தங்கம் கடத்தல் வழக்கு ஓகஸ்ட் 28ம் திகதிக்கு ஒத்திவைப்பு

உமேரா · உமேரா Fri Aug 22, 2014 5:54 pm

தங்கம் கடத்தல் வழக்கினை ஓகஸ்ட் 28ம் திகதிக்கு ஒத்திவைத்து மன்னார் மாவட்ட நீதிபதி

ஆனந்தி கனகரெட்ணம் இன்று வியாழக்கிழமை உத்தரவிட்டார்.

தலைமன்னாரிலிருந்து தமிழகத்திற்கு தங்கம் கடத்தமுற்பட்டதாக சந்தேகத்தின்பேரில் கைதுசெய்யப்பட்ட மூன்று சந்தேகநபர்களையும் இன்று வியாழக்கிழமை மன்னார் மாவட்ட நீதிமன்றில் முற்படுத்தியதுடன் கைப்பற்றப்பட்ட தங்கக்கட்டிகளையும் மன்னார் நீதிமன்றில் தலைமன்னார் பொலிசார் ஒப்படைத்தனர்.

தமிழகத்திற்கு கடத்தப்படவிருந்த ஆறு கோடிரூபாய்கள் பெறுமதிவாய்ந்த 11கிலோ 824கிராம் நிறையுடைய தங்;கக்கட்டிகளை தலைமன்னார் பொலிசார் கடந்த திங்கள்கிழமை கைப்பற்றியதுடன் சந்தேக நபர்கள் மூவரையும் கைது செய்திருந்தனர்.

இவர்கள் இன்று வியாழக்கிழமை மன்னார் மாவட்ட நீதிபதி செல்வி ஆனந்தி கனகரெட்ணம் முன்னிலையில் முற்படுத்தப்பட்டிருந்தனர்.

சந்தேகநபர்கள் சார்பாக கொழும்பிலிருந்து வருகைதந்த ஜே.ஜி.ஜோன் தலைமையில் ஜந்து சட்டத்தரணிகள் முன்நிலையாகியிருந்தனர்.

இதன்போது சந்தேக நபர்கள் சார்பாக நீதிமன்றில் முன்நிலையாகியிருந்த சட்டத்தரணிகள் இந்த நாட்டில் ஒருவர் கணிசமாக தங்கங்களே வைத்திருக்கமுடியும் என கூறப்படவில்லை ஆகவே அவர்கள் தங்களது தேவைக்காகவே தங்கம் வைத்திருந்துள்ளார்கள் எனவே அவர்களை விடுதலை செய்யவேண்டும் என கோரியிருந்தானர்.

இந்நிலையில் நீதிமன்றம் குறித்த வழக்கினை மன்னார் மாவட்ட நீதிமன்றில் எடுத்துக்கொள்ளவதற்கு நீதி நியாயாதிக்கம் உள்ளதா என சட்டமாஅதிபரின் ஆலோசனை பெறப்படும் என தெரிவித்து வழக்கினை ஓகஸ்ட் மாதம் 28ம் திகதிக்கு மன்னார் மாவட்ட நீதிபதி செல்வி ஆனந்தி கனகரெட்ணம் ஒத்திவைத்து உத்தரவிட்டார்.

இதேவேளை குறித்த தங்கக்கட்டிகளை பாதுகாப்பாக வைப்பதற்கு நீதிமன்ற உத்தவிற்கமைவாக பலத்த பாதுகாப்புடன் வங்கி ஒன்றிற்கு அனுப்பிவைக்கப்பட்டுள்ளது குறிப்பிடத்தக்கது.

நன்றி உண்மை செய்திகள் ...

தங்கம் கடத்தல் வழக்கு ஓகஸ்ட் 28ம் திகதிக்கு ஒத்திவைப்பு

தங்கம் கடத்தல் வழக்கு ஓகஸ்ட் 28ம் திகதிக்கு ஒத்திவைப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக