அந்தக் காலப் பெரிசுங்க குறும்பு

First topic message reminder :

அந்தக் காலப் பெரிசுங்க குறும்பு


"நாங்களெல்லாம் அந்தக் காலத்தில எங்க வீட்டுக்காரர் (கணவர்) பெயரைச் சொல்லவே மாட்டோம். இப்ப இருக்கிற பொண்ணுங்க விட்டுக்காரர் பேரை மூச்சுக்கு முன்னூறு தடவை சொல்லிக்கிட்டு இருக்காளுங்க... என்ன நாகரீகமோ... என்ன இழவோ..." - இப்படி வீட்டில் கிடக்கும் பாட்டிகள் புலம்பித் தள்ளிக் கொண்டிருப்பதை கூட்டுக் குடும்பத்தில் இருப்பவர்கள் கேட்டிருப்பார்கள்.

அந்தக் காலத்தில் பெண்கள் புகுந்த வீட்டிலிருக்கும் பெரியவர்கள் பெயரையோ அல்லது ஆண்கள் பெயரையோ வாய் தவறிக் கூடச் சொல்ல மாட்டார்கள். அப்படிச் சொன்னால் அவர்களது ஆயுள் (மரியாதையும்தான்) குறைந்து போய் விடுமாம். இதனால் வீட்டில் தனது குழந்தைகளுக்கு மாமனார்-மாமியார் பெயர் வைத்து விட்டால் அந்தக் குழந்தைகளையும் பெயர் சொல்லிக் கூப்பிட முடியாது. அந்தப் பெயர்களில் முதல் எழுத்தைக் கூட உச்சரிக்க மாட்டார்கள். இந்த நிலையில் அவர்கள் பட்ட பாடு இப்போது நினைத்தாலும் சிரிப்பாகத்தான் இருக்கிறது.

ஒவ்வொரு பெயருக்கும் ஒரு விளக்க உரையே வாசித்த காலம் அது. அப்போது பெண்ணாய்ப் பிறந்து விட்டாலே கஷ்ட காலம் தான். பால் என்று ஆரம்பிக்கும் பெயர் கொண்ட ஒருவரின் மனைவி வீட்டுக்குப் பால் வாங்க வேண்டுமென்றால் மிகவும் சிரமப்படுவார். ஆம்! பால் வேண்டும் என்று கேட்க முடியாதே... பால்காரரிடம் "காப்பிக்கு ஊத்தற வெள்ளை" அரை லிட்டர் கொடுங்க என்று கேட்பாராம்.

மணி என்கிற பெயருடையவரின் மனைவி மணி கேட்கவே கஷ்டப்படுவார். அவர் "கடிகாரம் இப்போ என்ன காட்டுது?" என்று கேட்க வேண்டுமாம்.

முருகன் என்ற பெயருடையவரின் மனைவி முறுக்கு வேண்டுமென்றால் முதலில் அவர் நொறுங்கிப் போவார். "வட்டமாச் சுற்றி வச்சிருக்கிற பலகாரம்" கொடுங்கன்னு கேட்டு அவர் அதை வாங்கப் படுகிற கஷ்டம் அவருக்குத்தானே தெரியும்.

இப்படி பெயரில் கூட பெண்களைக் கஷ்டப்படுத்திக் காயப்படுத்திய காலம் இப்போது மலையேறிப் போய்விட்டது.

இப்போதெல்லாம் பெண்கள் கணவனை பெயரைச் சொல்லி மட்டுமில்லை, வாடா, போடா என்றும் கூட (செல்லமாகத்தான்) அழைக்கிறார்கள்.

இப்படி இந்தக்காலத்துப் பெண்கள் குறும்பாக அழைத்தாலும் அந்தக்காலத்தில் பெருசுங்க பெயர் சொல்ல தடை செய்திருந்தது ஒரு மாபெரும் குறும்புதான்.

krishnaamma wrote:

ஜாஹீதாபானு wrote:என்ன தான் நாகரீகம் வந்தாலும் கணவனை வாங்க, போங்க என அழைப்பதில் தான் சந்தோஷமே இருக்கு.

பொது இடத்தில் பெயர் சொல்லிக் கூப்பிட்டால் அவன் கணவனா? பிரண்டா ? என சந்தேகம் வரும்.

எங்க குடும்பத்துல அவர் இவர் எனக் கூட சொல்ல மாட்டோம். அதுவும் கூட அவமரியாதை வார்த்தையாக நினைப்போம்.

ஆனால் யாராவது கணவன் பெயரைக் கேட்டால் நெத்தியில அடிச்சாப்புல சொல்லிடுவோம்

மேற்கோள் செய்த பதிவு: 1084805

'அவர் இவர்' என்று சொல்லாமல் எப்படி சொல்வது பானு? நீங்க சொல்வது போல நானும் இவர் பேர் கேட்டால் 'பளிச்' என்று சொல்லிடுவேன். மேலும் என்னை எப்போதுமே Mrs . Sundar என்று தான் அறிமுகப்ப்டுத்திக் கொள்வேன். ரொம்ப கேட்டால் தான் என் பேர் சொல்வேன்

மேற்கோள் செய்த பதிவு: 1084914

அவருக்கு பதிலா அவுங்க என சொல்வோம். நான் எங்க வீட்டுக்காரர் என்று கூட சொல்ல மாட்டேன்கூச்சமா இருக்கும். பிள்ளைகளின் பெயரைச் சொல்லி அவுங்களை அடையாளம் சொல்வேன்.

ஜாஹீதாபானு wrote:பிள்ளைகளின் பெயரைச் சொல்லி அவுங்களை அடையாளம் சொல்வேன்.

அம்மாக்கு ஒரு எச்சாம்பில் கொடுத்தா தா புரியும் பானு:

பைய்யனுக்கு ஆசையா தண்டபானின்னு பெயர் வெப்பாங்க.
அவுகள ஆசையா தண்ட அப்பா தண்ட அப்பா ன்னு மூச்சுக்கு முன்னூறு தடவ கூப்பிடுவாங்க.

இப்ப புரிஞ்சதாம்மா

யினியவன் wrote:

ஜாஹீதாபானு wrote:பிள்ளைகளின் பெயரைச் சொல்லி அவுங்களை அடையாளம் சொல்வேன்.

அம்மாக்கு ஒரு எச்சாம்பில் கொடுத்தா தா புரியும் பானு:

பைய்யனுக்கு ஆசையா தண்டபானின்னு பெயர் வெப்பாங்க.
அவுகள ஆசையா தண்ட அப்பா தண்ட அப்பா ன்னு மூச்சுக்கு முன்னூறு தடவ கூப்பிடுவாங்க.

இப்ப புரிஞ்சதாம்மா

மேற்கோள் செய்த பதிவு: 1085166

ஹா ஹா புரிஞ்சிசிருக்க்கும் அண்ணா ...

என் வீட்டுக்காரம்மா என்னை.. ”ஜேய்..ஜேய்.. ன்னு அழைப்பாரு..... ஹீஹீஹீஹீஎ

jesifer wrote:என் வீட்டுக்காரம்மா என்னை.. ”ஜேய்..ஜேய்.. ன்னு அழைப்பாரு..... ஹீஹீஹீஹீஎ

மேற்கோள் செய்த பதிவு: 1085415

ஜெய்யா ? ஜேய்யா?