குழந்தைகள் பொய் சொல்கிறார்களா?

குழந்தைகள் ஏதேனும் கேள்வி கேட்டு பொய் சொன்னால் நமக்கு கோபம் வருகிறது. அவர்கள் இவ்வாறு பொய் சொல்வதால் ஏதேனும் பிரச்னை வருமோ, சிக்கலில் மாட்டிக் கொள்வார்களோ என்று பயப்படுகிறோம்.

ஆனால் உண்மையில் குழந்தைகள் பொய் பேச வாய்ப்பை ஏற்படுத்துவதும், கற்றுக் கொடுப்பதும் பெற்றோர் தான்.

காரணம்,

சில சமயங்களில் அலுவலகங்களில் விடுப்பு எடுக்கவும், முதலாளியிடம் இருந்து தப்பித்துக் கொள்ளவும் குழந்தைகள் முன் நாம் பொய்யான காரணத்தைக் கூறுகிறோம்.

அதில்லாமல் சில நேரம் குழந்தைகளிடம் தொலைபேசியைக் கொடுத்து அப்பா வீட்டில் இல்லை என்று சொல்ல வைக்கிறோம். இதுவும் மறைமுகமாக பிள்ளைகளுக்கு நாம் கொடுக்கும் பயிற்சிதான்.

தவறுகளை செய்யும் போது அதற்காக கடுமையான தண்டனைகளைக் குழந்தைகளுக்குக் கொடுக்கிறோம். இப்படி தண்டனைக்கு பயந்து குழந்தைகள் பெற்றோரிடம் பொய் கூற வாய்ப்பு ஏற்படுகிறது.

ஒவ்வொரு விஷயத்துக்கும் அவர்களை கட்டுப்படுத்திக் கொண்டே இருப்பார்கள் சில பெற்றோர். இதனால் கட்டுப்பாட்டுக்குப் பயந்து அதில் இருந்து விடு பட சில குழந்தைகள் பொய் சொல்ல ஆரம்பிக்கலாம்.

நீங்கள் ஒரு விஷயத்தைக் கேட்டு அதற்கு அவர்கள் பொய் சொல்கிறார்கள் என்று தெரிந்துவிட்டால், உடனே அதனை அவர்கள் வாயாலேயே வரவழைக்கிறேன் பார் என்று கூறிக் கொண்டு அடுத்தடுத்து சாமர்த்தியமான கேள்விகளைக் கேட்டு குழந்தையை வதைக்காதீர்கள்.

இதனால், உங்கள் குழந்தை ஒரு பொய்யை அடுத்த முறை சாமர்த்தியமாகக் கூற கற்றுக் கொண்டுவிடும்.

ஒரு தவறை செய்துவிட்டு அதனை உங்களிடம் ஒத்துக் கொள்ளும் போது, தட்டிக் கொடுத்து பரவாயில்லை, செய்தது தவறு என்றாலும் திருத்திக் கொள் என்று கூறி குழந்தை உண்மையைக் கூறியது குறித்து பாராட்டுங்கள்.

பொய் சொல்லக் கூடாது என்று குழந்தைக்கு ஆலோசனை அளிக்காமல், உண்மையை பேசு, அதனால் பல நன்மைகள் கிட்டும் என்ற வகையில் நேர்மறையான ஆலோசனைகளை வழங்கலாம்.

அருமை தல ...

ஒவ்வொரு பெற்றோரும் நிச்சயம் கற்றுக் கொள்ள வேண்டிய பாடம் இது

//ஒரு தவறை செய்துவிட்டு அதனை உங்களிடம் ஒத்துக் கொள்ளும் போது, தட்டிக் கொடுத்து பரவாயில்லை, செய்தது தவறு என்றாலும் திருத்திக் கொள் என்று கூறி குழந்தை உண்மையைக் கூறியது குறித்து பாராட்டுங்கள்.
பொய் சொல்லக் கூடாது என்று குழந்தைக்கு ஆலோசனை அளிக்காமல், உண்மையை பேசு, அதனால் பல நன்மைகள் கிட்டும் என்ற வகையில் நேர்மறையான ஆலோசனைகளை வழங்கலாம்.//

ரொம்ப அருமை