இயற்கையின் அற்புதம் மழை..!

**ayyasamy ram** · **ayyasamy ram** Thu Aug 21, 2014 9:46 pm

--

இயற்கையின் அற்புதம் மழை..! MVfNg3fNSOS3U4AKTCm9+rain

--

மரம், செடி, கொடி, மலர், காடு எல்லாம் மழைக்காகக்
காத்திருக்கின்றன.
-
மழை இல்லையேல் புல் இல்லை. உணவு இல்லை.
சாமிகளுக்குப் பூசை இல்லை. இதைச் சொன்னவர்
திருவள்ளுவர்
-
சினிமாவில் செயற்கை மழையில் நனைந்து கொண்டு
காதலனும் காதலியும் டூயட் பாடுவார்கள்.
-
மழையில் நனைவது சுகம். நனைந்து சுகமில்லாமல்
போவதும் உண்டு.
-
மழை வெள்ளமாகி அழிவு சக்தியாகி விடுகிறது
-
அடைமழையில் ஓட்டைக் குடிசையில் சாக்கைப்
பொத்தி உறங்காமல் இருக்கும் மனிதர்கள் கூட
வான் மழையைச் சபிப்பதில்லை.
-
மழையில் நனைந்த பறவைகள் சிலிர்ப்பதும் அழகு.
எல்லா ஊர்களிலும் எல்லா நேரங்களிலும் பெய்யும்

மழை ஒன்றுதான். வேறுபாடு மனிதர்களின்
பார்வையைப் பொறுத்தது.
-
மழைக்கடவுளாக நமக்கு இந்திரன் இருக்கிறான்.
மற்ற நாடுகளில் மழைக்குத் தனியாக கடவுள்
இருக்கிறாரா என்பது தெரியவில்லை.
-
நம் நாட்டில் மழை வரவேற்கப்படுகிறது. ஆங்கில
மழலையர் பாடலில் Rain,Rain Go Away
என்று வருகிறது.
-
மழை பற்றிய நம் கருத்தும், ஆங்கிலேயர் கருத்தும்
மாறுபடுகின்றன
-
மழை பெய்யாத வறண்ட காலங்களில் தான் நாம்
மழையைபற்றி அதிகம் நினைக்கிறோம். மழைக்காக
பூசை செய்கிறோம். கழுதைகளுக்குத் திருமணம்
செய்கிறோம்
-
தாயுமானவர் இறைவனை,
இன்ப மழையாய் வந்தாய் – என்கிறார்.
-
மழை பற்றிக் கவிஞர்கள் பலர் பல கவிதைகள் எழுதி
விட்டனர். சினிமாப் பாடல்களும் பல வந்து விட்டன.
-
இலக்கியத்தில் மழை – என்று ஒரு பெரிய தொகுப்பு
(சேகர் பதிப்பகம்) நூலும் வெளிவந்துள்ளது.
-
ஒரு நாட்டுப்புறக்கதையில் சிறுவன் ஒருவன்
சிரிக்கையில் மழை பெய்கிறது. மழைக்கும் மனித
மகிழ்ச்சிக்கும் சம்பந்தம் இருக்கிறது.
-
இயற்கையை இயற்கையின் அங்கமான மழையை
மனித மதீப்பீடுகளுக்குள் அடக்க முடியாது.
-
ஒரு பூ பூப்பது அதன் விருப்பம். இயல்பு.
இந்த நேரத்தில் இப்படிப் பூக்க வேண்டும் நாம்
கட்டளை இட முடியாது.
-
மேகங்கள் கூடினால் மழை பெய்யும். மேகங்கள் கூடி
மழை பெய்யாமலும் போகும். மழை பெய்வதும்
பெய்யாமல் இருப்பதும் அதன் இஷ்டம்
-
மழை பருவத்தில் வர வேண்டும்
அளவோடும் பொழிய வேடும்
-
——————————————-
>பேராசிரியர் .ந.சிதம்பரம்
எனக்குப் பிடித்தவை – கட்டுரைகள் தொகுப்பு