பெண் ஊழியர்களின் கருமுட்டை உறைபனி (Egg Freezing)செலவினை ஏற்க முன் வந்துள்ளது ஆப்பிள் பேஸ்புக் நிறுவனம்,

சான் பிரான்சிஸ்கோ: ஆப்பிள் மற்றும் பேஸ்புக் நிறுவனம், தங்களது பெண் ஊழியர்களின் கருமுட்டை உறைபனி (Egg Freezing) செய்வதற்கான செலவினை ஏற்க முன் வந்துள்ளது. ஆப்பிள் நிறுவனம் கருவுறாமை சிகிச்சைக்கும், விந்து நன்கொடையாளர்களுக்கும் மற்றும் கருமுட்டை உறைபனி செய்வதற்கும் $20,000 வரை செலவினை கொடுத்து உதவி செய்ய உள்ளது.

ஆப்பிள் நிறுவனம் ஜனவரி மாதத்திலிருந்து, பெண் ஊழியர்களுக்கு தங்களின் கருமுட்டைகளை உறைபனி செய்வதற்கான செயல்முறை மற்றும் சேமிப்பு செலவுகளுக்காக $20,000 வரை கொடுக்க முன் வந்துள்ளது. இந்த சலுகையை தங்கள் நிறுவனத்தில் பணிபுரியும் முழு மற்றும் பகுதி நேர பெண் ஊழியர்களுக்கு கொடுத்து உதவி செய்ய உள்ளது.

பெண்களின் நலன்களை கருத்தில் கொண்டு கருவுறாமை சிகிச்சைக்கு எங்களின் விரிவான ஆதரவின் ஒரு பகுதியாக, க்ரையோப்ரிசர்வேஷன் (cryopreservation) செயல்முறைக்கும் மற்றும் கருமுட்டையை சேமித்து வைப்பதற்கான செலவையும் ஏற்பதுடன் குழந்தை பெற்றவுடன் கூடுதல் விடுப்பு சலுகையையும் கொடுக்க உள்ளோம். இதன் மூலம் ஆப்பிள் நிறுவன ஊழியர்கள் தங்கள் வேலைகளில் கவனம் செலுத்துவதுடன், குடும்பத்தையும் உயர் நிலைக்கு கொண்டு வரமுடியும், ஆதலால் இந்த சேவையை நாங்கள் தொடருவோம் என்று ஆப்பிள் நிறுவனம் கூறியுள்ளது.

கருமுட்டை உறைபனி செய்வது விலை உயர்ந்ததாக இருந்தாலும், பெண்களுக்கு இது ஒரு கூடுதல் வாய்ப்பாகவும் இருக்கிறது. இந்த கருமுட்டை உறைபனி செயல்முறை திட்டத்துக்கு $10,000 வரை செலவாகும், மேலும் ஒவ்வொரு வருடமும் கருமுட்டையை சேமித்து வைப்பதற்கு கூடுதலாக $500 வரை செலவாகும்.

இதைப்போலவே சிலிக்கன் வேலி நிறுவனங்களும் புதிய குடும்பக் கட்டுப்பாடு சலுகைகளை வழங்குகிறது. சட்டப்படியாக ஒரு குழந்தையை தத்தெடுக்கும் செலவுக்கு பதிலாக கருமுட்டை உறைபனி செய்து குழந்தை பெறுவது, தத்தெடுக்கும் செலவின் இழப்பீட்டை ஈடு செய்வதுடன், மலட்டுத்தன்மை என்ற பெயரும் நீங்கும் என்றும் ஆப்பிள் நிறுவனம் தெரிவித்துள்ளது.
thinakaran