்டுள்ள மக்களும் மழையினால் பாரிய இடர்களை எதிர்கொண்டுள்ளனர்.
இதனைவிட் மட்டக்களப்பு, அம்பாறை மாவட்டங்களில் பெய்துவரும் தொடர் மழையின் காரணமாக தமிழ்மக்கள் பாதிக்கப்பட்டுள்ளனர். காடந்த காலத்தில் சிறீலங்காப் படையினரின் தாக்குதல் காரணமாக வீடுகளை இழந்த மக்கள் இப்பிரதேசங்களில் கூடாரங்களில் தங்கி வாழ்கின்றார்கள்.
இவர்களது கூடாரங்கள் காற்றினால் அடித்துசெல்லப்பட்டுள்ளது இதனைவிட தாழ்வான பிரதேசங்களில் வாழும் மக்கள் வெள்ள அபாயத்தினையும் எதிர்கொள்வதாக தெரிவிக்கப்பட்டுள்ளது.

பருவமழையின் காரணமாக இடம்பெயர்ந்த மக்கள் பெரும் சிரமங்களை எதிர்கொண்டுள்ளனர்

பருவமழையின் காரணமாக இடம்பெயர்ந்த மக்கள் பெரும் சிரமங்களை எதிர்கொண்டுள்ளனர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக