அரசுச் சொத்துக்கள் சேதம்.. அதிமுகவிடம் இழப்பீடு வசூலிக்கக் கோரி வழக்கு- அரசுக்கு ஹைகோர்ட் உத்தரவு

சென்னை: அதிமுவினர் நடத்திய போராட்டங்களின்போது சேதப்படுத்தப்பட்ட அரசுச் சொத்துக்களுக்கு இழப்பீடு வசூலிக்க உத்தரவிட வேண்டும் என்று கோரி சென்னை உயர்நீதிமன்றத்தில் பொது நலன் மனு தாக்கல் செய்யப்பட்டுள்ளது. இதை விசாரித்த உயர்நீதிமன்றம் ஒரு மாதத்திற்குள் இந்தக் கோரிக்கை குறித்து பரிசீலிக்குமாறு தமிழக அரசுக்கு உத்தரவிட்டுள்ளது.

அரசுச் சொத்துக்கள் சேதம்.. அதிமுகவிடம் இழப்பீடு வசூலிக்கக் கோரி வழக்கு- அரசுக்கு ஹைகோர்ட் உத்தரவு

இதுதொடர்பாக தாக்கல் செய்யப்பட்ட பொது நலன் மனுவில், வருமானத்துக்கு அதிகமாக சொத்து சேர்த்த வழக்கில், அ.தி.மு.க. பொதுச் செயலாளர் ஜெயலலிதாவுக்கு, பெங்களூர் தனிக்கோர்ட் கடந்த மாதம் 27ந் தேதி 4 ஆண்டு ஜெயில் தண்டனையும், ரூ.100 கோடி அபராதமும் விதித்து தீர்ப்பளித்தது.

இந்த தீர்ப்பு வெளியானதும் அ.தி.மு.க.வை சேர்ந்தவர்கள் தமிழகத்தில் பல்வேறு இடங்களில் போராட்டங்களிலும், வன்முறை சம்பவங்களிலும் ஈடுபட்டனர். 234 அரசு பஸ்களை சேதப்படுத்தினர். இதில் 2 பஸ்களுக்கு தீ வைத்து முற்றிலும் எரித்து விட்டனர். இது தவிர ஏராளமான பொதுச் சொத்துக்களையும் சேதப்படுத்தியுள்ளனர்.

கடந்த 2012-ம் ஆண்டு பா.ம.க.வினர் இதுபோல் வன்முறை சம்பவங்களில் ஈடுபட்டபோது, தமிழக அரசு பொதுச் சொத்துக்களுக்கு உண்டான சேதங்களுக்குரிய தொகையை அந்த கட்சியிடம் இருந்து வசூலிக்க நடவடிக்கை எடுத்துள்ளது.

அரசுச் சொத்துக்கள் சேதம்.. அதிமுகவிடம் இழப்பீடு வசூலிக்கக் கோரி வழக்கு- அரசுக்கு ஹைகோர்ட் உத்தரவு

அதுபோல, அரசு சொத்துக்களுக்கு ஏற்பட்ட சேதங்களுக்குரிய தொகையை அ.தி.மு.க. பொதுச் செயலாளர் ஜெயலலிதாவிடம் இருந்து வசூலிக்க வேண்டும் என்று தமிழக தலைமை செயலாளர், உள்துறை செயலாளர் உள்ளிட்டோரிடம் இருந்து சேதப்படுத்திய அ.தி.மு.க.விடம் இருந்து உரிய தொகையை வசூலிக்க வேண்டும் என்று கடந்த மாதம் 28-ந் தேதி மனு கொடுத்தேன். இதுவரை எந்த நடவடிக்கையும் எடுக்கவில்லை. எனவே, என் மனுவை பரிசீலிக்க தமிழக அரசுக்கு உத்தரவிட வேண்டும் என்று கூறப்பட்டிருந்தது.

இதை தலைமை நீதிபதி சஞ்சய் கிஷன் கவுல் மற்றும் நீதிபதி சத்தியநாராயணன் ஆகியோர் அடங்கிய முதன்மை பெஞ்ச் விசாரித்தது. விசாரணைக்குப் பின்னர் ஒரு மாதத்திற்குள் மனுதாரரின் கோரிக்கை மனுவை பரிசீலிக்குமாறு தமிழக அரசுக்கு நீதிபதிகள் உத்தரவிட்டனர்.

அருமை - எருமைகளிடம் இருந்து கறக்கத்தான் வேண்டும் இழப்பை

இதற்கு 1000 கோடி ரூபாய் அபராதம் விதிக்க வேண்டும், கலவரக்காரர்களை வீடியோ ஆதாரத்தை வைத்து கைது செய்ய வேண்டும்.

கூட்டத்தோட சிறையில் வைக்க வேண்டும். தினமும் அம்மா காலில் விழுந்து கும்பிடட்டும். டர்ன் போட்டு மொட்டை போட்டுக்கட்டும். அம்மாக்கும் பொழுது போகும்.

யினியவன் wrote:கூட்டத்தோட சிறையில் வைக்க வேண்டும். தினமும் அம்மா காலில் விழுந்து கும்பிடட்டும். டர்ன் போட்டு மொட்டை போட்டுக்கட்டும். அம்மாக்கும் பொழுது போகும்.

அம்மா என்ற மதிப்பு வாய்ந்த வார்த்தையை, பதவிக்காகவும், பணத்திற்காகவும் அசிங்கப்படுத்தியவர்கள் அதிமுகவினர்!

சிவா wrote:இதற்கு 1000 கோடி ரூபாய் அபராதம் விதிக்க வேண்டும், கலவரக்காரர்களை வீடியோ ஆதாரத்தை வைத்து கைது செய்ய வேண்டும்.

மேற்கோள் செய்த பதிவு: 1096400

ஜெயலலிதாவை முடக்கியதோடு அவரது கட்சியையும் முடக்க வாய்ப்பாக அமைந்து விட்டது.

மனுதாரரின் கோரிக்கை மனுவை பரிசீலிக்குமாறு தமிழக அரசுக்கு நீதிபதிகள் உத்தரவிட்டனர்.
-
இந்த உத்தவின் பேரில் முன்னுதாரணமாக இழப்பை வசூலித்த
சம்பவங்கள் ஏதும் இல்லை என்பதால்.....!!

பாமாகவினரிடம் இருந்து வசூல் செய்யவில்லையா? அந்த வழக்கு என்ன ஆச்சு?

அப்படி செய்யவில்லை என்றாலும், இம்முறை செய்தால் அடுத்து எந்தக் கட்சியும் இதுபோல் அராஜகத்தில் இறங்காது.

யினியவன் wrote:பாமாகவினரிடம் இருந்து வசூல் செய்யவில்லையா? அந்த வழக்கு என்ன ஆச்சு?

அப்படி செய்யவில்லை என்றாலும், இம்முறை செய்தால் அடுத்து எந்தக் கட்சியும் இதுபோல் அராஜகத்தில் இறங்காது.

மேற்கோள் செய்த பதிவு: 1096431 சரியாய் சொன்னீங்க

நிச்சயமாக நண்பரே ...
நம் வரிப்பணத்தை எப்படியெல்லாம் வாரி செலவு செய்கின்றனர் ...
கண்டிப்பாக இதை அடக்க வேண்டும்...