கவனம் - ஒரு பக்க கதை

**ayyasamy ram** · **ayyasamy ram** Thu 2 Oct 2014 - 9:53

-
-
பஸ்ஸில் ஒரே கூட்டம்.
ஒரு பெண் தன் கைப்பையில் ஜிப்பை போடாமல் பின்பக்கம்
தொங்கவிட்டபடி வெளியே வேடிக்கை பார்த்துக் கொண்டிருந்தாள்.
-
இன்னொருவன் பேன்ட் பின்பாக்கெட்டில் மணிபர்ஸ் பிதுங்க ஒரு
பெண்ணை உரசியபடி தன்னை மறந்திருந்தான்.
-
இது போதாதென்று, என் அருகில் நின்றிருந்தவரோ, தனது
சட்டைப் பையில் வைத்திருந்த ஐந்நூறு ரூபாய் நோட்டுகள்
அப்பட்டமாய்த் தெரிகிற மாதிரி சட்டை அணிந்திருந்தார்.
-
இப்படிப்பட்ட கூட்டத்தில் எத்தனை கவனமாக இருக்க வேண்டும்
என்னும் எண்ணம் சிறுதும் இல்லாமல் என்ன அசட்டை
பாருங்கள். சில சமயங்களில் நம் அசட்டைதான் திருடர்களை
உருவாக்கி விடுகிறது.
-
'வாகாக சிக்குகிறது, எடுத்தால் என்ன?' என்று நல்லவனுக்கு
கூடத் தோணும். இந்தக் காட்சிகளைப் பார்த்தால். இப்படிப்
பொறுப்பில்லாமல் அஜாக்கிரதையுடன் இருந்துவிட்டு, பின்னால்
எதையாவது பறிகொடுக்க நேரும்போது, ஐயோ,போச்சே...அம்மா
போச்சே என்று அலறுவதில் என்ன பயன்?
இவர்களையெல்லாம்....
-
சார் டிக்கெட்! - கண்டக்டரின் குரல் என் மன ஓட்டத்தைக்
கலைத்தது.
-
டிக்கெட் வாங்க என் பாக்கெட்டுக்குள் கையை விட்டேன்.
ஐயோ...என் பர்ஸைக் காணோம்...!
-
------------------------------
>இமயவன்
நன்றி: குங்குமம்

**krishnaamma** · **krishnaamma** Thu 2 Oct 2014 - 20:41

கவனம் - ஒரு பக்க கதை

கவனம் - ஒரு பக்க கதை

Re: கவனம் - ஒரு பக்க கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக