குஜராத்தில் வெள்ளம்; ராணுவத்திற்கு அழைப்பு, மராட்டியத்தில் கனமழை - வேகமாக நிறம்பும் அணைகள்

குஜராத் மாநிலத்தில் கனமழை காரணமாக வதோதரா, மாவட்டத்தில் வெள்ளம் ஏற்பட்டுள்ளது. மீட்பு பணிக்கு ராணுவத்திற்கு அழைப்பு விடுக்கப்பட்டுள்ளது.

ஜம்மு காஷ்மீர் மாநிலத்தை அடுத்து குஜராத், ராஜஸ்தான், மத்திய பிரதேசம் மற்றும் மராட்டியம் மாநிலங்களில் கனமழை பெய்து வருகிறது. குஜராத் மாநிலத்தில் கடந்த சிலநாட்களாக பெய்த கனமழை காரணமாக விஷ்வாமித்ரி ஆற்றில் தண்ணீர் அபாய கட்டத்தை தாண்டி ஓடுகிறது. ஆற்றில் தண்ணீரின் அளவு தொடர்ந்து அதிகரித்தே செல்கிறது. வெள்ளத்தை அடுத்து மீட்பு பணிக்கு மாவட்ட நிர்வாகம் ராணுவத்தின் உதவியை நாடியுள்ளது. வெள்ளம் சூழ்ந்துள்ள நகரங்களில் பாதிக்கப்பட்ட மக்களுக்கு அத்தியாவசிய பொருட்களை வழங்குவதற்கு மிகவும் சிரமாக உள்ளது. எனவே நாங்கள் ராணுவத்தின் உதவியை நாடியுள்ளோம். என்று மாவட்ட நிர்வாகம் தெரிவித்துள்ளது.

கனமழையின் காரணமாக ஆற்றில் தண்ணீர் அதிகமாக வருவதால் நகரின் மேற்கு பகுதியில் பெரும்பாலான குடியிருப்பு பகுதிகள் தண்ணீரில் மூழ்கியுள்ளது. சுமார் 2 லட்சம் மக்கள் இதனால் பாதிக்கப்பட்டுள்ளனர். பானிகாடே, கார்லிபாகுக், மாண்ட்வி, சியாஜிகாஞ் உள்ளிட்ட இடங்கள் கடுமையான பாதிப்புகாளை எதிர்க்கொண்டுள்ளது. இங்குள்ள மக்கள் 1500 பேர் நேற்று பத்திரமாக வேறு பகுதிகளுக்கு மாற்றப்பட்டனர். மாவட்ட மருத்துவமனை மற்றும் பூங்காக்களில் தண்ணீர் புகுந்துள்ளது. வெள்ளத்தை அடுத்து மாவட்ட நிர்வாகம் பள்ளி மற்றும் கல்லூரிகளுக்கு விடுமுறை அறிவித்துள்ளது. விஷ்வாமித்ரி ஆற்றில் பாலங்களில் பயணம் செய்ய தடை விதிக்கப்பட்டுள்ளது.

விஷ்வாமித்ரி ஆற்றில் தண்ணீர் அபாய கட்டத்தை தாண்டி தற்போது 33.5 அடி அளவுக்கு செல்கிறது. அஜ்வா அணையின் நீர்பிடிப்பு பகுதிகளில் கனமழை காரணமாக தண்ணீரின் வரத்து அதிகரித்துள்ளது. விஷ்வாமித்ரி ஆற்றில் தண்ணீர் அளவு அபாய கட்டத்தை தாண்டி 7.6 அடி அளவுக்கு தண்ணீர் செல்வதை அடுத்து அஜ்வா அணையில் இருந்து தண்ணீர் திறந்துவிடப்படுவது நிறுத்தப்பட்டுள்ளது. அஜ்வா அணையில் 128 ஆண்டுகளுக்கு பின்னர் தண்ணீரின் அளவு 215 அடியை தண்டியுள்ளது. என்று மாவட்ட நிர்வாகம் தெரிவித்துள்ளது. மாநில நீர்வளத்துறை அணையின் 62 வாயில்கள் திறந்துவிடப்பட்டுள்ளது. அணையில் தண்ணீர் அளவு நேற்று 215.10 அடியை எட்டியது. விஷ்வாமித்ரி ஆற்றின் கரையோரங்களில் வசிக்கும் மக்களுக்கு வெள்ள அபாய எச்சரிக்கை ஏற்கனவே விடப்பட்டுள்ளது. நீர்மட்டம் அதிகரிப்பு காரணமாக ஆற்றின் அருகே இருக்கும் நகர்புறங்களுக்கும் வெள்ள அபாய எச்சரிக்கை விடுக்கப்பட்டுள்ளது.

வெள்ள நீர் புகுந்த கிராமங்களில் இருந்து போலீசார் பொதுமக்களை வெளியேற்றி வருகின்றனர். நேற்று வெள்ளம் பாதிக்கப்பட்ட பகுதியில் இருந்து சுமார் 1000 பேரை மீட்பு குழுவினர் பாதுகாப்பான இடங்களுக்கு மாற்றியுள்ளனர். அவர்கள் பள்ளிகள் மற்றும் அரசு கட்டிடங்களில் தங்கவைக்கப்பட்டுள்ளனர்.

மராட்டிய மாநிலத்திலும் கனமழை பெய்து வருகிறது. கனமழை காரணமாக நாசிக்கில் இயல்பு வாழ்க்கை பாதிக்கப்பட்டுள்ளது. கனமழை காரணமாக அணைகளில் நீரமட்டம் தொடர்ந்து உயர்ந்து வருகிறது. அணைகளில் தண்ணீர் திறக்கப்பட்டதை அடுத்து கோதாவரி மற்றும் தர்னா ஆறுகளில் தண்ணீர் அதிகமாக செல்கிறது. மேலும், 48 மணி நேரம் கனமழை பெய்ய வாய்ப்பு உள்ளது என்று வானிலை ஆய்வு மையம் அறிவித்துள்ளது. இதனையடுத்து கோதாவரி ஆற்றின் கரையில் வசிக்கும் மக்கள் பாதுகாப்பான இடங்களுக்கு செல்லுமாறு மாவட்ட நிர்வாகம் கேட்டுக் கொண்டுள்ளது. கங்காபூர் அணையில் இருந்து 2685 கனஅடி தண்ணீர் வெளியேற்றப்படுகிறது. தர்னா அணையில் இருந்து 7355 கனஅடி தண்ணீர் வெளியேற்றப்படுகிறது.

இதே போல கர்நாடகத்தில் மழை பெய்யமாட்டேன்கிறது