18 லிருந்து 21… உடனே மாற்றுங்கள்!

**தமிழ்நேசன்1981** · 21/11/2010

பெண்களின் உடல், மன வளர்ச்சியையும், மண வாழ்க்கையில் ஏற்படும் சிக்கல்களால் அவர்கள் தடுமாறி நிற்கும் சூழல்களையும் முன்னிறுத்தி, பெண்களின் திருமண வயதை 18லிருந்து 21ஆக உயர்த்த அரசு பரிசீலிக்க வேண்டும் என, உயர் நீதிமன்றம் மதுரை கிளை கூறியுள்ளது. இந்தக் கருத்து குறித்து ஆதரவு பெருகி வரும் நிலையில் இதைப்பற்றி சிலரிடம் கேட்டபோது...
18 லிருந்து 21… உடனே மாற்றுங்கள்! Age%20issue%20matter

18 லிருந்து 21… உடனே மாற்றுங்கள்! Age%20issue%20matter

பானு ரவிக்குமார், குடும்பத் தலைவி: "எனக்கு சின்ன வயசுலயே திருமணம் ஆகிடுச்சு. புகுந்த வீட்டில் ஆரம்பத்தில் ஒவ்வொரு விஷயத்தையும் புரிஞ்சுக்கவே ரொம்ப சிரமப்பட்டேன். அப்புறம் அதுக்கு தகுந்த மாதிரி என்னைப் பக்குவப்படுத்திக்க பல வருடங்கள் ஆனது. என் கணவர் வீடு கூட்டுக் குடும்பம் என்பதால, அந்த உறவுகளோட அரவணைப்பு எனக்கு திருமண வாழ்க்கை குறித்த பல விஷயங்களை கொஞ்சம் கொஞ்சமா கற்றுக் கொடுத்தது. ஆனா தனிக்குடித்தனங்கள் பெருகி வரும் இன்றைய சூழலில், அதுக்கும் வாய்ப்பில்லை. விளைவு, பக்குவமில்லாத சின்னப் பெண்கள் இல்லறம் எனும் பெரும் பொறுப்பை சுமக்க முடியாம, உடனே விவாகரத்து பத்தி முடிவெடுக்கிறாங்க. அதுவே அவங்க 21 வயதுக்கு மேல திருமணம் செய்துகொள்ளும்போது, அந்தச் சூழலை எதிர்கொள்றதுக்கான பக்குவம் அவங்களுக்கு கிடைக்கப் பெறலாம். அதனால, காதல் திருமணமோ அல்லது பெற்றோரால் நிச்சயிக்கப்பட்ட திருமணமோ... 21 வயதில் அமைந்தால் வாழ்க்கை நல்லா இருக்கும்!’’
18 லிருந்து 21… உடனே மாற்றுங்கள்! Abitha

18 லிருந்து 21… உடனே மாற்றுங்கள்! Abitha

அபிதா, நடிகை: "18 வயசுல பள்ளிச் சிறுமியோட மனநிலைதான் இருக்கும். இந்த வயசுல குடும்பம், தாம்பத்தியம், பொறுப்புகள், சுமைகள்னு அவங்களால நிச்சயம் தாங்க முடியாது. அதைப் புரிஞ்சுக்காம திருமணம் செய்து வெச்சா, அது அந்தப் பொண்ணுக்குச் செய்ற பாவம். தோழிகளோட பேசி மகிழ வேண்டிய வயசுல, சமையல், வீட்டுப் பொருளாதாரம், உறவுகள், கர்ப்பம், பிரசவம், குழந்தைனு... இத்தனை சுமைகளையும் வேற வழியில்லாம அந்தப் பொண்ணு ஏற்றுக்கொள்ளும்போது, அவளோட உடல்நிலையும், அதைவிட மோசமா மனநிலையும் பாதிக்கப்படும். ஒருவேளை ஏற்றுக்கொள்ள முடியாமல் வெடித்தால், அது அந்த வீட்ல பிரச்னைகளை உருவாக்கும். அதனால, பெண்களுக்கு 21 வயதில் திருமணம் என்ற சட்டம், நிச்சயம் நடைமுறைப்படுத்த வேண்டியது. கல்வி, வேலைவாய்ப்பு, வெளியாட்களோட பழகுறதால கிடைக்கும் பக்குவம்னு அந்தப் பொண்ணும் திருமணம் எனும் பெரும் பொறுப்புக்குத் தயாராகியிருப்பா!’’
18 லிருந்து 21… உடனே மாற்றுங்கள்! Age%20issue%20matter%201

18 லிருந்து 21… உடனே மாற்றுங்கள்! Age%20issue%20matter%201

ராதாகிருஷ்ணன், சமூக ஆர்வலர், ‘தோழன்’ இயக்கம்: "மேற்படிப்பு, வேலைவாய்ப்புனு சக பெண்கள் மேல போயிட்டு இருக்கும்போது, சில பெண்களுக்கு மட்டும் திருமணம் என்ற பொறுப்பு திணிக்கப்படுறதால அதெல்லாம் கிடைக்காமல் போறது வேதனை. அதை சட்டப்படி தப்புனு சொல்லி, பெண்களோட திருமண வயதை 21ஆக உயர்த்தும்போது, பல பெண்கள் கல்வியறிவு பெறவும், வேலைவாய்ப்பினைப் பெறவும் அது நிச்சயம் வழி வகுக்கும். முன்பெல்லாம், 14, 16 வயதில் பெண்களுக்கு செய்துவைக்கப்படும் திருமணங்கள், ‘பெண்ணின் திருமண வயது 18’ என்ற சட்டத்தால்தான் தடுக்கப்பட்டது. ‘சரி அதுவரை படிக்கட்டும்...’னு பெண் பிள்ளைகளுக்கான பள்ளிக் கல்வி கிடைக்கவும் அது வழி ஏற்படுத்திக் கொடுத்தது. அதேபோல இந்தச் சட்டமும் நடைமுறைப்படுத்தப்பட்டால், கல்லூரிக்கு வரும் பெண்களின் சதவிகிதமும் உயரும்னு நம்பிக்கை கொள்ளலாம்!’’

- வே.கிருஷ்ணவேணி

**krishnaamma** · **krishnaamma** Mon Oct 13, 2014 8:01 pm

வரவேற்போம் புன்னகை

18 லிருந்து 21… உடனே மாற்றுங்கள்!

18 லிருந்து 21… உடனே மாற்றுங்கள்!

Re: 18 லிருந்து 21… உடனே மாற்றுங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக