எபோலா - செய்தித் தொகுப்புகள்

**சிவா** · **சிவா** Thu Aug 28, 2014 4:11 am

First topic message reminder :

சியரா லியோனில் எபோலா நோய்க்கு 3-வது டாக்டர் பலி

லைபீரியா, நைஜீரியா, கினியா குடியரசு, சியரா லியோன் உள்ளிட்ட மேற்கு ஆப்பிரிக்க நாடுகளில் ‘எபோலா’ என்னும் கொடிய நோய் வேகமாக பரவி வருகிறது. இதன் கோரப்பிடியில் சிக்கி 1,400–க்கும் மேற்பட்டோர் பலியாகி உள்ளனர்.

சுகாதார ஊழியர்களும் இந்த நோய்க்கு தப்பவில்லை. இதுவரை 120-க்கும் அதிகமான சுகாதார ஊழியர்கள் பலியாகி இருப்பதாக உலக சுகாதார அமைப்பு தெரிவித்துள்ளது. பல்லாயிரக்கணக்கானவர்கள் எபோலாவின் பாதிப்புக்கு உள்ளாகி சிகிச்சை பெற்று வருகிறார்கள்.

இந்நிலையில் சியரா லியோனில் இந்த நோய்க்கு 3-வது டாக்டர் பலியாகி இருப்பதாக அந்நாட்டு அதிபரின் மூத்த ஆலோசகர் தெரிவித்துள்ளார். கெனிமா நகரில் உள்ள மருத்துவமனையில் பணியாற்றியபோது எபோலா நோயால் பாதிக்கப்பட்ட டாக்டர் சாகர் ரோஜர்ஸ், சிகிச்சை பலனின்றி இறந்துவிட்டதாக அவர் கூறினார்.

**சிவா** · **சிவா** Sat Sep 05, 2015 12:25 am

மீண்டும் எபோலா: சியாரா லியோனில் ஒரு பெண் பலி - தனிமைப் படுத்தப்பட்ட கிராமம்

எபோலா உயிர்கொல்லி நோயிலிருந்து சியாரா லியோன் முற்றாக விடுபட்டுவிட்டதாக அறிவிக்கப்பட இருந்த நிலையில் பெண் ஒருவர் அந்த வைரசுக்கு பலியாகியுள்ளார்

சியாரா லியோனில் எபோலா வைரஸ் தொற்றியிருப்பதாக உறுதிசெய்யப்பட்ட பெண் ஒருவர் உயிரிழந்ததை அடுத்து, அங்கு கிட்டத்தட்ட 1000 பேர் தனிமைப்படுத்தப்பட்டுள்ளனர். அந்நாட்டின் வடக்கு பகுதியில் உள்ள கிராமம் ஒன்றில் மூன்று வாரங்களுக்கு இந்த தனிமைப்படுத்தல் அமல்படுத்தப்பட்டுள்ளது. இந்த நடவடிக்கையின்படி, ஊரில் உள்ள மக்கள் ஒரு வீட்டிலிருந்து இன்னொரு வீட்டிற்கு போக முடியாத வகையில் ஊரடங்கு உத்தரவும் பிறப்பிக்கப்பட்டுள்ளது.

சியாரா லியோனில், கினியா மற்றும் லைபீரியா ஆகிய ஆப்ரிக்க நாடுகளில் எபோலா நோய்த் தொற்றுக்கு இதுவரை சுமார் 11 ஆயிரம் பேர் பலியாகியுள்ளனர்.

எபோலா - செய்தித் தொகுப்புகள்

எபோலா - செய்தித் தொகுப்புகள்

Re: எபோலா - செய்தித் தொகுப்புகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக