மதுரையில் கல்லூரி மாணவிகள் மீது ஆசிட் வீச்சு

**சிவா** · **சிவா** Sat Sep 13, 2014 5:39 am

மதுரை: மதுரை திருமங்கலத்தில் கல்லூரி மாணவிகள் இரண்டு பேர் மீது அடையாளம் தெரியாத நபர்கள் ஆசிட் வீசிய சம்பவம் அங்கு பெரும் பரபரப்பை ஏற்படுத்தியுள்ளது.

மதுரை திருமங்கலத்தில் உள்ள மதுரை காமராஜர் பல்கலைக்கழகத்தின் உறுப்பு கல்லூரி ஒன்றில் சின்னப்பூலம்பட்டி கிராமத்தை சேர்ந்த மாணவிகள் மீனா, அங்காள ஈஸ்வரி படித்து வருகின்றனர். மீனா பி.ஏ. முதலாமாண்டும், அங்காள ஈஸ்வரி பி.ஏ. இரண்டாமாண்டும் படிக்கின்றனர்.

இந்நிலையில், இன்று பிற்பகல் 2 மணிக்கு கல்லூரி முடிந்து ஊருக்கு செல்வதற்காக மாணவிகள் இரண்டு பேரும் பேருந்து நிலையம் வந்து கொண்டிருந்தனர்.

அப்போது, 35 வயது மதிக்கத்தக்க ஒருவர், மாணவி மீனா முகத்தில் ஆசிட் வீசி விட்டு அங்கிருந்து தப்பி ஓடி விட்டார். அந்த நபர் வீசிய வேகத்தில் அருகில் இருந்த மாணவி ஈஸ்வரி மீதும்ஆசிட் பட்டது.இதில் பலத்த காயம் அடைந்த மாணவிகளுக்கு திருமங்கலம் அரசு மருத்துவமனையில் சிகிச்சை அளிக்கப்பட்டது.

பின்னர் மேல் சிகிச்சைக்காக மதுரை அரசு மருத்துவமனையில் அனுமதிக்கப்பட்டனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.

இதனிடையே, மாணவி மீனாவுக்கு கண் பார்வை பாதிக்கப்பட்டுள்ளது. மற்றொரு மாணவிக்கு உடலில் பலத்த காயம் ஏற்பட்டுள்ளது.

இந்த சம்பவம் குறித்து சகமாணவிகள் கூறுகையில், திடீரென வந்தவர் மீனா மீது ஆசிட் வீசிவிட்டு ஓடிவிட்டார். எதற்காக ஆசிட் வீசினார் என்று தெரியவில்லை என்று கண்ணீர் மல்க கூறினர்.

மாணவிகள் மீனாவுக்கு 30 சதவீத காயமும், ஈஸ்வரிக்கு 20 சதவீத காயமும் ஏற்பட்டுள்ளதாக மருத்துவர்கள் தெரிவித்துள்ளனர்.

இது குறித்து வழக்குப்பதிவு செய்துள்ள காவல்துறை, தனிப்படை அமைத்து தப்பியோடியவரை தேடி வருகின்றது. அவரை பிடித்த பிறகே எதற்காக மாணவிகள் மீது ஆசிட் வீசினார் என்பது தெரியவரும்.

**ராஜா** · **ராஜா** Sat Sep 13, 2014 10:56 am

அவனை பிடித்து , கொஞ்சம் ஆசிட்டை அவன் மேல் தெளிக்க வேண்டும் ............. அதனை காணொளியாக எடுத்து இதை போன்ற குற்றங்கள் செய்பவர்களுக்கு இது தான் தண்டனை என்று இணையத்தில் போட வேண்டும்

**M.Saranya** · **M.Saranya** Sat Sep 13, 2014 3:16 pm

ராஜா wrote:அவனை பிடித்து , கொஞ்சம் ஆசிட்டை அவன் மேல் தெளிக்க வேண்டும் ............. அதனை காணொளியாக எடுத்து இதை போன்ற குற்றங்கள் செய்பவர்களுக்கு இது தான் தண்டனை என்று இணையத்தில் போட வேண்டும்

மேற்கோள் செய்த பதிவு: 1087133

சரியாக சொன்னீர்கள் நண்பரே ....

Sponsored content · Sponsored content

மதுரையில் கல்லூரி மாணவிகள் மீது ஆசிட் வீச்சு

மதுரையில் கல்லூரி மாணவிகள் மீது ஆசிட் வீச்சு

Re: மதுரையில் கல்லூரி மாணவிகள் மீது ஆசிட் வீச்சு

Re: மதுரையில் கல்லூரி மாணவிகள் மீது ஆசிட் வீச்சு

Re: மதுரையில் கல்லூரி மாணவிகள் மீது ஆசிட் வீச்சு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக