எரிமலைக்குள் இறங்கி செல்ஃபி எடுத்து சாகசம்

**சிவா** · **சிவா** Sat Sep 13, 2014 5:51 am

கனடா நாட்டைச் சேர்ந்த ஒருவர் எரிமலைக்குள் இறங்கி சென்று துணிச்சலுடன் செல்ஃபி புகைப்படத்தை எடுத்துள்ளார்.

கனடாவைச் சேர்ந்த ஜார்ஜ் கௌரூனுஸ் என்ற நபர் ஒரு தொலைக்காட்சித் தொடர் மூலம் அனைவருக்கும் அறிமுகமானார். இந்நிலையில் தனது தொலைக்காட்சித் தொடருக்காக துணிச்சலான ஒரு சாகசத்தை நிகழ்த்தியுள்ளார், ஜார்ஜ்.

பசிபிக் கடலில் உள்ள தீவு நாடான வனுவாட்டுவில் ஆம்பிரிம் என்ற எரிமலைக்குள் இறங்கி சென்று துணிச்சலுடன் செல்ஃபி புகைப்படத்தை எடுத்துள்ளார். அப்போது சுமார் 1200 அடி மட்டத்தில் லாவா குழம்பானது கொதித்துக் கொண்டிருந்துள்ளது.

இதுகுறித்து தெரிவித்த ஜார்ஜ் கௌரூனுஸ், தன்னை புகைப்படம் எடுக்க உதவிய கேமரா வெப்பத்தில் சற்று உருகிவிட்டதாகக் கூறியிருப்பது குறிப்பிடத்தக்கது.