வரலாற்றில் இன்று - அக்டோபர்

**விமந்தனி** · **விமந்தனி** Wed Oct 01, 2014 1:58 pm

First topic message reminder :

வரலாற்றில் இன்று - அக்டோபர்'1

வரலாற்றில் இன்று - அக்டோபர் - Page 14 TQat2DEsR8O2kyO4OCPd+October-1

கிமு 331 - மகா அலெக்சாண்டர் பேர்சியாவின் மூன்றாம் டாரியஸ் மன்னனை போரில் வென்றான்.

959 - முதலாம் எட்கார் இங்கிலாந்தின் மன்னனாக முடிசூடினான்.

1787 - "சுவோரொவ்" தலைமையில் ரஷ்யர்கள் கின்பேர்ன் என்ற இடத்தில் துருக்கியரைத் தோற்கடித்தனர்.

1788 - நியூவென் ஹியூ வியட்நாமின் மன்னராகத் தன்னை அறிவித்தார்.

1795 - பிரான்ஸ் பெல்ஜியத்தைப் பிடித்தது.

1799 - புதுக்கோட்டை மன்னர் விஜயரகுநாத தொண்டமானால் வீரபாண்டிய கட்டபொம்மன் கைது செய்யப்பட்டான்.

1800 - ஸ்பெயின் லூசியானாவை பிரான்சிடம் தந்தது.

1814 - நெப்போலியனின் தோல்வியை அடுத்து ஐரோப்பாவின் புதிய அரசியல் வரைபடத்தை வரைவதற்காக வியென்னா காங்கிரஸ் கூடியது.

1827 - இவான் பஸ்க்கேவிச் தலைமையில் ரஷ்ய இராணுவம் ஆர்மேனியாவின் தலைநகர் யெரெவானைப் பிடித்தது.

1843 - நியூஸ் ஒஃப் தெ வேர்ல்ட் பத்திரிகை லண்டனில் வெளியிட ஆரம்பிக்கப்பட்டது.

1854 - இந்திய அஞ்சல் துறை ஏற்படுத்தப்பட்டது.

1869 - உலகின் முதல் தபால் அட்டை ஆஸ்திரியாவில் வெளியிடப்பட்டது.

1880 - இந்தியாவுடனான காசுக்கட்டளை இலங்கையில் அறிமுகப்படுத்தப்பட்டது.

1880 - முதலாவது மின் விளக்கு தொழிற்சாலையை தொமஸ் எடிசன் ஆரம்பித்தார்.

1887 - பிரித்தானியரினால் பலூசிஸ்தான் கைப்பற்றப்பட்டது.

1892 - இலங்கையில் இந்திய இரண்டு அணா நாணயம் செல்லுபடியற்றதாக்கப்பட்டது. பதிலாக வெள்ளி நாணயம் அறிமுகமானது.

1895 - பிரெஞ்சுப் படைகள் மடகஸ்காரின் அண்டனனாரிவோ நகரைக் கைப்பற்றினர்.

1898 - ரஷ்யாவின் முக்கிய நகரங்களிலிருந்து யூதர்கள் இரண்டாம் நிக்கலாஸ் மன்னனால் வெளியேற்றப்பட்டனர்.

1910 - லாஸ் ஏஞ்சலீஸ் டைம்ஸ் கட்டடம் பெரும் குண்டுவெடிப்பினால் தகர்க்கப்பட்டது. இதில் 21 பேர் கொல்லப்பட்டனர்.

1918 - முதலாம் உலகப் போர்: அரபுப் படைகள் சிரியாவின் டமாஸ்கஸ் நகரைக் கைப்பற்றினர்.

1931 - ஜோர்ஜ் வாஷிங்டன் பாலம் திறக்கப்பட்டது.

1943 - இரண்டாம் உலகப் போர்: நேப்பில்ஸ் கூட்டுப் படைகளிடம் வீழ்ந்தது.

1949 - மா சே துங்கினால் மக்கள் சீனக் குடியரசு அறிவிக்கப்பட்டது.

1953 - ஆந்திரா மாநிலம் உருவாக்கப்பட்டது.

1960 - சைப்பிரஸ், மற்றும் நைஜீரியா ஐக்கிய இராச்சியத்திடம் இருந்து விடுதலை பெற்றன.

1961 - கிழக்கு மற்றும் மேற்கு கமரூன் ஒன்றுபட்டு கமரூன் சமஷ்டிக் குடியரசு ஆகியது.

1965 - இந்தோனேசியாவில் நிகழ்ந்த கம்யூனிசப் புரட்சி ஜெனரல் சுகார்ட்டோவினால் முறியடிக்கப்பட்டது.

1969 - கொன்கோர்ட் விமானம் முதற்தடவையாக ஒலியின் வேகத்தை மீறியது.

1971 - வால்ட் டிஸ்னி உலகம் புளோரிடாவில் அமைக்கப்பட்டது.

1975 - சிஷெல்ஸ் சுயாட்சியைப் பெற்றது. எலீஸ் தீவுகள் கில்பேர்ட் தீவுகளிலிருந்து பிரிக்கப்பட்டு துவாலு என்ற பெயரைப் பெற்றது.

1977 - பிரேசில் கால்பந்தாட்ட வீரர் பெலே இளைப்பாறினார்.

1978 - துவாலு ஐக்கிய இராச்சியத்திடம் இருந்து விடுதலை பெற்றது.

1979 - ஐக்கிய அமெரிக்கா பனாமா கால்வாயை பனாமாவுக்கு மீள் அளித்தது.

1982 - சொனி நிறுவனம் முதலாவது குறுந்தட்டு ஒலிபரப்பு சாதனத்தை (CDP-101) வெளியிட்டது.

1992 - விடுதலைப் புலிகள் கட்டைக்காடு இராணுவக் காவலரணைத் தாக்கி பெருந்தொகையான ஆயுதங்களைக் கைப்பற்றினர்.

1994 - பலாவு ஐநாவிடம் இருந்து விடுதலை பெற்றது.

2001 - ஜம்மு காஷ்மீர் சட்டப்பேரவையைத் தகர்க்க தற்கொலைப் படையினர் நடத்திய கார் வெடிகுண்டு தாக்குதலில் 26 பேர் கொல்லப்பட்டனர்.

2005 - பாலியில் நடந்த குண்டுவெடிப்பில் 23 பேர் கொல்லப்பட்டனர்.

2006 - பாண்டிச்சேரி மாநிலத்தின் பெயர் புதுச்சேரி என மாற்றம் பெற்றது.

**krishnaamma** · **krishnaamma** Thu Oct 30, 2014 11:47 pm

வரலாற்றில் இன்று - அக்டோபர் - Page 14 55FmrUcuTgmaWu8ImoZB+October-30

**விமந்தனி** · **விமந்தனி** Fri Oct 31, 2014 9:00 am

வரலாற்றில் இன்று - அக்டோபர்' 31

வரலாற்றில் இன்று - அக்டோபர் - Page 14 NH3AzDQ9RGKZn0XZoodW+October-31

475 – ரோமுலஸ் ஆகுஸ்டலஸ் ரோமப் பேரராசன் ஆனான்.

1517 – கிறிஸ்தவச் சீர்திருத்த இயக்கம்: மார்ட்டின் லூதர் தனது 95 கொள்கைகளை ஜெர்மனியின் விட்டன்பேர்க் தேவாலய வாசலில் வெளியிட்டார்.

1803 - கப்டன் ட்றைட்பேர்க் தலைமையில் ஆங்கிலேயப் படைகள் பண்டாரவன்னியனின் படைகளைத் தாக்கினர். பலர் கொல்லப்ப்பட்டனர்[1]

1863 - நியூசிலாந்தில் நிலை கொண்ட பிரித்தானியப் படைகள் "வைக்காட்டொ" என்ற இடத்தில் தாக்குதலை நடத்தியதைத் தொடர்ந்து மவோரி போர்கள் மீண்டும் ஆரம்பமானது.

1864 – நெவாடா ஐக்கிய அமெரிக்காவின் 36வது மாநிலமாக இணைந்தது.

1876 - இந்தியாவின் கிழக்குக் கரையில் இடம்பெற்ற மிகப்பெரும் சூறாவளி காரணமாக 200,000 பேர் வரை இறந்தனர்.

1913 - ஐக்கிய அமெரிக்காவின் முதலாவது நெடுஞ்சாலை லிங்கன் நெடுஞ்சாலை திறக்கப்பட்டது.

1924 – உலக சேமிப்பு நாள் இத்தாலியின் மிலானோ நகரில் சேமிப்பு வங்கிகளின் உலக அமைப்பினால் அறிவிக்கப்பட்டது.

1931 - தமிழின் முதல் பேசும் படம் காளிதாஸ் வெளியானது.

1941 – இரண்டாம் உலகப் போர்: ஐஸ்லாந்துக்கு அருகில் அமெரிக்கக் கப்பல் ஒன்றை ஜெர்மனியின் படகு தாக்கி மூழ்கடித்ததில் 100 அமெரிக்கக் கடற்படையினர் கொல்லப்பட்டனர்.

1941 – இங்கிலாந்தில் தொழிற்சாலை ஒன்று தீப்பற்றியதில் 49 பேர் கொல்லப்பட்டனர்.

1954 - அல்ஜீரியாவில் பிரெஞ்சு ஆக்கிரமிப்புக்கெதிராக அல்ஜீரிய தேசிய விடுதலை முன்னணி போராட்டத்தை ஆரம்பித்தது.

1956 - ஐக்கிய இராச்சியம் மற்றும் பிரான்ஸ் சூயஸ் கால்வா யைத் திறக்க வற்புறுத்தி எகிப்தின் மீது குண்டுகளை வீசின.

1961 - ஸ்டாலினின் உடல் மொஸ்கோவில் உள்ள லெனினின் நினைவகத்தில் இருந்து அகற்றப்பட்டது.

1963 - இண்டியானாவில் பனிக்கட்டி சறுக்கல் களியாட்ட விழா ஒன்றின் போது இடம்பெற்ற வெடி விபத்தில் 74 பேர் கொல்லப்பட்டு 400 பேர் காயமடைந்தனர்.

1968 – வியட்நாம் போர்: பாரிஸ் அமைதிப் பேச்சுக்களில் முன்னேற்றம் ஏற்பட்டதைத் தொடர்ந்து வட வியட்நாம் மீதான அனைத்துத் தாக்குதல்களையும் நவம்பர் 1 இலிருந்து நிறுத்துவதாக அமெரிக்க அதிபர் லின்டன் ஜோன்சன் அறிவித்தார்.

1969 - வோல் மார்ட் தொடங்கப்பட்டது.

1973 – அயர்லாந்தில் டப்ளின் நகர சிறை ஒன்றில் இருந்து மூன்று ஐரியக் குடியரசு இராணுவத்தினர் அங்கு தரையிறங்கிய கடத்தப்பட்ட உலங்கு வானூர்தி ஒன்றில் தப்பி வெளியேறினர்.

1984 - இந்தியப் பிரதமர் இந்திரா காந்தி இரண்டு சீக்கியப் பாதுகாவலர்களால் சுட்டுக்கொல்லப்பட்டார். அதன் பின்னர் புதுடில்லியில் இடம்பெற்ற கலவரத்தில் சுமார் 2000 சீக்கியர்கள் கொல்லப்பட்டனர்.

1994 - அமெரிக்க விமானம் ஒன்று கடும் பனி காரணமாக இண்டியானாவில் விபத்துக்குள்ளாகியதில் 68 பேர் கொல்லப்பட்டனர்.

1996 - விமானம் ஒன்று பிரேசிலில் வீழ்ந்து நொருங்கியதில் அதில் பயணஞ் செய்த அனைத்து 98 பேரும் தரையில் 2 பேரும் கொல்லப்பட்டனர்.

1999 - எகிப்திய விமானம் ஒன்று மசாசுசெட்சில் வீழ்ந்ததில் அதில் பயணஞ் செய்த 217 பேரும்
கொல்லப்பட்டனர்.

2000 - சிங்கப்பூர் போயிங் 747-400 விமானம் தாய்வானில் விபத்துக்குள்ளாகியதில் 83 பேர் கொல்லப்பட்டனர்.

2000 - வடக்கு அங்கோலாவில் தனியார் அண்டோனொவ் விமானம் வெடித்துச் சிதறியதில் 50 பேர் கொல்லப்பட்டனர்.

2003 - 22 ஆண்டுகள் ஆட்சியின் பின்னர் மலேசியப் பிரதம மந்திரி மகதிர் பின் முகமது தமது பதவியைத் துறந்தார்.

**krishnaamma** · **krishnaamma** Fri Oct 31, 2014 2:27 pm

1931 - தமிழின் முதல் பேசும் படம் காளிதாஸ் வெளியானது.

ஹோ...................சூப்பர் புன்னகை

வரலாற்றில் இன்று - அக்டோபர் - Page 14 Qr6kaIAyTouSmmJH51oe+kalidas-first-tamil-movie

**T.N.Balasubramanian** · **T.N.Balasubramanian** Fri Oct 31, 2014 6:05 pm

ayyasamy ram wrote:அப்படி உருகி உருகி காதல் செய்த வந்தியத்தேவனுக்கு
குந்தவை மூலமாக வாரிசு இல்லை...!
-
எனவே பிற்காலத்தில் அவர் வேறொரு பெண்ணை
மணந்து கொள்கிறார்....!
-
ஜீரணிக்க கடினமான உண்மை..!!

மேற்கோள் செய்த பதிவு: 1100246

குந்தவை பிற்காலத்தில் இஸ்லாமிய மதத்திற்கு மாறினதாக கேள்வி .
சமயபுரம் அருகே கல்வெட்டுகள் இருப்பதாக அறிகிறேன் .
விவரம் தெரிந்தவர்கள் கூறுங்களேன் .

ரமணியன்

**ayyasamy ram** · **ayyasamy ram** Fri Oct 31, 2014 6:23 pm

தஞ்சை பெரிய கோயில் கட்டப்பட்டு ஆயிரம் ஆண்டுகளுக்கு
மேலாகி விட்டன.....குந்தவை பிராட்டியாரின் காலமும்
அவ்வாறே...
-

தில்லி சுல்தானகம் என்பது 1206 ஆம் ஆண்டு முதல்
1526 ஆம் ஆண்டு வரை இந்தியாவை ஆண்ட பல்வேறு
அரசுகளைக் குறிக்கும்.

பல்வேறு துருக்கிய, பஸ்தூனிய வம்சத்தினர் தில்லியில்
இருந்து இந்தியாவை ஆண்டனர். இவற்றுள் மம்லுக்
வம்சம் (1206-90), கில்சி வம்சம் (1290-1320), துக்ளக் வம்சம்
(1320-1413), சய்யித் வம்சம் (1414-51), லோடி வம்சம் (1451-1526)
என்பன அடங்கும். 1526 இல் முகலாயப் பேரரசு
சுல்தானகத்தைத் தன்னுள் அடக்கிக்கொண்டது.
-
--விக்கிபீடியா
-
முகம்மதிய மதரத்த்தினர் கி.பி 1206 க்கு பின்னர்தான் இந்தியாவில்
வந்தனர்...
-
எனவே குந்தவை முகமதிய மதத்தை தழுவினார் என்பதை ஏற்க இயலாது..
--

**T.N.Balasubramanian** · **T.N.Balasubramanian** Fri Oct 31, 2014 6:37 pm

ayyasamy ram wrote:நமது முன்னாள் பிரதமர் இந்திரா காந்தி திருமணத்திற்கு முன்
இஸ்லாமிய மதத்திற்கு மாறினதாக சொல்லப்படுகிறது..!
-
இது எந்தளவு உண்மை என்பதையும் சொல்லுங்கள்

மேற்கோள் செய்த பதிவு: 1100693

முக்கிய பிரச்சனை --29/10/2014 இதில் பதில் அளித்து உள்ளேனே ,Ram .

காதலவே கேட்ட விஷயம்
காதல்/லவ் விஷயம் .

அவ்வளவே கூறமுடியும் .
ரமணியன்

**T.N.Balasubramanian** · **T.N.Balasubramanian** Fri Oct 31, 2014 6:43 pm

T.N.Balasubramanian wrote:
ayyasamy ram wrote:அப்படி உருகி உருகி காதல் செய்த வந்தியத்தேவனுக்கு
குந்தவை மூலமாக வாரிசு இல்லை...!
-
எனவே பிற்காலத்தில் அவர் வேறொரு பெண்ணை
மணந்து கொள்கிறார்....!
-
ஜீரணிக்க கடினமான உண்மை..!!
மேற்கோள் செய்த பதிவு: 1100246

குந்தவை பிற்காலத்தில் இஸ்லாமிய மதத்திற்கு மாறினதாக கேள்வி .
சமயபுரம் அருகே கல்வெட்டுகள் இருப்பதாக அறிகிறேன் .
விவரம் தெரிந்தவர்கள் கூறுங்களேன் .

ரமணியன்

மேற்கோள் செய்த பதிவு: 1100692

இது விஷயம் மேலும் சிறிது துருவிய போது ,
ஒருவர் , குந்தவை மதம் மாறியதை , உகத்தின் பேரில் எழுதியது உள்ளது .
அதை , மறுத்து , முனைவர் ,ஒருவர் ,இல்லை என்பதற்கு வேறு பல ஆதாரங்கள்
காண்பித்து உள்ளார் .
சிறிது குழப்பமே .

ரமணியன்

Sponsored content · Sponsored content

வரலாற்றில் இன்று - அக்டோபர்

வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக