19 வருடங்களாக ஒரு படம் ஓடுவது... உண்மையில் பேரதிசயம்தான்..!

கடந்த சில வருடங்களாக தியேட்டர்களில் படங்கள் ஓடும் நாட்களின் எண்ணிக்கை வெகுவாக குறைந்துவிட்டது. படங்களின் எண்ணிக்கையும், ரிலீஸ் சென்டர்களின் எண்ணிக்கையும் அதிகமானதால் ஏற்பட்ட மாற்றம் இது. கடந்த காலங்களில் 100 நாட்கள் படங்கள் ஓடுவதும், 175 நாட்கள் ஓடி வெள்ளிவிழா கொண்டாடுவதும் வழக்கத்தில் இருந்தது. சமீபகாலங்களில் இந்தநிலை மாறிவிட்டது. அதிகபட்சமாக இரண்டு வாரங்கள் ஓடினால் வெற்றிப்படம் என்ற நிலையும் உருவாகிவிட்டது. அமிதாப் பச்சன், தர்மேந்திரா நடிப்பில் 1972 ஆம் வருடம் வெளியான ஹிந்திப்படம் ஷோலே. இந்தப் படம் தொடர்ந்து மூன்று வருடங்கள் அதாவது 1975 வரை பல தியேட்டர்களில் ரெகுலர் ஷோவாக ஓடியது. பிறகு பகல் காட்சியாக இரண்டு வருடங்கள் ஓடியது. அந்தக்காலத்தில் அதிகநாட்கள் ஓடிய சாதனைப்படமாக ஷோலே படம்தான் இருந்தது.


ஷாருக்கான், கஜோல் நடிப்பில், கடந்த 1995- ஆம் வருடம், அக்டோபர் மாதம் வெளியான ஹிந்தி படம் தில்வாலே துல்ஹனியா லே ஜாயேங்கே. இத்திரைப்படம் வெளியான நாளிலிருந்து சுமார் 19 வருடங்களாக மும்பையிலுள்ள மராத்தா மந்திர் என்ற தியேட்டரில் தினமும் காலை 11-30 காட்சியாக இன்னமும் தொடர்ந்து ஓடிக்கொண்டிருக்கிறது. தில்வாலே துல்ஹனியா லே ஜாயேங்கே படத்திற்கு இப்போது ரசிகர்களின் வருகை குறைந்து விட்டது. எனவே, தில்வாலே துல்ஹனியா லே ஜாயேங்கே படத்தை இந்த ஆண்டு இறுதிக்குள் தியேட்டரிலிருந்து எடுத்துவிட அந்த தியேட்டர் நிர்வாகம் முடிவு செய்துள்ளது.


இந்த செய்தி வெளியானதும் பாலிவுட் ரசிகர்கள் மற்றும் திரையுலக பிரபலங்கள் மராத்தா மந்திர் தியேட்டர் நிர்வாகத்தை அணுகி தில்வாலே துல்ஹனியா லே ஜாயேங்கே படத்தை தொடர்ந்து ஓட்ட வேண்டும் என்று கேட்டுக் கொண்டுள்ளனர். ரசிகர்களின் வேண்டுகோளை ஏற்று, இன்னும் கொஞ்ச காலம் அந்தப் படத்தை ஓட்ட இப்போது அந்த தியேட்டர் நிர்வாகம் முடிவு செய்துள்ளது! இந்திய சினிமா சரித்திரத்திலேயே அனேகமாக உலகசினிமா சரித்திரத்திலேயே ஒரு படம் இத்தனை வருடங்கள் ஒரே தியேட்டரில் தொடர்ந்து ஓடுவது இதுவே முதல் முறை!


19 வருடங்களாக ஒரு படம் ஓடுவது... உண்மையில் பேரதிசயம்தான்..!

தினமலர்

வாவ் !

படம் ஓடுறது சரி, பார்க்க ஆள் வருதா?

அசுரன் wrote:படம் ஓடுறது சரி, பார்க்க ஆள் வருதா?

மேற்கோள் செய்த பதிவு: 1096171

அதுலேயே போட்டிர்க்கா பாருங்கோ ...........ஆள் குறைந்ததால் படத்தை எடுத்துவிட முடிவு செய்திருக்காங்க ..............மீண்டும் request வரவே தொடருகிறார்கள்

திருட்டு விசிடி டிவிடி ஆன்லைன் டவுன்லோட் என்று திரைப்பட உலகம் திணறிக்கொண்டிருக்கும் காலத்தில் இது ஒரு வியப்பான விடயம்தான்...சாருக்கானின் சொந்த தியேட்டரா......

அதிசயமாக உள்ளதே !!!

அதெல்லாம் ஒண்ணும் இல்லிங்க. பாக்கவர்ரது எல்லாம் ஜோடியா ஒதுங்கரதுக்குதான்.
பக்கத்துல காலேஜ் வேர, வெட்க்ககேடு.

படப்பெட்டிய கபி லே ஜாயேகா? 19 வருடம் ஓட்டுற அளவுக்கு பெரிசா ஒன்னும் இல்லியே அந்த படத்தில்.

அன்சார் சொல்றாப்ல அதுவும் ஒரு காரணமா இருக்கலாம் - அந்த எரியால இருக்கறவங்க ஐயோ அந்தப் படமான்னு அந்த தெரு பக்கமே வர மாட்டாங்களா இருக்கும் அந்த டைம்ல - அது நல்ல வசதியா போச்சு போல ஜோடிகளுக்கு.