Silk road - இந்தப் பெயரைக் கேள்விப்பட்டிருக்கிறீர்களா?

silk road anonymous marketplace




சில்க் ரோட்டில் பயணம் செய்வதற்கு முன், சில அடிப்படைத் தகவல்கள்.

பயனீட்டாளர்களாக நமக்கெல்லாம் தெரிந்த வலைத்தளங்களையும், அலை மென்பொருட்களையும், இணைக்கப்பட்ட சாதனங்களையும்கொண்ட இணையத்தைத் தாண்டி 'இருண்ட இணையம்’ ஒன்று இருக்கிறது. இந்த இணையத்தில் இருக்கும் தளங்களை கூகுள், யாஹூ, பிங்... போன்ற தேடல் பொறிகளைக் கொண்டு கண்டுபிடிக்க இயலாது. 'ஆழ் இணையம்’ (Deep Web) என்ற பெயரில் இது அழைக்கப்பட காரணம் இருக்கிறது. கடலின் மேற்பரப்பில் வலை ஒன்றை இழுத்துக்கொண்டே சென்றால், மிதக்கும் சில பொருட்களும், மேற்பரப்பில் நீந்தும் மீன்களும் மட்டும்தான் கிடைக்கும். அது போலத்தான் தேடல் பொறித் தளங்களைக்கொண்டு நாம் கண்டறியும் வலைத்தளங்களும். ஆனால், நமக்கு வியப்பூட்டும் விநோதப் பொருட்களும், உயிர்களும் ஆழமான கடலுக்குள்தான் இருக்கின்றன. அதுபோல, சாதாரணமானவர்களுக்கு எளிதில் தட்டுப்படாத தளங்களைக்கொண்ட இருட்டு உலகம்தான், இந்த Deep Web.

'அப்படியானால், நமக்குத் தெரியாமல் சில ஆயிரம் தளங்கள் இருக்குமோ?’ என்று எண்ணிவிட வேண்டாம். 'Surface Web’ என்று அழைக்கப்படும் வெளிப்படையாகத் தெரியும் இணையத்தைவிட இந்த ஆழ் இணையம் பல மடங்கு பெரிதானது. இந்த ஆழ் இணையதளங்கள், தேடல் பொறிகளில் இருந்து தப்பித்துக்கொள்ள பல உத்திகளைக் கையாளும். அதாவது, தளத்துக்குள்ளாகவே எந்தவிதமான இணைப்புகளும் இல்லாமல் பார்த்துக்கொள்வது, பகுத்துப் பிரித்து எடுக்க முடியாத வகையில் எழுத்து வகைத் தகவல்களை போட்டோ வடிவில் கொடுப்பது... என பல்வேறு உத்திகள்.

அதுசரி... அதென்ன சில்க் ரோடு? நிழல் தளங்கள் பல ஆழ் இணையத்தில் இருந்தாலும், இரண்டு ஆண்டுகளுக்கு முன் நிறுவப்பட்ட சில்க் ரோடு தளம் பரவலாகப் பிரபலம் அடைந்தது. சில்க்ரோடு தளத்துக்கு எப்படிச் செல்வது என்பது பலருக்கும் தெரியாததே, அது பிரபலமடைய முக்கிய காரணம். இதன் வலைத்தள முகவரியும் அடிக்கடி மாறிக்கொண்டே இருக்கும். தளத்துக்குச் செல்வதைப் பற்றி தெரிந்துகொண்டவர்களுக்கும், இந்தத் தளத்தை இயக்கும் பெருங்கணினிகள் எங்கே இருக்கின்றன என்பதெல்லாம் தெரியாது.

சில்க் ரோடு தளத்தில் அப்படி என்னதான் நடக்கிறது? உலகின் மிக ரகசியமான கறுப்புச் சந்தை நடத்தப்பட்டது சில்க் ரோடு தளத்தில்தான். கஞ்சா, ஹெராயின் உள்ளிட்ட போதைப் பொருட்கள் பலவற்றை விற்பவர்கள், தங்களின் ஆன்லைன் கடைகளை இங்கே அமைத்துக்கொண்டு ரகசியமாக இயங்க முடிந்தது. 'நடத்தப்பட்டது’, 'முடிந்தது’ என்றெல்லாம் வார்த்தைகளைப் பயன்படுத்துவதற்குக் காரணம், இரண்டு வருடங்களாக சில்க் ரோட்டை இயக்கி வந்த ராஸ் உல்ப்ரைட்டை, FBI வளைத்துப் பிடித்ததுதான்.

https://silkroadvb5piz3r.onion.lu/ என்பதுதான் கடைசியாக சில்க் ரோடு இயங்கிவந்த இணைய முகவரி. இப்போது மேற்கண்ட தளத்துக்குச் சென்றால், FBI கொடுக்கும் ஒரு பக்கத் தகவல் மட்டுமே இருக்கிறது. சில்க் ரோடு என்பதை கூகுளில் தேடினால், அது கறுப்புச் சந்தையாக இருந்தபோது எப்படி வடிவமைக்கப்பட்டிருந்தது என்பதை, சில ஸ்க்ரீன் ஷாட்கள் மூலம் பார்க்கலாம். போதைப் பொருட்களை வாங்கியவர்கள், அவற்றின் பயன்பாட்டைப் பற்றிய பின்னூட்டங்களை எழுதியிருப்பதால், சில்க் ரோடு தளத்தில் பொருட்களை விற்றவர்களும் வாங்கியவர்களும் சட்டத்தின் பிடிக்குள் வரக்கூடும் என்கிறார்கள். இணையம் எவ்வளவு பாதுகாப்பற்றது என்பதற்கு சில்க்ரோடு ஓர் உதாரணம்.

இந்த ஆழ் இணையதளங்கள், தேடல் பொறிகளில் இருந்து தப்பித்துக்கொள்ள பல உத்திகளைக் கையாளும். அதாவது, தளத்துக்குள்ளாகவே எந்தவிதமான இணைப்புகளும் இல்லாமல் பார்த்துக்கொள்வது, பகுத்துப் பிரித்து எடுக்க முடியாத வகையில் எழுத்து வகைத் தகவல்களை போட்டோ வடிவில் கொடுப்பது... என பல்வேறு உத்திகள். wrote:

கள்ளத்தனம் செய்வதற்கு எப்படியெல்லாம் யோசிக்கிறாங்க. கடைசி வரைக்கும் நிலைக்குதா ? இது ஏன் தப்பு செய்றவங்களுக்கு புரியவே மாட்டேங்குது தம்பி.

பகிர்வுக்கு நன்றீ

அய்யய்யோ இவ்ளோ நாளும் அது சில்க் ஸ்மிதா வீட்டுக்கு போற ரோடுன்னு நெனச்சிருந்தேன் - அட அவரே போயிட்டாரு அப்புறம் என்னன்னு விட்டுட்டேன்...

தகவல் பகிர்வு நன்று சிவா

நான் அந்த சில்க் ரோடோ நு (சில்க் கேரவன் ரூட்) நெனச்சிட்டேன்

இப்டி ஒரு சில்க் ரோடு இருப்பது இப்பொழுது தான் தெரியும் அண்ணா நன்றிகள்

கெட்டவர்கள் ஒரு நாள் தண்டிக்கப்படுவார்கள்

nij

அசுரன் wrote:கெட்டவர்கள் ஒரு நாள் தண்டிக்கப்படுவார்கள்

மேற்கோள் செய்த பதிவு: 1086861

நிஜம் அசுரன், ஆனால் அதற்குள் எவ்வளவு நல்லவர்கள் கஷ்டப்பட்டிருப்பார்கள்? என்ன செய்வது? நான் முதலில் இங்கு பெங்களூரில் இருக்கும் 'சில்க் போர்டு' என்று இருக்கும் இடத்தை இப்படி பேர் மாற்றி விட்டாங்களோ என்று நினைத்து த்தான் உள்ளே வந்தேன்

krishnaamma wrote:nij

அசுரன் wrote:கெட்டவர்கள் ஒரு நாள் தண்டிக்கப்படுவார்கள்

மேற்கோள் செய்த பதிவு: 1086861

நிஜம் அசுரன், ஆனால் அதற்குள் எவ்வளவு நல்லவர்கள் கஷ்டப்பட்டிருப்பார்கள்? என்ன செய்வது? நான் முதலில் இங்கு பெங்களூரில் இருக்கும் 'சில்க் போர்டு' என்று இருக்கும் இடத்தை இப்படி பேர் மாற்றி விட்டாங்களோ என்று நினைத்து த்தான் உள்ளே வந்தேன்

மேற்கோள் செய்த பதிவு: 1086863

அல்வழியில் பணம் சம்பாதிப்பவர்கள் நிம்மதியை இழக்கிறார்கள். பாவம் சில நல்லவர்களும் என்ன காரணத்தினாலோ கஷ்டப்படுகிறார்கள்.

http://www.eegarai.net/t89820-topic

நம்ம ராஜ்அருண் ஏற்கனவே இதை பற்றி ஒரு பதிவு எழுதியிருக்கிறார் , கொஞ்சம் எடைக்கு மடக்கான தளம் என்பதால் இந்த பதிவை வழிநடத்துனர் பகுதிக்கு மாற்றினோம்.