ஆங்கிலம் தந்த கவிதை!

jawhar · jawhar Wed Aug 20, 2014 7:08 am

உயர்தரப் பரீட்சை எழுதும் மாணவன் ஒருவன் ஆங்கில மொழி பாடத்தின்போது விட்டுச் சென்ற காகிதத் துண்டு தந்த கவிதை ( தம்பிக்கு ஆங்கிலப் பாடம் கடினம் போல )

ஐவிரல்களும் அசைந்தன
விடையளிப்பதற்கல்ல
விழித்தெழுந்த என்
கண்களைத் துடைப்பதற்கு

பதிலறிய அழைப்பதற்கு
துணியவில்லை
தெரியாதே எனக்கு
என்ன வினாவென்று

தாய் மொழியில்
எழுதக் கூட
சோம்பல் எனக்கு
எப்படி ஆங்கிலத்தில்?

கருணை காட்ட
நோக்குனர் என்ன
கடவுள் அவதாரமா?
முயற்சிக்கவில்லை அதனால்

களைப்பை ஏற்படுத்திய
மூன்று பாடங்களுக்குமாய்
ஓய்வெடுக்க ஏங்கிய எனக்கு
ஆங்கில பாடம் உதவியது
தலை வைத்து மேசையில் படுக்க!

== ஒரு மாணவன்==