100 படங்களுக்கு மேல் எழுதிய சினிமா கதாசிரியர் மா.ரா.மரணம்

**சிவா** · **சிவா** Wed Aug 27, 2014 9:51 pm

பழம்பெரும் சினிமா கதாசிரியர் மா.ரா. சென்னையில் மரணம் அடைந்தார். அவருக்கு வயது 81. தேவர் பிலிம்சில் கதாசிரியராக இருந்தவர், மா.ரா. இவருடைய முழு பெயர், மா.ராமச்சந்திரன். மா.ரா. என்று எல்லோராலும் அழைக்கப்பட்டு வந்தார். இவருடைய வீடு சென்னை வேளச்சேரியில் உள்ளது. கடந்த 10-ந் தேதி காலையில் இவர் குளிப்பதற்காக சென்றபோது, வழுக்கி விழுந்தார். அதில், அவருடைய கை எலும்பு முறிந்தது. தலை, கால் ஆகிய இடங்களிலும் பலத்த அடிபட்டது.

சிகிச்சைக்காக அருகில் உள்ள தனியார் ஆஸ்பத்திரியில் அனுமதிக்கப்பட்டார். அங்கு சிகிச்சை பலன் அளிக்காமல் அவர் மரணம் அடைந்தார். அவருடைய உடல் தகனம் வேளச்சேரியில் உள்ள மின்சார மயானத்தில் நாளை (வியாழக்கிழமை) காலை 10-30 மணிக்கு நடக்கிறது.

மரணம் அடைந்த மா.ரா. என் கடமை, ராமன் தேடிய சீதை, விவசாயி, பலேபாண்டியா, தாயில்லாமல் நான் இல்லை உள்பட 100 படங்களுக்கு மேல் கதை, திரைக்கதை, வசனம் எழுதியிருக்கிறார். அவருக்கு கஸ்தூரி என்ற மனைவியும், தேவ் ஆனந்த், முரளி, ஜெய்குமார் என்ற மகன்களும், மகாலட்சுமி என்ற மகளும் இருக்கிறார்கள்.