கற்பழிப்புக்கு தண்டனை 'அறை': உ.பி., பஞ்சாயத்து தீர்ப்பு

லக்னோ: உத்தர பிரதேசத்தில், கற்பழிக்கப்பட்ட, 14 வயது சிறுமியை, போலீசில் புகார் அளிக்க விடாமல் தடுத்த பஞ்சாயத்து நிர்வாகிகள், கற்பழிப்புக்கு தண்டனையாக, கற்பழித்த இளைஞனை, கன்னத்தில் அறையச் சொல்லிய கொடுமை நிகழ்ந்துள்ளது.

சமாஜ்வாதி கட்சியைச் சேர்ந்த முதல்வர், அகிலேஷ் யாதவ் தலைமையிலான, உ.பி.,யின் பிஜ்னோர் பகுதியில், கிராமம் ஒன்றில், 14 வயது சிறுமியை, அதே கிராமத்தைச் சேர்ந்த இளைஞன் ஒருவன் சில நாட்களுக்கு முன் கற்பழித்து விட்டான்.'வெளியே சொன்னால் கொன்று விடுவேன்' என அவன் மிரட்டியதால், அந்தச் சிறுமி தனக்கு நேர்ந்த கொடுமையை, பிறருக்கு சொல்லவில்லை. மீண்டும் அந்த இளைஞன், அந்தச் சிறுமியை, பலவந்தப்படுத்த முயன்றான். இதனால் கோபம் கொண்ட அந்தச் சிறுமி, தான் கற்பழிக்கப்பட்டதை பெற்றோரிடம் கூறினாள்.

அவர்கள் இந்த விவகாரத்தை போலீசில் புகார் அளித்தனர். அப்போது போலீஸ் ஸ்டேஷன் வந்த கிராம பஞ்சாயத்தார், 'கற்பழித்த இளைஞன் மீது வழக்கு பதிவு செய்ய வேண்டாம்; அதற்குப் பதில், அவன் கன்னத்தில் சிறுமியை ஒரு அறை கொடுக்க சொல்லி விடலாம்' என, வற்புறுத்தி உள்ளனர்.'இதையும் மீறி, வழக்கு தொடர்ந்தால், அந்தச் சிறுமி மற்றும் அவளின் குடும்பத்தினர் ஊரை விட்டு விலக்கி வைக்கப்படுவர்' என, அவர்கள் மிரட்டியுள்ளனர். இந்த தகவலை அறிந்த சமூக ஆர்வலர்கள், இந்த கொடுமையை போலீஸ் அதிகாரிகளுக்கு தெரிவித்ததை அடுத்து, கற்பழித்த இளைஞன் கைது செய்யப்பட்டுள்ளான்.'கட்ட' பஞ்சாயத்து செய்த பஞ்சாயத்து உறுப்பினர்கள், போலீசாரால் தேடப்பட்டு வருகின்றனர்.

கற்பழித்தவனை தனி அறையில் பூட்டிவைத்து போலீசிடம் ஒப்படைத்தனரோ என்று நினைத்தேன் .
UP இல் இது விட கொடுமைகள் எல்லாம் சர்வ சாதாரணம் .

ரமணியன்

T.N.Balasubramanian wrote:கற்பழித்தவனை தனி அறையில் பூட்டிவைத்து போலீசிடம் ஒப்படைத்தனரோ என்று நினைத்தேன் .
UP இல் இது விட கொடுமைகள் எல்லாம் சர்வ சாதாரணம் .

ரமணியன்

எப்படி? ஒரு படத்தில் வடிவேலு ஒரு பெண்ணையும், பையனையும் தனியாக பூட்டி வைப்பாரே அப்படியா?    

பொதுவாக காமெடி சேனல்கள் மட்டுமே சில நேரத்தில் பார்ப்பேன் .பார்த்த மாதிரி நினைவு இல்லை .
வடிவேலு காமெடி , body language ரொம்பவே பிடிக்கும் .
ரமணியன்

இந்த தப்பை செய்ரவனுங்க அத வெட்டிடனும், முடிஞ்சது விசயம்.