நீதிபதி குன்ஹாவுக்கு எதிராக போஸ்டர் - தமிழக அரசுக்கு உயர்நீதிமன்றம் நோட்டீஸ்!

First topic message reminder :

சென்னை: அதிமுக பொதுச் செயலாளர் ஜெயலலிதாவுக்கு சொத்துக் குவிப்பு வழக்கில் தனி நீதிமன்ற நீதிபதி மைக்கேல் டி குன்ஹா பிறப்பித்த தீர்ப்பை விமர்சித்து அதிமுகவினர் வைத்த போஸ்டர்கள், பேனர்கள் குறித்து திமுக, பாமக மற்றும் மனித உரிமை பாதுகாப்பு மையம் ஆகியவை சார்பில் சென்னை உயர்நீதிமன்றத்தில் வழக்குத் தொடரப்பட்டுள்ளது.

இந்த வழக்கை விசாரணைக்கு ஏற்றுள்ள சென்னை உயர்நீதிமன்றம் இதுதொடர்பாக எடுக்கப்பட்ட நடவடிக்கை குறித்து நவம்பர் 11ம் தேதிக்குள் விளக்குமாறு கூறி தமிழக அரசுக்கு நோட்டீஸ் அனுப்ப உத்தரவிட்டுள்ளது.

ஜெயலலிதா வழக்கின் தீர்ப்பைத் தொடர்ந்து நீதிபதி குன்ஹாவை கண்டித்தும், திட்டியும், அசிங்கமாக விமர்சித்தும் அதிமுகவினர் தமிழகம் முழுவதும் போஸ்டர் ஒட்டினர், பேனர் வைத்தனர். இது பெரும் பரபரப்பையும், சர்ச்சையையும் ஏற்படுத்தியது.

இந்த நிலையில் இது தொடர்பாக திமுக அமைப்புச் செயலாளர் ஆலந்தூர் பாரதி, பாமகவைச் சேர்ந்த வழக்கறிஞர் பாலு மற்றும் மனித உரிமை பாதுகாப்பு மையம் ஆகியோர் சார்பில் சென்னை உயர்நீதிமன்றத்தில் வழக்குத் தொடரப்பட்டது.

இந்த மனு தலைமை நீதிபதி சஞ்சய் கிஷன் கெளல் மற்றும் நீதிபதி சத்யநாரயணா ஆகியோர் அடங்கிய முதலாவது பெஞ்ச் முன்பு இன்று விசாரணைக்கு வந்தது. மனுவை விசாரித்த நீதிபதிகள் அதை ஏற்றனர். பின்னர், நீதிபதியை அவமதித்த செயல் தொடர்பாக தமிழக அரசு எடுத்த நடவடிக்கை என்ன என்பது குறித்து நவம்பர் 11ம் தேதிக்குள் விளக்கம் அளிக்குமாறு கூறி தமிழக அரசுக்கு நோட்டீஸ் அனுப்ப உத்தரவிட்டனர்.

இதேபோல வேலூர் மாநகராட்சியில் நீதிபதி குன்ஹாவைக் கண்டித்து நிறைவேற்றப்பட்ட தீர்மானம் தொடர்பாகவும் விளக்கம் அளிக்குமாறும் நீதிபதிகள் உத்தரவிட்டுள்ளனர்.

krishnaamma wrote:

விமந்தனி wrote:நீதிபதிக்கே போஸ்டரா....

மேற்கோள் செய்த பதிவு: 1094075

நம் நாடு எப்படி போகிறது பாருங்கள் விமந்தினி...............

வருத்தமான விஷயம் தான்.

கண்டிக்கப்படவேண்டிய ஒன்று .
சந்திலே சிந்து பாடினாலும் ,
சிந்து பாடியவர்கள் மீதும் காவல் துறை
நடவடிக்கை எடுக்கவேண்டும் .

ரமணியன்

எவர்  யாராக  இருந்தாலும்  பிறர் மனம்  புண்படும்படி பேசினாலும் கார்டூன் வெளியிட்டாலும் அச்செயல்  தீங்கியல் ......(குற்றம்...).எனவே அது குறித்து  விளக்கம்  அளிக்கவேண்டிய  பொறுப்பு வெளியிட்டவரது கடமையாகும்.   அன்னார் அளிக்கும் விளக்கம் ஏற்றுக் கொள்ளக்கூடியதாக அமையாதபோது  தண்டனை  பெறவேண்டிய தாகிவிடும்.....அதுதான் சட்டம்.....(உரிமை...)

என்னைக் கேட்டால் இந்த அம்மாஅம்மா உள்ளே இருப்பது தான் சரி.அப்பதான் கருணாநிதி சட்டத்தில் சிக்குவார்.

T.N.Balasubramanian wrote:கண்டிக்கப்படவேண்டிய ஒன்று .
சந்திலே சிந்து பாடினாலும் ,
சிந்து பாடியவர்கள் மீதும் காவல் துறை
நடவடிக்கை எடுக்கவேண்டும் .

ரமணியன்

மேற்கோள் செய்த பதிவு: 1094176
அய்யா தெளிவா சொல்லுங்க

அப்புறம் சிந்து நதியின் மிசை ன்னு பாடிய மீசைக்காரரை தேடி போயிடப் போறாங்க

இந்திய மக்களுக்கு இந்திய அரசியலமைப்பு என்றால் என்னவென்று தெரிவதில்லை.. குறிப்பாக அரசியல்வாதிகளுக்கு சுத்தமாக தெரியவில்லை.. பதவிபிரமாணம் எடுக்கும்போது என்ன சொல்லி பதவிபிரமாணம் எடுத்தோம் என்றே தெரியாது.. அப்படி தெரிந்திருந்தால் இந்தமாதிரி போஸ்டர் அடித்து ஓட்டமாட்டங்க..

murugesan wrote:இந்திய மக்களுக்கு இந்திய அரசியலமைப்பு என்றால் என்னவென்று தெரிவதில்லை.. குறிப்பாக அரசியல்வாதிகளுக்கு சுத்தமாக தெரியவில்லை.. பதவிபிரமாணம் எடுக்கும்போது என்ன சொல்லி பதவிபிரமாணம் எடுத்தோம் என்றே தெரியாது.. அப்படி தெரிந்திருந்தால் இந்தமாதிரி போஸ்டர் அடித்து ஓட்டமாட்டங்க..

மேற்கோள் செய்த பதிவு: 1095030

அவங்களுக்கு தெரிஞ்சது எல்லாம் காலில் விழுவது மட்டும்தான்..