1,589 அ.தி.மு.க வேட்பாளர்கள் போட்டியின்றி தேர்வு

சென்னை, செப்.10 - தற்போது நடைபெற்று வரும் உள்ளாட்சி இடைத் தேர்தலில் 1,589 அ.தி.மு.க. வேட்பாளர்கள் போட்டியின்றி தேர்ந்தெடுக்கப்பட்டதாக முறைப்படி அறிவிக்கப்பட்டுள்ளது.

தமிழகத்தில் நெல்லை, தூத்துக்குடி, கோவை ஆகிய 3 மாநகராட்சி மேயர் பதவிகளுக்கும், 8 நகராட்சி தலைவர்கள் பதவிகளுக்கும் மற்றும் ஊராட்சி ஒன்றிய பதவிகளுக்கும் வரும் 18ம் தேதி இடைத் தேர்தல் நடைபெறும் என்று மாநில தேர்தல் ஆணையம் அறிவித்தது. இதையடுத்து வேட்பு மனுத் தாக்கல் தொடங்கி கடந்த 4ம் தேதி முடிவடைந்தது. கடந்த 3ம் தேதியன்று முதல்வர் ஜெயலலிதா அறிவித்த அ.தி.மு.க. வேட்பாளர்கள் அனைவரும் மனுத்தாக்கல் செய்தனர். இவர்களில் நெல்லை மேயர் வேட்பாளர் புவனேஸ்வரி, தூத்துக்குடி மேயர் வேட்பாளர் அந்தோனி கிரேஸி, கோவை மேயர் வேட்பாளர் கணபதி ராஜ்குமார் ஆகியோர் அடங்குவர். இவர்களில் நெல்லை மேயர் வேட்பாளர் புவனேஸ்வரி போட்டியின்றி தேர்ந்தெடுக்கப்பட்டார். சங்கரன்கோவில், புதுக்கோட்டை, கொடைக்கானல் உள்ளிட்ட 4 நகராட்சி தலைவர் பதவிகளுக்கும் அ.தி.மு.க வேட்பாளர்கள் போட்டியின்றி தேர்ந்தெடுக்கப்பட்டனர். மொத்தமுள்ள 2130 இடங்களில் 1589 அ.தி.மு.க வேட்பாளர்கள் போட்டியின்றி தேர்ந்தெடுக்கப்பட்டுள்ளனர். இது முறைப்படி நேற்று அறிவிக்கப்பட்டது. மீதியுள்ள இடங்களுக்கு வரும் 18ம் தேதி தேர்தல் நடைபெறுகிறது. இந்த வெற்றி முதல்வர் ஜெயலலிதாவின் மக்கள் நலத்திட்டங்களுக்கு கிடைத்த வெற்றியென பொதுமக்களே பாராட்டுகிறார்கள். வரும் 18ம் தேதி எஞ்சியுள்ள 1486 உள்ளாட்சி பதவிகளுக்கு இடைத்தேர்தல் நடக்கிறது. இது தொடர்பான அதிகாரிகளின் ஆலோசனைக் கூட்டம் நேற்று சென்னையில் நடைபெற்றது.

போட்டியில்லாத காரணத்தாலும் எதிர்கட்சி வேட்பாளர்கள் வாபஸ் பெற்றதாலும் 1589 பேர் வெற்றி பெற்றார்கள் என்பது குறிப்பிடத்தக்கது.

1589 பேருக்கு முதுகு வலி ஆரம்பம்...