அடுத்த ஜென்மமும் நீ வேண்டும் அம்மா

**M.M.SENTHIL** · **M.M.SENTHIL** Mon 25 Aug 2014 - 16:31

First topic message reminder :

அம்மா,
இந்த மூன்று எழுத்தில்தான்
எத்தனை சத்தி!

கருவறையில் என்னை
சுமந்த சுமைதாங்கியே,
என்னை சுமக்கும் முன்னே
குடும்பதிற்காய்,
உன் சுமை தூக்கும் படலமும்
ஆரம்பமானதே!!

விளையாடும் வயதில்
விசைத்தறி கூடத்தில்
நீ பட்ட பாட்டை
நீயே என்னிடம் சொன்னபோது,
வாழ்க்கையில் ஜெயிக்க
கஷ்டப்படணும் - நான்
கற்றுக் கொண்டேன் அம்மா!!

வாரம் பூரா வேலை செய்து
வார இறுதியில் வாங்கும் பணத்தை
குடித்தேன் அழிப்பான் தகப்பன்,
சோறாக்க அரிசியில்லை - அதை
தாங்கிக் கொண்டு,
ரேசன் அரிசியில் இட்லி செய்து
எனக்கு ஊட்டி விட்ட போது,
இடி விழுந்தாலும் மனம் தளராதே
என கற்றுக் கொண்டேன் அம்மா!!

குழந்தை பெரியவன் ஆனதும்
சிறு, சிறு தவறு செய்கிறான்
என்று உனக்கு தகவல் வரும்,
என் மகன் அப்படி ஒருபோதும்
செய்ய மாட்டான் என நீ
எனக்காய் வாதிடும் போது,
உண்மை அன்பு அன்னையுடது மட்டுமே
என நான் தெரிந்து கொண்டேன் அம்மா!!

இப்படி எத்தனையோ பாடங்கள்
நான் உன்னிடம் கற்றுக் கொண்டேன்,
இருந்த போதிலும் - இதோ
உன் மகனின் வாரிசுக்கு
உன்னை புகைப்படத்தில் மட்டுமே
காட்டும் பாக்கியம் கிட்டியது
நான் எந்த ஜென்மத்தில் செய்த பாவமோ??

அடுத்த ஜென்மம் மனிதனாய் பிறக்க
அனைத்து கடவுளர்களையும்
வேண்டி வருகிறேன் தினமும் நான்,
அதிலும் நீயே தாயாய் வந்து
என் இறுதி வரைக்கும் இருப்பாய்
என்ற நம்பிக்கையில்!!

(இன்று என் அன்னையின் இறந்த தினம், காலை என் மகள், என் தாயின் புகைப்படத்தை பார்த்து அப்பா ஆயா எப்ப வருவாங்க என்று கேட்டாள், எனக்கு பதில் சொல்ல தெரியவில்லை, கண்களில் நீர் துளி மட்டுமே பதிலாய். நீண்ட நேரமாகியும் என் மனம் ஏதோ இனம்புரியா சங்கடத்தில் நெளிந்து கொண்டிருந்த போது அதை நிவர்த்தி செய்ய இக் கவிதை)..

**T.N.Balasubramanian** · **T.N.Balasubramanian** Tue 26 Aug 2014 - 1:45

கருத்தை உருக்கியது கவிதை .
உங்கள் தாய்தான் உங்கள் மகளாக வந்துள்ளார் .
மகளில் தாயை காணுங்கள் .

ரமணியன்

**ayyasamy ram** · **ayyasamy ram** Tue 26 Aug 2014 - 10:20

அகந்தையை அழிப்பாள்
ஆற்றல் கொடுப்பாள்
அவள்தான் அன்னை மகா சக்தி
-

**M.M.SENTHIL** · **M.M.SENTHIL** Tue 26 Aug 2014 - 13:03

சிவா wrote:
M.M.SENTHIL wrote:இன்று என் அன்னையின் இறந்த தினம், காலை என் மகள், என் தாயின் புகைப்படத்தை பார்த்து அப்பா ஆயா எப்ப வருவாங்க என்று கேட்டாள், எனக்கு பதில் சொல்ல தெரியவில்லை, கண்களில் நீர் துளி மட்டுமே பதிலாய். நீண்ட நேரமாகியும் என் மனம் ஏதோ இனம்புரியா சங்கடத்தில் நெளிந்து கொண்டிருந்த போது அதை நிவர்த்தி செய்ய இக் கவிதை..

கவிதையைவிட இதைப் படிந்ததும் தான் மனம் கலங்கிப் போனது!

வாழ்கையென்றால் இதுபோன்ற இழப்புக்களை தாங்கிக் கொள்ளத்தான் வேண்டும், இதற்குத்தான் தங்கள் மகள் இருக்கிறாரே, அவர் முகத்தில், பாசத்தில், அன்பில் தங்களின் தாயைக் காணலாம், கவலைப்படாதீர்கள்!

அடுத்த வருடம் உங்கள் மகள் நான் கூறிய ஆறுதல் வார்த்தையை தங்களுக்குக் கூறுவாள் பாருங்கள்!

மேற்கோள் செய்த பதிவு: 1082377

T.N.Balasubramanian wrote:கருத்தை உருக்கியது கவிதை .
உங்கள் தாய்தான் உங்கள் மகளாக வந்துள்ளார் .
மகளில் தாயை காணுங்கள் .

ரமணியன்

மேற்கோள் செய்த பதிவு: 1082379

சிவா அண்ணா, மதிப்புற்குரிய ஐயா தங்கள் இருவருக்கும் என்ன பின்னூட்டம் இடுவது என்று ஒரு நிமிடம் எனக்கு மனதில் ஒன்றுமே தோணவில்லை. ஆனாலும், உணமையான அன்பை எழுத்தின் வடிவில் பரிமாறி நம் உறவுகளின் மனதை தேற்றலாம் என்பதை மட்டும் மனம் தெள்ளத் தெளிவாக புரந்து கொண்டது..

என் பாட்டி இறந்த பின் இவன் அனாதை ஆகி விட்டான் என்றும், குடித்தே மடிவான் என்றும் என் காது படவே பேசினார்கள்.. மணம் முடித்து, என் தனுஷ்கா வந்த பின் நாம் அனாதை இல்லை என்ற எண்ணம் உருவானது, இதோ இப்போது உங்கள் அன்பின் முன்னால் எனது உறவுகள் எத்தனை பேர் உள்ளார்கள் என்பதை நினைத்து சிறிது கர்வம் கொள்கிறேன். உண்மையான உறவுகளை இறைவன் நிச்சயம் கொடுப்பான் என்பதையும் அறிகிறேன். என் சிரம் தாழ்ந்த நன்றி தங்கள் இருவருக்கும்...

மகள் வடிவில் தாயை காண்கிறேன்
உண்மை உறவுகளை ஈகரை வடிவில் காண்கிறேன்

**M.M.SENTHIL** · **M.M.SENTHIL** Wed 27 Aug 2014 - 0:25

ayyasamy ram wrote:அகந்தையை அழிப்பாள்
ஆற்றல் கொடுப்பாள்
அவள்தான் அன்னை மகா சக்தி
-

மேற்கோள் செய்த பதிவு: 1082444

அன்னை மகா சக்திக்கும் ஒரு அன்னை இருப்பாள்தானே அய்யா.

**T.N.Balasubramanian** · **T.N.Balasubramanian** Wed 27 Aug 2014 - 4:00

M.M.SENTHIL wrote:
சிவா wrote:
M.M.SENTHIL wrote:இன்று என் அன்னையின் இறந்த தினம், காலை என் மகள், என் தாயின் புகைப்படத்தை பார்த்து அப்பா ஆயா எப்ப வருவாங்க என்று கேட்டாள், எனக்கு பதில் சொல்ல தெரியவில்லை, கண்களில் நீர் துளி மட்டுமே பதிலாய். நீண்ட நேரமாகியும் என் மனம் ஏதோ இனம்புரியா சங்கடத்தில் நெளிந்து கொண்டிருந்த போது அதை நிவர்த்தி செய்ய இக் கவிதை..

கவிதையைவிட இதைப் படிந்ததும் தான் மனம் கலங்கிப் போனது!

வாழ்கையென்றால் இதுபோன்ற இழப்புக்களை தாங்கிக் கொள்ளத்தான் வேண்டும், இதற்குத்தான் தங்கள் மகள் இருக்கிறாரே, அவர் முகத்தில், பாசத்தில், அன்பில் தங்களின் தாயைக் காணலாம், கவலைப்படாதீர்கள்!

அடுத்த வருடம் உங்கள் மகள் நான் கூறிய ஆறுதல் வார்த்தையை தங்களுக்குக் கூறுவாள் பாருங்கள்!
மேற்கோள் செய்த பதிவு: 1082377

T.N.Balasubramanian wrote:கருத்தை உருக்கியது கவிதை .
உங்கள் தாய்தான் உங்கள் மகளாக வந்துள்ளார் .
மகளில் தாயை காணுங்கள் .

ரமணியன்
மேற்கோள் செய்த பதிவு: 1082379

சிவா அண்ணா, மதிப்புற்குரிய ஐயா தங்கள் இருவருக்கும் என்ன பின்னூட்டம் இடுவது என்று ஒரு நிமிடம் எனக்கு மனதில் ஒன்றுமே தோணவில்லை. ஆனாலும், உணமையான அன்பை எழுத்தின் வடிவில் பரிமாறி நம் உறவுகளின் மனதை தேற்றலாம் என்பதை மட்டும் மனம் தெள்ளத் தெளிவாக புரந்து கொண்டது..

என் பாட்டி இறந்த பின் இவன் அனாதை ஆகி விட்டான் என்றும், குடித்தே மடிவான் என்றும் என் காது படவே பேசினார்கள்.. மணம் முடித்து, என் தனுஷ்கா வந்த பின் நாம் அனாதை இல்லை என்ற எண்ணம் உருவானது, இதோ இப்போது உங்கள் அன்பின் முன்னால் எனது உறவுகள் எத்தனை பேர் உள்ளார்கள் என்பதை நினைத்து சிறிது கர்வம் கொள்கிறேன். உண்மையான உறவுகளை இறைவன் நிச்சயம் கொடுப்பான் என்பதையும் அறிகிறேன். என் சிரம் தாழ்ந்த நன்றி தங்கள் இருவருக்கும்...

மகள் வடிவில் தாயை காண்கிறேன்
உண்மை உறவுகளை ஈகரை வடிவில் காண்கிறேன்

மேற்கோள் செய்த பதிவு: 1082477

உண்மை உறவுகளை ஈகரை வடிவில் காண்கிறேன்
மகிழ்ச்சி

ரமணியன்

Sponsored content · Sponsored content

அடுத்த ஜென்மமும் நீ வேண்டும் அம்மா

அடுத்த ஜென்மமும் நீ வேண்டும் அம்மா

Re: அடுத்த ஜென்மமும் நீ வேண்டும் அம்மா

Re: அடுத்த ஜென்மமும் நீ வேண்டும் அம்மா

Re: அடுத்த ஜென்மமும் நீ வேண்டும் அம்மா

Re: அடுத்த ஜென்மமும் நீ வேண்டும் அம்மா

Re: அடுத்த ஜென்மமும் நீ வேண்டும் அம்மா

Re: அடுத்த ஜென்மமும் நீ வேண்டும் அம்மா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக