இரட்டைக் கோபுரத் தாக்குதல் - 13ஆவது நினைவு தினம் !

**krishnaamma** · **krishnaamma** Thu Sep 11, 2014 8:22 pm

பாஸ்டன், வாஷிங்டன் உள்ளிட்ட நகரங்களிலிருந்து வெளியூர் செல்லப் புறப்பட்ட 4 விமானங்களைக் கடத்திச் சென்று அல் - காய்தா தீவிரவாதிகள் இந்தக் கோரத் தாக்குதலை நிகழ்த்தினார்கள்.

4 விமானங்களில் இருந்த பயணிகள் அனைவரும் பலியானார்கள். இரட்டை கோபுரத்தில் விமானங்கள் மோதிய போது இரு கட்டடங்களிலும் 17,400 பேர் இருந்தனர். விமானம் மோதியதும் கட்டடத்தின் ஒரு பகுதி இடிந்து, தீப்பிடித்துக்கொண்டது. சிறிது நேரம் கழித்து, இரு கட்டடங்களும் இடிந்து தரை மட்டமாயின. பென்டகனில் விமானம் மோதியதில் 125 ராணுவ வீரர்கள், ஊழியர்கள் பலியானார்கள். 4 விமானங்களில் மொத்தம் 246 பயணிகள் இருந்தனர். அவர்களும் ஒட்டுமொத்தமாகப் பலியானார்கள்.

இந்தத் தாக்குதல்களில் 3 ஆயிரத்துக்கும் மேற்பட்டோர் பலியானார்கள். 6 ஆயிரத்துக்கும் மேற்பட்டோர் காயம் அடைந்தனர். ஆயிரம் கோடி ரூபாய்க்கும் மேல் பொருளாதார இழப்பு ஏற்பட்டது.

தாக்குதலை நடத்தியது தங்கள் அமைப்பே என்று அல் - காய்தா பின்னர் பொறுப்பேற்றுக்கொண்டது. மொத்தம் 19 தீவிரவாதிகள் விமானங்களைக் கடத்தி, இந்தக் கொடூரத்தை அரங்கேற்றினர். அல் - காய்தா தலைவர் பின்லேடனின் உத்தரவின் பேரிலேயே இந்த 19 பேரும் தாக்குதலுக்கு அனுப்பப்பட்டு இருந்தனர்.

இவர்களில் சிலர் விமானப் பயிற்சி பெற்று இருந்தனர். 4 விமானங்களிலும் டிக்கெட் எடுத்து, பயணி போல ஏறிய அவர்கள், விமானம் நடுவானில் பறந்த போது கத்தி முனையில் விமான ஊழியர்களையும் பைலட்டையும் மிரட்டி விமானத்தைக் கடத்தினார்கள். பைலட்டை இருக்கையில் இருந்து அகற்றி, தீவிரவாதிகளே விமானத்தை ஓட்டிச் சென்று கட்டடங்களில் மோதச் செய்தனர்.

இரட்டைக் கோபுரத் தாக்குதல் - 13ஆவது நினைவு தினம் ! XKj5BnU9Rjqacj3cfzpV+1410364481-8495

இரட்டைக் கோபுரத் தாக்குதல் - 13ஆவது நினைவு தினம் ! XKj5BnU9Rjqacj3cfzpV+1410364481-8495

இந்த தாக்குதலைத் தொடர்ந்தே ஆப்கானிஸ்தானுக்குள் புகுந்து தாலிபான்களுக்கு எதிராக அமெரிக்கா தாக்குதலைத் தொடங்கியது. அதன் தொடர்ச்சியாகப் பின் லேடனையும் சுட்டுக் கொன்றது. மே 1, 2011 அன்று அமெரிக்க அதிபர் பராக் ஒபாமா, அமெரிக்க தொலைக்காட்சியில் தோன்றி, பாகிஸ்தானில் உள்ள ஆப்டாபாத்தில் பின் லேடன், அமெரிக்கப் படையினரால் கொல்லப்பட்டதாக அறிவித்தார். மரபணுச் சோதனைக்குப் பின் அவரது உடல், கடலில் அடக்கம் செய்யப்பட்டது.

அமெரிக்க இரட்டைக் கோபுர தாக்குதல் நடந்து 13ஆவது நினைவு தினம், 2014 செப்.11 அன்று கடைப்பிடிக்கப்படுகிற நிலையில், இந்தத் தாக்குதல்களில் இறந்தவர்களுக்கு உலகம் முழுவதும் இரங்கல் தெரிவிக்கப்படுகிறது. இந்த நாளில், தீவிரவாதத்தை எந்த வடிவிலும் எதிர்க்க, உறுதி கொள்வோம்.

**ayyasamy ram** · **ayyasamy ram** Thu Sep 11, 2014 8:27 pm

இரட்டைக் கோபுரத் தாக்குதல் - 13ஆவது நினைவு தினம் ! 103459460

இரட்டைக் கோபுரத் தாக்குதல் - 13ஆவது நினைவு தினம் !

இரட்டைக் கோபுரத் தாக்குதல் - 13ஆவது நினைவு தினம் !

Re: இரட்டைக் கோபுரத் தாக்குதல் - 13ஆவது நினைவு தினம் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக